د. شنكوتي (رواية متوقفة) 🚫

الجزء 02

انا : اقسم بالله انتو عيله ما جاده 😂

امين : الموضوع طلع جينات وابوي وعمتي طلعوا نفس عينه امهم وابوهم 😅 زول شين اصلو ما بعرفوا وعمتي بسامحتها دي عزلت عزيل صح وجابت ليها راجل كده شي عجيب 😍 اما ابوي دا حركاته نسخه طبق الاصل من جدي طلع صايع وبتاع جكس واكعب من جدي لما كان في سنه 😂 جدي عقل طبعا بعدما عرس 😅 المهم لما جدي زنق ابوي للعرس قال ليه انا ماعايز من بنات الخرطوم بنات الخرطوم السمحات وعجبوني جكستهم وما حبيت اي واحده فيهم فشنو انت اختار لي بت من بنات البلد تكون اخلاقها عاليه وطبعا تكون سمحه اسمح من مرتك 😉ههههه شوفي الصايع قصده امه😅جدي وحبوبتي ماصدقوا وخطبوا ليه من اهل جدي يعني يالاخت انا امي قيامه رابطه 😍 افو كمان نحن بنلعب سمحين من كبارنا 😜

انا : ياخ كرهتني عرفتكم سمحين 😂 اها وبعد داك

امين : امي ولدت 3 اولاد صواريخ 😉 وانا اصغرهم واسمح واحد فيهم 😛 وابوي لسه في جنو وما عقل .. وامي قالت ما مقصر منها في شي ولما يكون معها بحسسها انو الله ما خلق غيرها تاني دايره شنو خلي يصيع صياعته بره بره وفي النهاية برجع لبيته 😂 مراه واعية .. اخواني الاتنين قروا في السودان وجدي عرس ليهم اول ما اتخرجوا اما انا اصريت اقرا في لندن وجيت هنا الجامعه

قعدت مع عمي في الاول والله يا مريم نفسنت عديل 😢 ما متعود علي الشناه قعدت معه اسبوع بس واول ما الجامعه فتحت قلت لي احسن لي الداخليه وكمان عشان مرتك واولادك ياخدوا راحتهم 😂

انا : مراته واولاده شينين ولا شنو 😂

امين : يابت هوي معرس ليه انجليزية خرافيه حددوا ليك مع جدي وعيلته كلها 😅 جدي دق جرس في الأول لكن لما شاف المراه سكت طوالي 😂 وقال شوف ود الذين حددوا في السماحه مع ابو زاتو 😅 ابوي الحاقد قال عارف مافي سودانيه سمحه بترضي بيه يعني نحن غالبنا نعرس خواجية 😂 يازوله الخواجيه دي لما جات السودان كانت حدث في العائله وجهجهت ليك امن نسوان العائله كلهم وخافوا رجالهم يقبلوا علي الخواجيات 😅

المهم يا الاخت انا لما جيت البلد دي اول سنه صعت صياعه جد🙈 جربت الخمره ولقيت دا كلام فاضي يعني شنو اشرب حاجه تخليني ما واعي ومن اول تجربه لي ما حبيتها وقررت تاني ما اشرب حاجه لا خفيف لا تقيل حاجه ما حبيتها لي اشيل بسببها ذنوب 😉 اما النسوان عشان انتي بت محترمه خلينا نتجاوز الحته دي 😎

المهم جدي وابوي واخواني كل سنه بمشوا الحج وانا مشيت معاهم لما كنت في سنه ثالثه بعد حجيت ربنا هداني من عندو في موضوع النسوان دا وتاني ما عملت اي علاقه جنسية مع اي واحده لحدي هذه اللحظه 😎 وكل سنه بقيت بسافر احج مع اهلي اكفر الذنوب اول باول اما موضع المزز دا وراثي وما بتخلا لكن حدي مع الواحده الونسه بس

في اجازه سنه رابعه كان عرس اخواني الاتنين لما مشيت جدي قال لي الا تخطب 💍 وانا ما كان عندي علاقه جاده مع واحده هنا لانو للاسف البنات اللاقيتهم في لندن ما نفعوا معاي فري خالص .. في السودان الحال ما كان افضل من هنا في العرس كشفت لي علي كم واحده كده واخترت اتنين اتعرف بيهم .. اقسم بالله يامريم اخير منهم بنات لندن😏 انا لما اتخلعت😲 والحاله فيهم واحده محجبه لكن افظع من الما محجبه😦 دا شنو دا هو بنات السودان بقي فهمهم للحب البوس والاحضان واللصيق 😲 ياخ جراءه كده ماعادية من كلام لتصرفات المهم رجعت وما خطبت

