امير احلامي ولكن

الرابع

مساء الخير
قصه للكاتبه ذكرى المندﻻوي

حُينِ عًشَقًتُكً,,
تُعًلَمُتُ أنِ أحُتُآُجٍ إلَيكً وأنِتُ مُعًي
تُعًلَمُتُ أنِ أحُضنِكً..حُتُى
ولَو كًنِتُ بَعًيدَآُ عًنِي

بعدني اتذكرك
لمن يجي الليل ..
واركضلك كأني متاني ملگاك ،،
واضحكلك واگلك
جرحي بالريش ..
وتلتم ذكرياتي تسولف وياك ،،
ولا چنك هذاك
البية خليت ..
الم لا زال احسة من الجرح ذاك
٠٠٠٠٠٠٠
زينب تجيهة مدرسه خاصه كل يوم الحد وهي جانت ذكيه تستوعب بسرعه وحبه للدراسه وطموحه خﻻهة تكمل باقصر وقت منهاجه الدراسي
الجد
ها بشري ست رؤى شلونه حفيدتي وياج
المدرسه المسؤوله على زينب ست رؤى
زينب افضل طالبه عندي واني احب ادرسه وما شاءالله كدرت اتكمل منهاجه
وهنا دخل قيس وسمع كل الحجي وجانت ست رؤى كلش معجبه بي
قيس
سلم جاوبته ست رؤى بخجل وحست زينب وكالت ويه روحه هاي شبيه ست رؤى شو بس شافت هذا المعقد تغيير شكلهة وصارت حمره الكاتبه ذكريات
قيس
ست رؤى اكو احد يوصلج لو اخلي السايق يوصلج
ست رؤى
ﻻماعندي احد ياريت يوصلوني
قيس صار (خابر على السايق طالع بشغله للسوك)
قيس
اتفضلي اني اوصلج
زينب
احم احم رادهة من الله عبد الله هههه (ويه روحه)
بس الضحكه سمعه قيس جان يمه وخزر لهة وهي دنكت
وراح وراحت وراه ست رؤى وجانت ميس من بعيد تراقب وهي طاكه من القهر وزينب تراقب وتضحك ويه روحه وادكول هم بله ذني اشافن بي حته يحبوا  شو ضحكه ميضحك هذا المعقد وصفنت وحست واحد وراهه
احمد
ها شو صافنه
ماكو شي بس جنت صافنه بدراستي
اكو شي كوليلي واني مستعد ادرسج بس ست رؤى خوش مدرسه الكل يمدح بيه
هاي شنو شو كلكم تمدحون بيه
هااا شو كلكم ؟منو غيري مدح بيه؟
زينب
هذا المعقد
ههههه ياهو تقصدين قيس؟ ديري بالج ليسمعج ههههههه معقد
اي معقد ومرعب
قيس نسى مفاتيح السياره بلمكتب اجه سمع كل الحجي وظل واكف
احمد
دنك واتقرب منه وهمس باذنه وهي راحت لغير دنيه بس فاجئه بكﻻمه
المعقد والمرعب وراج &&&&التفتت صحيح انصدمت معرفت شتسوي ارتبكت
انييييي قصديييي
احمد يباوع عله قيس وعلى زينب منتضر النتيجه وشنو ردت فعل قيس
قيس خزر ال زينب هي انهزمت الغرفته
احمد
بعدهة طفله وانت بس اتخزر عليه من اتشوفه طبعا اشتتوقع ادكلك ؟
قيس
هسه انت ليش متاخر على الشركه انشاء الله هم اتذب شغلك عليه
ﻻاني اسف هسه رايح بس لتضوج كلشي وﻻ تعبس
وراح بسرعه من يمه
وهو هم راح للمكتب جاب المفاتيح وطلع يوصل المدرسه وطول الطريق وهي تحجي وهو ساكت يفكر بحجي زينب
دك على اﻻستيرن
رؤىاتفاجئت ﻻن هي مسوت او حجت شي يضوجه
انتبه كال اسف وكمل طريقه
وبلبيت زينب اتصادمت هي وميس من سرعته
ميس على كيفج شبيج عبالك شايفه بعبع
اني اسفه مشفتج
شكو خير
هااا جنت احجي على اساتذ قيس ويه احمد وسمعني خزرلي وخفت ليضربني
ميس اشكلتي
هااا معقد ومرعب
ميس اتنهدت
حقج هو من يوم الي عافته خطيبته وهو انغير على الكل
زينب حبت تعرف وسالته
شلون عافته وليش
جان يحب وحده بلجامعه وسنتين وياهة وخطبه وحددوا الزواج  بعد اسبوع كتبتله رساله اني ما اريدك واحب شخص اخر واهلي جبروني اتعرف عليك ﻻنك غني ومن عائله غنيه طمعوا بفلوسك بس ضميري مقبل اخدعك من توصلك رسالتي اني مهزومه ويه حبيبي ومسافره ﻻن ما اكدر بلياه سامحني
ميس تحجي وتبجي
زينب خطيه بس انتي ليش احس بيج اتكتمين شي ؟انتي معجبه بي واعذريني ﻻن سالت سؤال ميخصني واكبر من عمري
ميس
ﻻ سالي ميهم البيت كله يدري بس هو مدري يعرف ويغلس اني احبه مو بس احبه اني اعشقه
زينب
ليش متوكليله
ما اكدر كرامتي متسمحلي
من معلومات الي اعرفه عن الحب ماكو كرامه بلحب
ﻻ بلعكس الحب هو يعلمج على الكرامه ويعلمج هو اشياء بس تكبرين تعرفيه
