Love you goodbye [Tunisian Harry Styles fanfiction]

9

Because once upon a time you were my everything.

It's very deep inside me but I fell there's something you should know:

I will never forget you.

You'll always be in my mind.

From the day that I met you, I knew that I will love you till the day I die.   

          H. XOXO

هاري بعثلي الmessage هاذا.

مسني الmessage برشا، آما مستحيل نكلمو و الا نجاوبو.

ثنيا كامله بابا يحاول فيا باش نقلو شبيني و آنا نقلو لاباس.

الي صارلي مع هاري باش نحسبها حلمه باهيه/خايبه و قمت منها. السيد ماشي في بالو لعبه عندو آنا. مره يحبني و مره ما يحبنيش. ماشي في بالو خاتر آنا fan معناتها نقبل كل شي، حتى يدخللي راسي في حيط  ميساش. لا. آنا ما نقبلش إنو يصير فيا والا في أي فان هكا. 😔

زعما باش نشوفو مره أخرى؟

الله أعلم.

'from the day that I met you I knew that I will love you till the day I die.'

لا لا لا لا لا. ما قلهاش... Impossible... 😨.

قللي 'I will love you till the day I die'

حسيت قلبي باش يخرج من بلاصتو و الدموع بدات تكثر في عينيا. قعدت نقرى في الmessage و نعاود. موش مصدقه.. مستحيل كان يطلع قالها من قلبو..

زعمه قالها من قلبو؟

و الا يمثل عليا؟

دخلت بعضي و ماعاد نعرف شي.

دوب ما دخلت البيتي، سكرت الباب ورايا طلبت سحر.

بعد ما نوقز التاليفون مرتين هزت عليا و كي العاده صوتها الي نموت عليه ديما يجيبلي الفرحه الى قلبي مهما كانت الحاله الي آنا فيها.

"آلو، أهلا بهاري. وينك يا بنتي؟" قالتلي بكل فرحه.

"أ.. أ-أ.. سحر تنحم تجيني للدار؟" سألتها و آنا متردده، خايفه لا تقلي مانجمش.

"علاه؟ شفما؟ و شبيه صوتك هكا؟" الحيره و الخوف ضاهرين في صوتها.

"أمممم.. تو كي تجي نقلك. تنجم تجي و للا؟" كلمتها و آنا نحك في راسي.

"باهي ها تو نشوف مع أمي و نقلك."

"باهي، آمان عيش أختي إزرب، ماعادش فيا!" ترجيتها.

"باهي، ياخي اش فما؟ لاباس؟ و الله فجعتني راك." قالت مفجوعه.

" سحر.. عندي ما نقلك و.. آمان إيجا و أتاو نحكيلك."