بعد ما وافقت حنين
سوو الفاتحة وكملو كل التقاليد مال العزاء
حنين : ورا ما ماتت امي ماتت روحي وياها وطلعتلي شغلة الزواج صفح بس قبل ما نتزوج صارت عند راكان شغلة خارج العراق بسبب الشركة وهيج اشياء يعني من شغل اني شوية ارتاحيت لان ما اريد اتزوج واكره فكرة الزواج. وامي بعدهة ببالي
رحت يم بيت عمتي وضليت يمهم ودائما ازور بيتنا انا وماما بس سفرة راكان طولت واني ما جنت مهتمة ابدا لان حياتي صارت عبارة عن حياة سوداء كلشي صاراسود بعيني
صار افضل مكان عندي هو المكان المضلم المهجور بيتنا صار عبارة عن بيت اسود ملشي بيه اسود كل يومية اروح اله وافضي كلشي بداخلي هناك دون اي دمعة منزلت دمعة وحدة ورا عزاء امي ولا خليت احد ينزل دمعتي
ورا سنة وطبعا كملت دراستي وجبت معدل 95 لخاطر امي جانت امنيتهة اكمل دراستي وحققت امنيتهة
مرة من المرات
اجتي عمتي ايمان وياي لبيتنة اول ما دخلنا
ايمان : بسم الله الرحمن الرحيم
بنتي ليش بيتج اسود كلشي اسود الستائر والجدار والارضية والمقاعد بسم الله شمسوية بلبيت
حنين : وبكل برود وبدون اي تعبير وبدون اي كلمة
ايمان : دخلت لبيتها وكالبته اسود من ماتت المرحومة امهة وبعد ما اضهرت اي شئ ع نفسهة دون طلعة دون ضحكة دون اي تعبير دون اي عصبية برووود كامل وعزلت روحهة كلشي صار اسود بحياتها ما اعرف هاي البنت شصار باحوالهة. حيرت كل الناس
راكان راح مدة سنتينن ولمن رجع كان متزوج وعنده طفل
>>نرجع للوكت السافر بيه راكان<<
راكان : سافرت علمود الشغل بس صارت الية مشكلة وحدة وياي بالشغل مدري شحاطتلي بالطعام ونمت وطلعت متفقة علية هي وصديقاتها
لمن كعدت لكيت نفسي ببيتهة وهي اسمهة علا
اعرفكم ع علا
علا : عمرها 21 بشرة بيضاء عيون خضر شعر اشقر وهي عراقية وعندهة حرية زايدة عن اللزوم سافرت وي اهلهة واشتغلت بشركة ابو راكان وهس تعرفون شسوت
نرجع لراكان
لكيت نفسي ابيتهة كاعدة وتضحك كلتلهة
راكان :انسة علا انا شجابني هنا
علا : انت اجيت بنفسك
راكان : شنو قصدج كوليلي اني وين
علا : هسة اكلك يا حلو انتة هسة حبيبي ورجلي ولازم تتزوجني والا افضحك كدام كل الناس
راكان : هييي انتي شدتخربطين. شدتحجين شنو قصدج احترمي نفسج
علا : شوف هاي الصور يا حلوو واني هسة بذمتك لانك اخذت ....
راكان : ✋👋 يا كلبة يا ساقطة بلا شرف
علا : انت تضربني والله افضحك واحليك عار بين كل اهلك عرفت انت الي وبعد انت السويتني مرتك مو اني واذا ما تتزوجني تعرف شيصير عندك
عندك مهلة يوم واحد ورجعلي خبر
راكان : دفعتهة وطلعت بسرعة وكاره حتة نفسي
رجعت للشركة اخذت سيارتي وحاير شسوي
فكرت هاي شلون مصيبة وكعت علة راسي والصور والفيديوهات بيدهة بس اني شلون سويت هيجي خاف هاي مو اني لااا لا شنو مو اني صورتي مبينة
اوووف شلون شوكت اني شربت اني ما عندي شغلات شرب
اريد اتذكر خاف شربت وما ادري بنفسي او نسيتى
راكان : عاااا. الله لا ينطيج يا علا
😲 هي جابتلي الاكل والكهوة. حطتلي بيهن يمكن اي والله لان اني ما اشرب ولا شارب بحياتي. يا رب شلون اطلع من هاي المصيبة وحنين شيصير بيهة
