الشخصيات
حنين: بطلة القصة عمرها18 حلوة حيل عيونها اسود كبار مكحلات شفايف صغار وحلوات بشرتهة حنطاوية شعر اسود بسواد الليل طويل للركبة ( مو الرگبة) طولهة عادي بس وكحة حيل وهي يتيمة وعايشة هي وامهة ببيت وحدهن
ام حنين (زينب) : مهندسة عمرها38
والبطل بعدين تعرفونة
ام حنين : بنتي حنين تعالي وياي لبيت عمج لتضلين وحدج بالبيت
حنين : اووف ماما ما اريد اروح اكره اروحلهم بس يكصون بالناس وتعرفيني ما احب اطلع
(حنين جانت متحب الطلعة مگضيتهة اغاني وتعزف ع الگيتار وتهتم بنفسهة وونسة بمدرستهة وي صديقاتها )
الام: طبج مرض لا ترحين ضلي بس اغاني
حنين : يا ماما شبيج هس اغاني بس ملتزمة بدراستي ليش كل قهرج اطلعيه بية
الام: يلة يلة اني رايحة بنتي اعذريني اني عصبية شسوي
حنين اوك ماما
راحت امي وضليت وحدي بالبيت وطلعت اغنية وگعدت مشطت ع مكياج ع تلفون. وكعدت سويت دولمة وضميتها
رجعت ماما وسويت عشة لان بالعطلة العشة علية لان طبخي جهنمي وما احب طبخ امي 😂 المهم راحت ورجعت لكتني مسوية بيتزا
كملنة وكعدت حجت شصار ما صار وكالت
ام حنين ; بنتي ليش ما اجيتي بنات عمج كلهن هناك وسوالف وضحك وهم اجة ابن عمج جان يدرس برا يمكن متعرفيه ( لان جان هو واهلة بغير محافضة ولمن اجو اهلة بمنطقتنة هو طلع يدرس خارج )
حنين: اولا بنات عمي تعرفيهن كل وحدة حايرة بنفسهة ولمن اروح يمهن عبالك وحدة غريبة وانتي تعرفين بس سما ووسن زينات والباقيات ... وثانيا هذ يا ابن عم منين اجة طلع من فطر. كلتهة واني اضحك باستهزاء
ام حنين : اولا ادري بيهن بنتي وثانيا ميصير هيجي تحجين وكتلج جان يدرس بالخارج وبالسنة مرتين يجي الى اهلة ف متعرفيه
حنين : اها. .. يلة زوزو خل اروح انام
ام حنين : ولج شنوو زوزو كولي يمة ووين بعد وكت الساعة بال9:00. شنو بس فهميني حت الدجاجة تنام من وكت وتكعد من الفجر انتي تنامين بال9:00 وتكعدين بال 2:00 الضهر. وبالمدرسة ترجعين من المدرسة بالوحدة ضهر تكعدين ثاني يوم واكل ما تاكلين
حنين : ههه ماما انتو مو تصيحولي دبة فكلت اسووي دايت وصج مو صايرة ضعيفة (نسيت اكول حنين دبدوبة شوي موو هواي يعني خدود وجسم )
ام حنين : اي ضعفانة صايرة تخبلين ما شاءالله
حنين : فدوة لماما تسمنين حياتي يلة باي
رحت نمت كعدت ثاني يوم جان يوم سبت كاعدة امي اتعزل بالبيت بيتنة حلو وجبير وماثث جان تكلي امي
ام حنين : ولج حنين شلون راحت من بالي والله ما اعرف شلون نسيت
حنين : ها ع كيفج شكوو شناسية
الام : ولج غير بنت عمج سوسن. رح تنخطب وخطوبتهة الجمعة الجاية
حنين: وشسويلهة شكد مكروهة كرهتني ببيت عمي من ورا سوالفهة هي واختهة شكد يغارن وصلا ما اروح ما عايزة حجي ينرفزني ام حنين: لا بنتي ليش مترحين شعليج بيهن وثانيا صار سنتين لا شايفة بيت عمامج ولا هم شايفيج كطعتي بيهم من قبل
حنين : ماما تغيرت اني مو حنين الجانت فطيرة اوك ورح اروح حت يعرفون اني مو نفس حنين اليعرفونهة وضحكت باستهزاء لان جانن بنات عمي مكروهات ويذبن حجي طالع نازل وبسامير واني اتنرفز من هيجي شي. ومرة.اخت سوسن الي هي منال چنة ببيت عمي وطلعتني من الغرفة وطببت البنات الباقيات بحجة يعزلن ونزلن حجي طالع نازل علية واني جبيرة. وما اتحمل مغثة عفتلهن كلشي وما شافوني بعد ( لمن حنين اتطنگر ها هية لو تنطبق السماءع الارض لازم اتسوي البراسها )
ام حنين : اي بنتي روحي ميصير تبقين معزولة ووحدج
حنين : اوك
ومرت الايام وكضيتهة مدرسة سادس بس اني بعشيرتي وصلت واجت الجمعة واشتريت للخطوبة شورت جينز يجنن ووياه شيرت اسود ابو الشدة من الرقبة وعاري اليد طبعا والضهر نصة عاري.ووياه حذاء اسود كعب مقبط وقلادة دمعة زرقاءوشعري سرح فتحتة ع طولي غطاني عبالك لابسة عباية 😂 وكحلة جو العين وحمرة حمرة مع الميكب الاعتيادي طلعت اجنن اني محجبة لان ببغداد وجبيرة بس مو هل گد ملتزمة بيه لبست عباية فوق هدومي ولبست شال شمر اسود اعشق لون الاسود صعدت وي امي بالسيارة امي تسوق. اني اعرف بس لمن تطلع وياي ما تقبل 😢 ووصلنة اول ما دخلنة يمكن عماتي وبنات عمي معرفني 😂😎 المهم
