#خجل_فصليه
البارت الثالث عشر بقلمي(دنيا العقابي)
نياز.شوف خويه كلشي بهاي الدنيا مقسوم للانسان والله الوحيد الي يعرف يصير اله او لا اسمعني راح اكلك كلمتين وهنه غصه بنص كلبي بس هنه الي وكفن الدم بين طرفين.حيدر الله يخليك وجعني كلبي شكو.شصار غامض مداافهمك .نياز خويه الجماعه متنازلو عن الدم اله بمبلغ مالي وفصلناهم مرة..حيدر شنو شنو قصدك مرة ومنو.نياز راح اكلك كلمتين مالك نصيب يمنه چيف اخذوها فصليه.حيدر شتكول انته يابه لينار فصل شلون هيه اليه مكلتو لعد..هيه مخطوبه.نياز شوف خويه هيه بس قارين فاتحته وياك لو جانت اكو خطوبه همات مراح يقنعون واترجاك هل شي صعب عليك بس قسمه ونصيب مالنه غير حل واله يصير دم..حيدر انعصر كلبي وكمت ابجي عليها كبل سديته بوجهة وصحت سعاد..هذا الجنت خايفه منه صار كلبي كلي فصليه...بقيت ابجي واني رجال شكبري وسعاد تهدي بيه كلشي بلقسمه..نياز هذا قفله ال فون بوجهي .ابو نياز أي لا تلومه هم حقه..لينار متت قهر وبجي واكول ياريتني ماحبيته وتعلقت بي جان من رحت ماتعذب ليش ربي شنو هل افكار الرجعيه شلون اعيش وياه وشلون ابني مستقبلي وبعدين دراستي وحيدر..وفوكاها اخوي ذباح ابوهم استغفر الله ربي ساعدني..شسوي..لينار مرن اليومين بسرعه وجان جوابي موافقه.مالي غير جواب وحيدر خابرته..الوو.حيدر هلا بكل دنييتي ضلموها واني شلون كليلي اخلص اليل شلون اخلصه وافكر بيج وانتي بحضن غيري ..لينار حبيبي الله يخليك مالي خلك بجي لان مليت وضجت من كد منقهرت بس منكدر نكول غير قدر الله وان شاء فعل..مالي غير حل.واني حروح يم واحد معرف مصيرني شنو وياه بس امانه بركبتك شوف حياتك وعيش احلى ايامك وي الي راح تكون شريكتك..حيدر شنو تحجين هل كلام اسكتي اسكتي اني اتعب من كلامج اللي يجرح اني احبج ولا يمكن انساج لينار حبيبتي.موفقه اني راضي بهل شي چيف راح تنقذين اخوج والدم الي حيصير...لينار الله يخليك انساني واتذكر شي واحد.من انته تكون فرحان يعني اني مرتاحه يا احلى ذكريات حياتي مع السلامه..حيدر الله وياج وفرصه حلوة جمعتني بيج ..
لينار...بعد ما قفلت الخط قررت انساه بس ابقى الذكرى الحلوة البيني وبينه.وابقى مثل ما وصاني لا اترك الحجاب ولا أي شي يحبه ..حيدر لينار حبيبتي راحت وراح كلبي وياها قررت انساها واشوف نفسي حتى مابقه اتذكرها وتوجع كلبي وخاصه هيه حتصير عله ذمه رجال ثاني..دنيا العقابي#خجل_فصليه
البارت الرابع عشر بقلمي(دنيا العقابي)
لينار قررو بعد يوم اروح للناس الماعرفهم..يله يتنازلون عله غالي ويطلع من السجن رحت حضرت نفسي ملابس جديدة وكلشي جديد لان غراضي ب ديالى ومن المعرف الفصليه مالهة شي.