السنه البعديها لما مشيت للاجازه قلت ما اخت موضوع الخطوبه في راسي واتعرف علي بنات من محيط اهلي واصحابي .. واصحابي نصحوني باختبار الاحترام الانا ما مقتنع بيه لكن لقيتهم كلهم بعملوا لانهم بقولوا البنات بقوا صعبات .. اتعرفت علي بت اهلي 👩 دي اتماديت معها في الكلام في التلفون والله هي البقت سايقاني في الكلام😲 علي مع اعتقد هي كان دا فهمها للحب 😅اقول ليك شي بعد كلامها معاي ما لاقيتها زاتو وحظرت رقمها طوالي 😎

تاني مشيت مع صحبي الجامعه عجبتني صحبته ولما لاقيتها في الجامعه كانت لابسه كويس لما اتواعدنا جات لابسه لبسه ياخ انا خجلت ليها 😅 قلت ما اقييم باللبس يازوله جربت امسك يدها في العربية .. لقيت الموضوع عادي مشينا مطعم جات قعدت لصقي في الكنبه وما شوفتي سبيل العيون والكلام كيف اها جليتها برضو 😅

وشوفت بت جيرانا دي ما بتلبس طرحه عديل زوله واضحه 😅 لكن الغريبه بتلبس كويس قلت الطرحه بلبسها ليها انا دا 😅 يازوله دي طلعت خطيره عديل عزمتني رحله هي وشلتها بتاعت الجامعه في مزرعه اهل زميلهم المزرعه زاتها لبش 😂 دا غير سجارتي وسجارتك 😅 بعد شويه الدي جي اشتغل لندن مين يا الاخت ياخ ديل خطرين عديل والساعه الاغاني الاسلو اشتغلت كل بت وولد قاموا يرقصوا وصحبتك قالت لي يلا يا بيبي نرقص .. بيبي و اسلو من هسي طيب في العرس حنرقص شنو 😂 انا ماعارف عشان انا جاي من لندن معناه داير بت فري .. وامي رشحت لي واحده دي والله محترمه جدا لكن كرهتني😬 ليه ماضربت لي ليه مارسلت لي تلفونك مشغول مع منو يعني انا اليوم كلو اتكلم معها ولا الفهم شنو 😡وفي واحده دي معقده وما بتنفع معاي اها تاني اعمل شنو يعني

انا : 😂😂😂 دا انتقام ربنا منك علي العملتوا في السنين الاولي هنا

امين : الحمدلله ربنا هداني لكن اقول ليك شي هو اغلب الجيل القايم دا اولاده خايبين 😅 دا من الشوفته ما البنات براهم .. يازوله لحدي اخر اجازه القبل ما انزل الشغل هنا كنت حايم وبفتش لكن مستوي بنات الجامعات في السودان بقي منتهي عديييل الا من رحم ربي والحب بقي عندهم عباره عن علاقات حميمية وبتفاخروا بيه .. وانا شخصيا العرفتهم وعملت ليهم اختبار الاحترام كان من كلام ولا تصرفات فشلوا فيه 😏 والطلعوا محترمات طلعوا ماديات انا بت تعمل فيها مفتحه وتشيل من ولد قروش دي بالنسبه لي بت عينها ما ملانه 😏 والبتتمادي في الكلام والتصرفات باسم الحب لا تصلح للزواج ولا بثق فيها مهما كان .. المحترمه بتصون نفسها وشرفها وعرض اهلها وما بتتنازل عنه الا بالحلال وبتكون عينها ملانه مهما كان وضع اهلها اما غير كده دي ما محترمه ولاحاجه والله من الشوفتوا كرهت بنات السودان وعارف في بنات كويسات لكن الاغلبية بقوا ما نافعين .. حاليا عندي علاقه ببريطانية اسمها كاتي الزوله دي اخير لي من اللاقيتهم الف مره وبقيت بحبها بس عندي حبة تحفظات كده لو قدرت اغيرهم فيها بتزوجها .. البريك انتهي يا الاخت وبكره بحكي ليك عن سبب جرستي من زياره اهلي لي

يتبع.....