امير احلامي ولكن

البارت اﻻول

مساء الخير
قصه امير احلامي ولكن
للكاتبه
ذكرى المندلاوي
البارت الاول

زينب
بنتي انتي هوايه تكعدين يم المرايه اخاف عليج لتتخبلين
صدك يمه اتخبل
اﻻب
ههههه عوفيه تشوف خلقت الله ربي خالقه ممقصر وياه اتمنى اعيش اليوم الي اشوفه عروس
اﻻم
انشاء الله طول العمر الك والهه
والج ماما وبوست ابوهة من المكان الي يحبه خدوده والك بابا
اﻻب
ههههه بس ماانطيه ال رجله الا بطلعان الروح
اﻻم
هاي عود ليش هههههه
هيج يعجبني
زينب
اي عفيه بابا اريدك اطلع روحه
الاب واﻻم ههههه
زينب البنت المدلله لابوهة وامه وبس هيه طفله انابيب
مراد اتزوج امل عن حب وسبع سنين ماكو اطفال وهمه حالتهم كلش زينه مراد اخذ زوحته وسافر  وسوت العمليه بلخارج ومحد يدري من عائله مراد خاف عله مشاعر امل وخاف على بنته زينب ليعيروهة من تكبر ﻻن اكثر العوائل يرفضون هاي الفكره
عائله مراد اغنياء كلش اما عائله امل فعلى كد الحال
حبوا بعض بلكليه وصار عدهم بنوته ايه من الجمال وهي زنوبه تشبه الصوره الفوك
عمرهة حاليا عشر سنين مدلله بشكل بجاه امه وابوهة
حبوا يرحون سفره الى اربيل يصيفون مثل كل سنه
امل
اكعدي زنوبه لتباعين من الجام لتوكعين
اﻻب غوفيه خلي تاخذ راحته
اﻻم
انت هم نعسان لتروح اتوكعنه
اذكري الله
زينب فتحت الجام  كله
اﻻب بنتييييي ديرييييس بالجججج
اﻻم
ولك
مرررررراددددد
وشاءت اﻻقدار
تنتهي هاي العائله بحادثه ماءساويه توكع سيارتهم بلوادي بس زينب الطفله ذات العشره اعوام انشمرت من الجام على حافه الطريق
ونقلوهم للمستشفى وعرفوا عنوانهم من ا ﻻوراق الموجوده
بلسياره
عرفوا اهل مراد وانقهروا هوايه على ابنهم وذبوا الصوج على اهل امل من حركت كلبهم وره فتره فتشوا اوراق ابنهم مراد عرفوا زينب طفله انابيب شمروهة على اهل امل
اهل امل بس اخوهة وزوحته وجدته ال زينب
خالهةعلي يشتغل موظف وعلى كد حاله وعنده اربع اطفال وامه وكوه مدبر روحه ويه مرض امه وادويته وزوجته مره كلش طماعه رفضت زينب بس الجد ابو مراد انطاهم مبلغ سكتهم بي مغ راتب شهري يصرفوا على زينب
لكن زينب مستلمت منه وﻻ دينار ﻻ هيه وﻻ خاله وﻻ امه كله بجيب زهور مرت علي خال زينب
مرت اﻻيام وزينب بصدمه من يوم الحادث ومتعرف بلي يصير
حواليه وهي واحد يشمرهة على اللاخ وماكو اي حنان بس الجده من تكون صاحيه اكثر اﻻحيان نايمه ومو بوعيه ينطوهة حبوب مسكنه مره جبيره ومريضه بلقلب وماعدهم اجور السفر  والعمليه صارت بيه من موتت بته امل وظلت على هذا الحال
زينب ظلم زهور وضيم الدنيا وعته شويه شويه ورجعت الواقعه وبنت العشر سنين اصبحت بنت العشرين سنه
زهور خلته تلزم المكناسه وتمسح وتنظف وبطلته من المدرسه
علي
ولج هاي يتيمه حرام عليج اتكربين بيه اربع وعشرين ساعه هنوب اتريديه اتبطل
زهور اطكطك بلعلج
يامدرسه دخلي تتعلم كم شغله اتفيدهة هيه اول وتالي تتزوح
علي سكت ﻻن يعرف بس يطول وياهة راح تزعل وتطلع من
البيت واتعوف عليه جهاله وكلهم صغار محتاجيه (ﻻزمته من ايدهة التوجعه)
ومرت اﻻيام وظلت زينب تعاني من هذا الظلم     مﻻبسه اصبحت رثه*(مشكشكه) وقديمه وشعرهة مهمل وصخ 
كبرت وصار عمرهة 14سنه كامت ادزهة زهور للمحﻻت تتسوك وهي كلش حلوه رغم وصاخته  الكل عينه عليه ويتحارش بكﻻم بيه ومره واحد من الي تتسوك من عدهم خبز