واشوف عيون اهلي وخالتي الي راح تموت حايرة مابين بنته وابنها شنو تسوي متعرف..اخذني بابا واخويه وعمامي،2 وصلنا للكرخ تخبل جانت بيوتهم..العامريه دخلنا الهة وصلنا بيتين نفس البناء يخبل وصلنا وكعدنا وعمامي مدخلو ويايه بس بابا باسني من راسي وكلي ديري بالج بعد ما خالتي وصتني. راحو ماخذوني هلي ويمكن نسوني بعدهم يتموني وانه صغيرة عله همي..لينار صاحني اخو المتوفي كلي فوتي جوه دخلت والدمعه بنص عيني والتفت عله الشارع واحجي بلكي يرجعلي بابا.ولج مادخلين مسويه روحها فقيرة وهيه راس البله..لا عبالج تدللين مثل بيت ابوج ترة ندري بيج المدلله مالته... يله ولي عدلي نفسج راح ييجي السيد يعقد وعسا ما عقدلج يا مدري شنو..لينار شلون يربي بدايته هيج وشلون راح اتحمل وهذا بعدني مشايفه لا امه ولا الولد ويبو عندة خوات همات..صعدت عدلت شالي ونزلت كعدت شويه بلمطبخ واجتني بنيه تطلع عمرها 16هيج شي كلتلي تعالي خاف جوعانه جاوبته لا سألته شنو اسمج ومنو انتي.. اني ديلان اخته ل فيصل طالبه ثالث متوسط ..لينار عفوا فيصل منو.ديلان ههه ولج زوجج..لينار ها عفيه يعني انتي ابوج الي توفى .ديلان أي صح.فيصل ديلان تعالي بسرعه..لينار عفيه لتخلي يجي هنا فدوة اروحلج. .ديلان ليش ولج ترة مو مثل ممفكرة هوة خوش ولد ولله..فيصل ديلان اصيح اني شنو طرشه..ديلان اجيت حبي..اسمي فيصل عمري34 الحاله اعزب محصلي الدراسي كليه حقوق..رائد بوزارة الدفاع..عايشين اني وامي وخواتي 2،واني الوحيد ل اهلي جان والدي رجال صعب التفاهم ويكعد امي بضربه ويكومهة بضربه فاني مليت واني اقنع بي فا اجرت بيت حته اخلص منه اني وامي وخواتي.خواتي ديلان وديلم 19 وديلان عمرهة 16 محد بينه متزوج اني مااتزوج چيف بيه سكر ولادي ماريد اضلم الي تتزوجني.بس من والدي توفى جبروني اخذ بنيه فصلية اليه جنت رافض كلش بس عمامي مااكدر ارفض ووافقت وانتضرت البنيه يجيبوها.. لينار من سمعت صوته يخوف متت قهر وخوف شلون يربي المهم رحت اجا السيد كطعنه مهر وجان الكل بلبيت.بس ابد مشفته فيصل لان مرفعت عيني وجانت الدمعه بطرفها..فيصل كطعنه مهر وجانت البنيه تخبل حلوة. المهم خلصنا وراحو الخطار الجانو يمنه وخصوصا جانو يضوجون منها حيل ولو ما اني وامي جان موتنها كتل..شفتهة بقت واكفه يم الباب..صحتها تعالي لينار..لينار ها أي صار ..كتله شوفي يبنت الناس اني انجبرت عليج وانتي هم شوفي انتي هنا حالج حال خواتي مايصير بينه اي علاقه.واهم شي تسمعين كلامي ومتراددين بيه وامي اهم شي عندي ترة خواتي حبابات ترة#خجل_فصليه
البارت الخامس عشر بقلمي(دنيا العقابي)
فيصل..خواتي حبابات ترة عاشريهن بمعروف وامي خطيه يحتاجلها خدمه هيه متعرف فصليه من كتلهة كالتلي حالها حال اي عروس عندي ومامهتمه اخوج كتل والدي الي نعرفه هنا انتي بتنه صح عمامي يضوجون منج بس احنه ب درب وهمه ب درب.افتهمتي خلينا اصدقاء وصراحه بينه واكو شي اذا متعرفي حكوله عله مرضي.لينار شنو انته مريض..فيصل أي سكري ولادي بيه فلذالك اني رافض العلاقه الزوجيه سواء منج او من غيرج.لينار مبيك غير العافيه..لينار ارتاحيت من حجه هيج وياي لان مبين خوش ولد.