حنين ; سلام . سلمت ع عماتي وحدة وحدة وبنات عمي سلمت عليهن بايدي 😂 طبعا عماتي وبنات عمي ميعرفن شيحجن لان اخير مرة شافني قبل سنتين وجنت صغيرة وشعري قصير وغير شي عن هسة
طبيت للغرفة هي حفلة بس بنات ولا واحد من ولد عمي موجود صعدت بغرفة جنتهم بيت عمي ولكيتهة واني احبها حيل مبدلة جانت
حنين : يا هلا بوسن مشتاقتلج حيل
وسن: ولج حنون شنو هاي الغيبة ما تسالين ما تگولين ولمن نجي عليج نايمة ومتقبلين تشوفينة
حنين: امم شسوي اني من انام انسة نفسي واسالي ماما ( جذب ما جنت احب اكعد يمهن بس وسن احبهة وما شفتهة من وراهن يلة )
وسن: عوفي هذ الموضوع ولج شصايرة شنو هاي الجمال ولج
حنين : تعالي اكليني.بعد 😂 خل ابدل بدت الحفلة
وسن : ههخ يا خبلة يلة يلة بدلي اتاخرنا من صدك
بدلت وعدلت ووسن تفاجات بجسمي هه جنت سمينة يا عيب الشوم 😂هستوني نزلت من الدرج اني ووسن جنت دا اركض لان زوزو جانت اتصيحني سوري سوري قصدي ماما رحت ركض جان اتعثر بالدرج 😭 اول ما عثرت صحت ماااااااااماا وغمضت عيوني شالقصة شو ما وكعد فتحت عين وحدة جان اشوف ولد لازمني ما اعرفة گمزت من اديه بسرعة من الخوف ركضت فوك وسمعته يضحك خفت لاني مبدلة مال حفلات بناتية يعني افتهمو. ما يصير وهو ولد غريب جان تجي وسن تصيح
وسن : ولج حنين حنين افتحي الباب
حنين: اي ايي
وسن : ولج شبيج عبالك شايفة شبح وج هذ ابن عمج راكان الجان مسافر ما عرفتيه
حنين: اوف واني شعرفني وين شايفتة
وسن يلة مصار شي
راكان : ابن عم حنين حلوو حيل مشاكس لابعد الحدود البنات يموتن عليه ابيض. عيون. رصاصي. شعر طويل بس مو طويل حيل لنص الرقبة عمرة 22 ويحب الشقة شقاوجي زيادة عن اللزوم وهو يتيم اب وام وابوه مليالدير وفلوس ابوه كلهن صارن بايد راكان
راكان: جنت دا اصعد لغرفتي فوق لان عشت وي بيت عمي ما اريد اضل وحدي ببيتي ضوجة وملل ف جانت وحدة اول مرة اشوفهة دتنزل ركض من الدرج وشعرهة يركض وراهة 😂 شلابسة صخام بعيونهة او شطالعة ما اعرف وتركض ما منتبهة الي وعثرت بالدرج بثالث باية يعني شوي وتوصل بس خطية وكعت لزمتهة من اديهة حت متوكع ومغمضة عيونهة جان تفتح عين وحدة واول ما شافتني انهزمت وطلعت ركض فوق. وراها راحتلخة وسن مدري شحجت وياها جان تنزل وسن سالت وسن كلتلهة ولج هاية منو وسن: هاي بنت عمك
راكان : ولج صارلي شهرين من اجيت ابد ما شفتهة ولمن جنت اجيكم قبل ابد ما اشوفهة
وسن : اكيد متشوفهة انت تجي مرتين بالسنة وتجي بيوم السبت وهي بالسبت تكعد تقرا وما صادفت وشفتهة
راكان : اقنعتيني
نجي لحنين
حنين : حجت وياي وسن واني كلتلهة شلون اطلع كبالة هيج كالت هس هو يصعد لغرفتة وانزلي اني كلتلهة وليش شنو هو ميطلع منا كالتلي ولج شيطلع الولد كاعد بغرفتة ونزلت ضليت كاعدة جان تجي وسن
وسن : يلة يبطة الولد بغرفتة تعالي انزلي
حنين : هس اجي بس اعدل شعري لان تخربط
وسن :اوكي حبيبتي اخذي راحتج
حنين : عدلت شعري والميكب تقريبا 10 دقايق فتحت الباب وجان ينفتح الباب الكدام غرفة وسن وهو غرفتة لراكان وطلع صار بوجهي اووف يا ربي شالقصة اليوم
راكان : انتي حتموتيني انزلي بالله وضحك
حنين : لا بربك شنو اموتك انت كل مرة تطلع بوجهي الحفلة خلصت واني ما نازلة يمهم 😈 ومكتفة ادية ( كلتلكم وكحة )
راكان : ها ولج طلعت اني السبب تقربت عليهة وكلتلهة تنزلين لا اشيلج وانزلج
حنين : تقرب علية وكالي تنزلين لا اشيلج جان ارفعلة حاجبي وكتلة خوفتني جنت حاطة سجينة بجيبي طلعتهة من الشورت حطيتهة ع رگبتة وكتلة توخر لا اكتلك بيهة والله
راكان : هه ترا گمت. اخاف شنوو. تهدديني عادي قابل يلة وريني عرض كتافج
حنين : دفعتة وكتلة لو ما ابن عمي جان شمرتك من الدرج
راكان : ضحكت وكتلهة ما شاء الله الوحيدة من بنات عمي مسترجله
حنين : رفعت حاجبي وكتلة لعد شعبالك ونزلت
خلص البارت 👍