ﻻ ما اريد احب امبين شي يخوف
مو بكيفج هو يجي على غفله هه مثل الحرامي يبوك كلبج ويخليج تركضين وراه
هههههه هاي احسن تعبير سمعته عن الحب
ميس
بس تعاي كوليلي شنو قصتج ويه احمد اشوف احوالج كلهة تنكلب من تحاجي بس ﻻ معجبه بي
زينب بخجل
ما ادري بس احس شايفته ما ادري غلطانه
ميس شلون
زينب بدت واتشجعت اسولفله حلمه
واني صغيره عمري عشر سنوات حلمت بهذا البيت الي اعيش بي جنت نايمه بحضن شخص وهو يمسح بشعري ويحنن عليه مثل ابويه
وحنت من اكعد مرتاحه ﻻن احس بي كل الحنان الي فقدته من ابويه وامي
بس من كبرت انعاد الحلم بس هلمره شفته اي شفته بس عيونه ونفس عيون احمد
ميس واشكدلج احمد تره احمد وقيس نفس عيون عمي مراد جدي دائما يكول واني هم اذكرهن نفس العيون
زينب.
ﻻﻻﻻ عفيه لتكولين قيس اني احس نفسي معجبه بااحمد
ميس
ههههه بس استعدي تره هو يحب وحده وياه بلجامعه وناوي يخطبه
هااااا فكت حلكه مصدومه كل احﻻمه راحت
ﻻ لتوكلين متاكده.
ميس
يمعوده يوميه يخابرهة والكل يدري اخخخخ منك احمد هيج انت محبوب وكلهة اتحبك.
زينب بعد منو
بت عمه مريم
هااا صدك هذا طلع الحب المستحيل
ميس
سويتي حب بسرعه
ما ادري يمكن كلشي ما افتهم اعجاب حب
ميس
انتي مراهقه وهذا الشي طبيعي اي واحد تشوفي يحن عليج ويحاجيج بمحبه اتحسين نفسج اتحبيه
جان حبيت جدو هههههه
يعني شنو اتتي متحبي
ﻻ احبه بس غير حب
امممم ما اعرف شكولج هذ االي اتشعرين بي يتوضحلج بلمستقبل ان كان حب صدك او غير شي
زينب
امممم يمكن
ومرت اﻻيام واﻻشهر والسنين وزينب هسه عمرهة صار 18سنه
واحمد خطب الي يحبه وقيس ظل على حاله رؤى اتحبه وهو مغلس وعلى كلشي اسمه حب او امراه وميس نفس الشي وياهة لحين ماايست منه واتزوجت بعد ماسمعت منه الرفض التام لكلشي اسمه زواج
ومريم سوت المستحيل علمود خطبه احمد متم
وزينب انقهرت حيل من خطب احمد وظلت بغرفته بس تبجي مطلعت من الغرفه الحد ما اجدتي جدته وقنعته تطلع وهي حست عليه  بس محجت اﻻ الرجله وهو بدوره كلله اسكتي هسه مو وكته احسن الهة الي صار خلي تشوف مستقبله ياحب هو بس يجي وراه بﻻوي وي بعدهة صغيره على هاي السوالف باجر تكبر وتنسى بس زينب مستحيل تنسى بقت الحد اليوم تحبه وتعتبره امير احﻻمه لان هو جان عطةف وحنون وياهة وقدم الهة كل الحنان الفاقدته&&^والجد هو يعرف حفيدته قلبه مثل قلب ابوهة اذا حبت تتعلق بلي تحبه وهي رغم كل الي صار كملت دراسه  بعد موكفت وياهة ميس وقيس بس ميقبل تعرف من جوه جوه بس ميس والجديعرفون
وهسه هي بعمر 18بلغت السن القانوني وصار من حقه تستلم شركه والدهة وامﻻكه بعد ما دخلت كليه الحقوق وهاي اول سنه الهة وهي صارت تشبه امها بلجمال كلش حلوه بيضه وشعره اشكر وعيونه وساع وعسليه والخشم اصغير والطول متوسط وناعمه ومتروسه الي يشوفه يكول سبحان الخالق وكاظم ابن عمه صار معجب بيه وترك كل امور التعبانه  وسوالفه ويه البنات وحبه واتمناهة تكون زوجه اله بس زينب وﻻ يمهة اﻻنسان الي اتحبه كلبه مو يمهة
اجتمعت العائله على الغده
الجد
بنتي زينب اشوفج صافنه اﻻكل ميعجبج
هااا جدو بلعكس كلش طيب
لعد بعدج ممخلصه الماعون مالج
هسه اكمله &&&^وبدت تاكل بسرعه وعيون قيس عليه
كاظم
جدو اريدك بحجايه اذا فارغ بعد الغده
الجد
انشاء الله بس اني سالفتي هسه اكولهة ماطول الكل متجمع
الكل التفت للجد 
اني اليوم اعلن خطوبه حفيدتي زينب على حفيدي قيس والي عنده اي اعتراض يكولي هسه واﻻ خلي يسكت
الكل ااتفاجئ حته قيس وزينب ﻻن مجانوا متوقعين يحجي بهل السرعه  وكاظم الي جان جاي يحجي ويه جده على زينب يريد يطلب ايده انصدم وكال
قصه للكاتبه ذكرى المندﻻوي

تصويتتتتت