ونطاني فوني وكالي اهلج هل فترة بس بلفون واصليهم وبعدين اخليج ترحين عليهم بلنسبه لا اخوج اني ما اعرفه صح صار قدر وتوفى والدي بس ميهمني وماعتبرة هيج واذا شفته عادي عندي..لينار فرحت بعد حزني شويه وعله طاري غالي بعد ما اجيت راسن راحو اتنازلو وطلعوة وجان كولش ضايج خالتي كالت اليه جيف اخذوني بسببه بس بابا مانعه من انوه يجي ياخذني. لينار رحت سلمت عله خالتي ام فيصل خوش مرة بتعاملها واباوع عليهم شلون عائله كولهة تحشيش وضحك مر 3اسابيع واني يمهم.وفيصل بغرفه وحدة واني ويا ديلم نايمه والكليه بالي رحت فاتحته بلموضوع اول شي رفض كلش بس من كتله معدلي 93 قبل واخذ مستمسكاتي وسجلني ..فيصل ولج لينار تعالي سجلتج مثل مردتي..لينار صدوك شكرا الله يوفقك..نسيت اكوللكم انو اني طلعلي علوم قسم رياضيات ضجت وبجيت بحركه لان جنت رايدة طبيه وكتلني القهر بس رضيت بنصيبي الي مكتوب ومن سالت خالتي هم كالت روحي علوم ولله كريم ..ام فيصل..مبرؤك تستاهلين حبيبتي .لينار تسلمين خاله ربي يحفظج.فيصل لعد اذا هيج معزومين بيتزا بس بلبيت.الجميع هههه.لينار مرت اسابيع رحت حضرت نفسي للكليه واشتريت انواع الملابس وكلشي احتاجه وجانت ديلم كليه ثاني تربيه قسم عربي.بقيت اداوم وياها وحبيت الكليه طبعا المستنصريه جانت .بقيت اداوم ومرتاحه وياهم مر عله زواجي منهم تقريبا 6شهور واني لا شايفه اهلي بس تواصل بلفون.وفد يوم خابرت امي هووايه مجاوبتني انقلقت لا اكو شي رجعت خابرت سارة جاوبت وجانت متوترة ويمهة هوسه ضليت اسال بيهة كوة تنطي الكلمه ضوجتني اخر شي عطت بيهة يله كالت اكول بس ادري بيج تبجين سالته دكولي شبيج.كالت حيدر اليوم تزوج واحنه يمهم هسه..وكعت هنا دخلت وانقهرت. رجعت ورة شويه سارة تصيح بلفون الو جاوبته وكع الفون..كالت لا تضوجين لينار..سارة دزي صور العروس او هوة بسرعه #خجل_فصليه
البارت السادس عشر بقلمي(دنيا العقابي)
سارة.اكولج شبيج مادز لان راح تضوجين..لينار اكولج دزي صح منو العروس..سارة تعرفين مريم الجانت ويانا هاي الحلوة هيه..لينار ها اضرب البنات واكثر وحدة اكرها وتكرهني .سارة دزيت الصور بس حذفي امانه.أي .لينار شفت الصور وانهاريت اباوع عله حيدر وابجي ملخت شعري وبعد تعبت واندكت الباب فتحه فيصل.ها شبيج لينار..ها لا مابيه اشتاقيت ل اهلي وكمت ابجي ..فيصل انطيني موبايلج لعد.لينار شبيك كتله اهلي.فيصل لعد ليش ضميتيه طلعي لا اخذة كوة يله..لينار احسن متشوف فدوة.فيصل لا اريد اشوف انطيني.لينار هاك.فيصل فتحت الموبايل شفت الصور ولد وبنيه عروس جانت قافله الفون راسا مخارجه منهن سالته كامت تبجي كبا.لينار هذا واحد من كرايبنه.فيصل شوفي بدون كذب مراح اسويلج شي اذا كلتي انج تحبي .لينار منو كالك.فيصل ترة مبين عليج.لينار أي حبيته وقرينا فاتحتنه وجنت عن قريب اتزوج بس طلعتلي سالفه الفصليه..فيصل ها هيه انسي بعد عندة حياه ثانيه.لينار كال هيج وعافني وطلع مدري زعل لان كتله بس هوة كالي خلي نكون صريحين..المهم قرت مافكر بي وحذفت الصور..مرت شهور ونفس الشي نجحت للثاني وفيصل وداني لهلي وبقيت يمهم وهوة دخل وياي وتعرف عله اهلي وحتى غالي اول شي غالي ماجا جان خجلان من الي سواه .