امير احلامي ولكن

السابع

مساء الخير

مثل ماعرفتوا زينب تريد عن طريق الزواج من قيس تنتقم من العائله الي حطمت مستقبلهة وحطمت اهله وتاخذ ورث ابوهة منهم ماكو غير هاي الطريقه هي الحد هسه تكرههم ومتطيق ولا واحد منهم وكلي الي سوته هو على المثل الي يكول اتمسكن الحد ما يتمكن وهسه راح يجوي دور الانتقام بس دائما الي يريد ينتقم يطلع خسران بس هي محسبت حساب الهذا الشي
واجه يوم الخطبه والكل متحضر الهذا اليوم وزينب جوهة للبيت وسوت شعرهة سرح لمته ليفوك والباقي خصل عافته على حاله ولبست ثوب بصلي وحذاء ابيض
ومكيجت مكياج وردي فاتح اصبحت سندريﻻ وبرز جماله كمراه ناضجه من نزلت ابهرت الجميع من ضمنهم قيس واحمد وكاظم احمد رغم هو خاطب وخطيبته بصفه عينه صار عليه وكاظم شهك وقيس ﻻحظهم ضاج عيونهم
الجد للكل بعد مارحب بيهم

كللكم تعرفون حفيدتي بنت المرحوم مراد زينب هذا اليوم جمعتكم حته اكللكم انو اعلن خطوبته من حفيدي العزيز قيس ابن عمار ابني وهمة اﻻثنين اصحاب شركه ابني مراد الي هي هسه اكبر شركه بلعراق البعض صفق فرحان والبعض الاخ ضاج غيره وحسد وطمع ماعدا اثنين مصدومين اتفاجؤا ممتوقعين زينب راح تروح منهم او بلاحرى الشركه هي الي تروح منهم
عادل خزر على ابنه وكال مو كلتلك انت غبي وتبقه غبي راحت الشركه من عدني بغبائك
امير
هذا الجد داهيه مجنت حاسبه هيج حساب شلون كدر يقنع قيس المعقد على الزواج
انجب هو انت كلما اكلك اسويت تكلي هذا هو صارت بجيبي نام وبطنك بطيخه صيفي اخخخخ منك خل نرجع للبيت اﻻ اعلمك
امير
جدو انطيني فرصه اﻻ اخلي هذا الجد يبجي دم.
شتريد اتسوي ولك اﻻغم اعرفك تفضحنه كله وﻻ قيس هذا ادهة من جده
ﻻ لتخاف انت خليه عليه ومعليك هي حرب ﻻزم تصير خسائر ياتصيب ياتخيب المهم الي يربح بلاخير
الجد
هاي اخر فرصه الك وبعدهة اني راح اصرف واول واحد ابلش بي انت
واب مكان اخر من الحفله
ميس تباوع على قيس وهي الحد هسه تحبه وتشتاق الشوفته وتحسد زينب عليه ﻻن اخذت اغلى كنز عد هذي العائله بس هي طفله الحد هسه ومتعرف بقيمته
زوج ميس انسان حقود يكره كلمن غني وباله ابد مو يمهة بس يباوع وينتقد
ميس
على كيفك ليسمعك جدي ويزعل
اني موكلتلج ما احب هيجي طبقات تتعيقل بثروته
هاي الطبقات ماخذ اينيه منهم
انتي غير
ميس
اهووو هم بدينه كافي سد الموضوع
قيس شاف زينب
شتو هذا فستانج (بضوجه)
شبي مو حلو كل البنات تخبلوا عليه
ملكيتي اقصر منه
ﻻ ملكيت بعدين هي حفله خطوبه شتريد البس كونيه
وشبيه الكونيه على اﻻقل استر من هاذي المﻻبس الداخليه
يالله اني شورطني وياك انت يمكن مشايف مﻻبس داخليه مال النساء الدليل حجيك متفرق بينه وبين فستان الحفله