شاف ماكو احد وظهريه وهي دازته زهور عدهة الخاتون خطار استدرجه ودفعه لداخل المحل لوﻻ صراخه وعظته من ايدهة وشلعت لحمايه من ايده وجتي تركض الزهور وهي تبجي وكدام الخطار صاحت راد يخطفني ابو الصمون  صاحت بيه زهور وجرته جوه وشبعته كتل وحركت رجليه وايده بل خاشوكه حته لتعيده هذا جان عقوبته الزينب تجوي ايدهة ورجله من تضوج منه وهي تسكت وتبجي من جوه جوه بليه ما احد يسمعه 
نرجع
للجد ابو مراد جان كلما ينام يحلم بابنه مراد يجي ويساله عن بنته ويكوله يابه شلونه زينب زينه سلملي عليه هوايه
والجد يكعد كلش ضايح وهاي الحاله ظلت سنين بي الحد ما فد ليله وهي نفس الليله الي احتركت بيه زينب من زهور
اجه مراد ﻻبو وكله بعد ما شاف ابنه هدومه مشككه وجوعان
ها يابه شلونه بنتي زينب مو هاي امانه خليته يمك دير بالك عليه
اﻻب
اشبيه هدومك امشككه وليش انت جوعان هاي الصدقات والثوابات الي اسويه الك متوصلك
طيف مراد
يابه ياصدقات اني اسالك على بنتي اتريدني البس واكول وينتي عريانه وجوعانه
اختنك اﻻب بلحلم وفز وصاح صيحه على ولده
والي جانوا اربع ولد كلهم متزوحين وعايشين وياه بنفس الييت جان مثل القصر حبير كلش
ولده
ابنه الجبير عمار متزوج وعنده ولد وهو قيس 24سنه وسوسن 19سنه وكاظم 21
ومحمود متزوج وعنده ميس 21سنه ونور 12سنه
والبقيه مدحت عنده احمد 22 سنه ولمى 16سنه
وحسن عنده مريم
والكل عمارهم متقاربه
صاحهم كلهم وكللهم على الحلم
ام مراد بجت وكالت هاي روح ابني ممرتاحه يفكر ابنته اهئ اهئ اهئ
اﻻب
اسكتي هسه كلشي واله حل اني هم فسرته هيحي
اﻻوﻻد
شنو الحل
اﻻب اجيبه هنا اتعيش ويانه حاله حال اوﻻدكم
نسوانهم ضاجت
اﻻب
الي بيكم اتضوج خل تطلع الاهله هذا قراري وما ارجع عنه والي ميعجبه يطلع من بيتي وماعنده شي يمي
الكل رضخ لكﻻم اﻻب بس ظلت نسوانهم حاقده
ام احمد
راح يجيب هاي الي منعرف منين جايبيه ويسوهة مره براسنه
احمد
عيب ماما وحرام هذا الحجي هي طفله شنو ذنبه
احمد سنه ثانيه كليه قانون يحب وحده وياه بكليه صار سنتين
وهي هم من عائله غنيه كلش وابوهة صديق جده
ثاني يوم راح الجد بسيارته الفارهة (الحديثه والغاليه*) بوسط شارعهم الفقير
طلعتله زهور وهي ذهبه وعلجه ومكياجه
هله هله بابو الخير كله
اخذت ايده اتبوسه سحب ايده ودخل
علي
سلم وباوسه وكله اتفضل
ابو مراد.
ﻻسﻻم وﻻ كﻻم بنت مراد وينه
زهور كامت ابتلعم هي عباله جاي ينطيه فلوس ويروح من الباب بس هل المره شو يسال ويريد يشوفه وهي اليارحه مجويته
زهور
ها هسه اصيحه الك
وراحت
تعاي زينب جدج يريد يشوفج باعيني اذا كلج على جويات ايدج ورجلج كوليله هاي خالو  سوه هيج افتهمتي تره ارجع اجويج
اي ميخالف
وهسه تعاي عدلي شعرج بسرعه
الجد وينه بت مراد شو مجبتيهة
وجتي تركض هاي هيه كدامك
سلمي على جدج ابو بابا
الجد انصدم من منظر حفيدته
زينب دنكت متعرف شتسوي هي متعرفه مماخذه عليه
نزلت دمعه من عين الجد بعدهة نزلت قطرات مثل المطر وظل يمسح ويبجي ميكدر يسيطر على دمعاته الي تهل من كيفهن
ﻻن منظر زينب ومﻻبسه المشككه نفس متظر ابنه بلحلم
مسح ادموعه وصرخ بعلي
هي هاي اﻻمانه هيج اتسوي بيه شنو هل المﻻبس والفلوس الي انطيهة وين اتروح والتفت الذهب زهور وصاح الايد مرتك
لعد انت مو رجال
صاحت زهور
لتصيح ابنص بيتنه ما اسمحلك هاي فوك ما ربيناهة وكبرناهة بعد ما اتخليتوا عنه
الجد سكت معرف شلون يجاوبه هي مهما تكون اشرف متهم وهمه شمروهة وهي صغيره
اﻻب
يله تعاي ويايه دقيقه متبقين يمهم
واخذهة وطلع
وزهور
روحه بلى ردهة هم ونزاح من كلبي
الخال زوجه
صفك بايده
ﻻ حول وﻻ قوه الا بالله
بقلم ذكرى المندﻻوي

تصويت