د. شنكوتي (رواية متوقفة) 🚫

الجزء 02

[اللهم اجعله منزل مبارك عامرا بالذكر والعبادة محاطا بالحفظ والسعادة وعتبته البركة والزيادة ]

مريم تشعر بالسعادة 😍 رحلت بيتي المعمول بحب واي ركن فيه فرشته بذوقي وياداب حسيت اني مراه مع اني متزوجه لي اكتر من سنه 😅 وقررنا نعمل الكرامه حسام واحمد صلاح عزموا اصحابهم وانا قلت ح اعزم د.مارك 😍 ود.ديفيد وامين 😅 وكلمت حسام و وافق طبعا حسام حاكية ليه انو عندي زميلي سوداني من خلال ونستنا حول الشغل لكن من غير اي تفاصيل 😅 لما وصلت المستشفي كلمت د.ديفيد واتبسط وقال لي اكيد ح اجي .. اما امين موتني من الضحك 😂

امين : سجل لي اوب انا سجل لي الريده 👏 سجل لي املاك ما انت العسل زاتك اوب انا سجل لي الريده 👏

انا : ههههه مسجله باسمه هو ما باسمي انا .. و انت مالك ياخ .. جاي ولا ما جاي ؟؟؟

امين : البجيبني اقعد من رجال قدر ابوي شنو كمان 👴 جني وجن لمه العجائز ما جاي ولا شي 😤

طبعا امين صدق اني معرسه راجل عجوز 😅 وحسام الفتره ديك هو الكان بوصلني المستشفي وفي نهاية اليوم لما كنت بقول لي امين اطلع سلم علي راجلي واعرفك بيه كان بقول لي فرحانه براجلك العجوز دا مالك وانا مالي ومال العجائز وبرفض يطلع يسلم عليه 😂

انا : احسن ليك اكل كاااارب 😋 اصلك جنك اكل وكمان في شباب 👨👨 اخواني الاتنين قاعدين وظريفييييين 😎

امين : شوف الاستغلاليه وكمان مقعده اخوانك في بيت الراجل واكيد جايباهم بقروشه .. مريم متاكده في شباب👨ما تمسخي علي الاكل 👌

انا : اكيد طبعا هو انا معرسه لشنو ماعشان قروشه دي 😉 اي والله في شباب👨وشوف ديل اخواني وريتوا صوره احمد وحسام 🙊

امين : ماشاءالله القروش لما ظهرت فيهم شوفيهم مندييين كيف لما ما بتفرزي ياتو الكبير وياتو الصغير 😂

انا : ههههههه خلاص برسل ليك الموقع وبكره منتظرنك في العشاء 😋

[ اذا ثار الرجُل غيرةً .. فاعلمي ياحواء أنكِ امتلكتي عاشقاً !♥ ]

يوم الكرامه قبل ما امين يجي قلت لحسام د.امين زميلي مفتكر اني معرسه راجل كبير من كلام د.ديفيد عنك 😅 فشنو حيتخلع لما يشوفك

حسام : ههههه خلاص تعالي نتم ليه الوهمه ونلعب باعصابه حبه😃 انا عازم عمك علي البشارك معانا في الجمعيه وبراك عارفه زول نكته نعرفه علي امين علي اساس دا راجلك وكمان نخلي يركب لي امين وش 👹 عشان انتقم حقي 😅

انا : عم علي لا 😂 امين كرهته الناس الشينين حرام عليك بخلي العشاء ويمشي 😅

حسام : نعم شنو مريم امين دا بتاع جكس ولا شنو ما تخليني اقوم اتجنن عليك 😡