ههههه ضحكتيني مشايف هلكد مشايف بعد لعبت نفسي
زينب فتحت عيونه الوسعهن دﻻله على صدمته هة ميستحي وﻻ يخاف يحجي هذا الحجي كدامه وهي بعدهة مصايره زوجته ميخاف يخصرهة اهووة اني شحجي هذا الي يكوله حته تفسخ الخطوبه وتطلع من عدهة ومن عنده
قيس
ها شو فكيتي عينج مثل الثوله شكو شبيت ﻻول مره تسمعين عني زير نساء
ﻻ ممصدكه بيك ممبين عليك عبالك سيد تصدك هذا وجهك حيل نوراني عبالك منك لله
هه حبيبتي زنوبه انشاء الله نزوح عن قريب وتشوفين مني الي عمرج مشفتي
يمه خوفتني**** بابا هاي الكدامك كلبه امبدلته بثاني حديد
هههه لاول مره اسمع بكلب مره وحديد بس تدرين صار عندي حب استطﻻع اشوف هذا القلب الحديدي وباوع ابطن صدرهة باشارات من عيونه هي خجلت
هاي شتسوي خزيتنه مو هناك العالم كله تباوع علينه.
ها يعني افهم من كﻻمج مو كدام العالم ولزم من ايدهة وسحبه البره الحفله
هاي اشدسوي مو عيب خجلتني وتسحب روحه منه كدتلك هناك الناس دتباوع علينه
يله خلي تخلص الحفله وشوفيني
زينب ويه روحه هذا اشبي يمكن اتخبل لو هو من اﻻصل مخبل وما ادري بي صحيح اني اشوكت محتكه بي طول عمري اخاف اتقرب منه هنوب وكع براسي هسه ياالله لو احمد خطيبي اشجان راح يصير
احمد شاف زينب تباوعله ونظراته كله عواطف هو جان مت زمان حاس بيه وبنظراته بس هو جان يحس بيه اخته الصغيره لكن هسه ميعرف احاسيسه تجاهة اتغيرت بس هو يغالط روحه ﻻن خب ال شيماء خطيبته مغطي على كل المشاعر الي عنده
تقرب اله
هلو زنوبه مبروك وباس انتي اشتلكلين كوليلي
ليش
طالعه كيكه شنو من كيكه كلها حلويات
قيس حس بكﻻم احمد غزل ونظراته اله معجبته
قيس
شنو ابن عمي نحن هنا
اسف بس تعرف ابن عمك ميقاوم وميكدر يسد حلكه امام كل هذا الجمال وميحجي اعذرني ابن عمي سواهة شقه
قيس كلش ضاج ﻻن زينب راح تنفخ ريشه عليه اكثر بس ضاج اكثر ﻻنو حس انو احمد نظراته الخطيبته مو عاديه
هنوب اجه كاظم كمل عليه
مبروك وعيونه كلهة حزن
قيس هذوله اشبيهم هليوم (صاح بيهم)
خطيب وخطيبته ويردون ياخذون راحتهم متهوونه
احمد اي اني اسف
كاظم بهمس دير بالك عليهه بداعت جدو
قيس بغضب
روح من يمييي
سمعت زينب
هههههه
قيس
اضحكييييي
وبعدهة صاح الجده العشه حاظر والكل راح و اتعشه
وكان بجلسه العشاء متخلو من عناد زينب وقيس ونظرات الكل عليهم
ومرت الحفله بسﻻم وراح الكل البيته بعد متمنالهم الحياه السعيده وراحت زينب الغرفته وسبحت
اخذت كتاب قرت شويه ونامت ٠٠٠٠
اما قيس فراد شكد ينام مكدر ﻻن كلما يغمض عينه منظر زينب وهي ﻻبسه الفستان وطالعه مثل اﻻميرات ميروح من بالهة شنو شدسوي بيه هاي الزعطوط بس ﻻ اكوم احبه واتورط اني شجاني وقبلت مو جنت كاعد ومرتاح اخخخ جدو
يتبع