وفرحت اكثر من شفت سارة حامل تخبل بطنها وضلت خالتي وسارة ليش وليش وخلفي هنه العينتين ميدرن كل واحد منا بغرفه.كتلهن اي ان شاء الله..فيصل رحت شفت اهلها جانو خوش ناس كلش.محبيت اضايقها لان فعلا زينين. رحت رجعنا للبيت وبعد ماكلتلهة انسي الي جانت تحبه بدت تهتم بيه كلش واني اصلا كلبي راف عليهة وهيه تلبس برمودة وترفع شعرها تخبلني ..بس امنع نفسي منها شكد مااكدر.لينار بعد زواج حيدر نسيته ومن شفت سارة وبطنها وكلامهن عجبني جنت اريد فيصل وهوة جان شكله حلو معضل واسمر وطويل يعني ملازم بمعنى الكلمه ..دنيا عمار العقابي #خجل_فصليه
البارت السابع عشر والاخير بقلمي دنيا العقابي
لينار قررت افاتحه بموضوع العلاقه بينه بس جنت استحي لان هوة رافض كلش.. كلت من تتزوج ديلم يله اخلي كدام الامر الواقع
جانت ديلم بهل فترة مخطوبه ل صديق فيصل وهمات جوارينه
فقررت اروح وياها للصالون وصبغت شعري احمر ودكيت حواجبي 3D طلعت نايس ولبست فستان طويل لون بيجي وبي جاكه طويله من ورة وهوة بي شيفون من يم الصدر.رحت عدلت نفسي وكلت ل ديلان خلي يجي يشوفني..فيصل بعد الايام انشغلت بعرس ديلم وسامر صديقي جان يريدها.وبيوم العرس كل شويه تجيني ديلان تعال وتعال.اخر شي رحت فتت لغرفتها.شفت لينار تخبلت عيوني صارت حمر اريد اروح بس اني رفضت علمود مرضي بس هيه خبلتني اجتي تقربت مني ولزمت ياخه قميطي وتتمايع خلتني الوب اريد بس اخذها قفلت الباب وجريتها ورة الزاويه مال غرفه كتله اخذ بس بوسه وبليل انكمل.لينار بكيفك بس منين تريدها..فيصل من الشفايف والخدود اكيد. لينار بكيفك اني انطيك راح .فيصل جريتها واخذت بوسه اباوع شلون طالعه تخبل والعطر ذوبني بديت انزل عله ركبتها وهيه ذايبه بين اديه اخر شي ديلان دكت الباب وخربت كلشي بستها من راسه وكتله انتضرج بليل .وطلعت بقيت مشلوش انتضر اليل لان تعبتني هواي..لينار يمه غير ذبت من عندة كالي انتضرج بليل وراح المهم خلصنا العرس وزفوها ونضرات فيصل خبلني .كل شويه يجي خلصي وتعالي. كملت واني وديلان اشتغلنا وصعدت جان هوة بغرفته وعمتي كلتلي اصعدي لغرفته بعد.صعدت ضحك كلي بدلي وتعاي..جان الحمام داخلي طبيت بدلت ولبست فستان شيفون اسود قصير وبدون ردن جان من شافني جرني وبدة وووووووو وعيب بعد انتو معليكم بيهم....بخ .لينار كعدت الصبح ركضت سبحت وعدلت نفسي وورة شويه انفتحت الباب وهوة دخل سبحنا سوة وطلعت كملت نزلنا سوة لبست دشداشه برمودة ونزلت شافتني عمتي بقت تضحك وتكله شوكت يجي الطفل وديلان هم تصنف واني فشلانه منهم..واخجل هواي .وطلعنا بيومها كولنه معزومين عله غدة بلمنصور وطلعنا.مرت ايامي الحلوة وياه... ورة 2حبلت ب ايار ونيمار توم ولد وبقيت كاعدة كولشي مااسوي فرحانه ب فيصل فدوة ميقبل اتحرك وعمتي وديلان همات وجنت حايرة بلكليه بس كعدت وراسا امتحنت من 100 ونجحت
وبلنسبه ل سارة وغالي عدهم بنوتات 2و1ولد وسمعت من خالتي حيدر عندة..بنيه و3ولد وجنت اتمنى اشوفه مو لان احبه بس اعتبرة اخو او هيج شي ..مر على زواجي 5سنوات وصار زواج ديلان ل اخو سامر زوجه ل ديلم.وهمات خبصني فيصل صح جنت علاقتي وياه قليله لان مرض السكري ميجوز هواي تدوم العلاقه صح جان يتعب بس اني وياه وما تركته وصار عندي بنوته تخبل مثل امها سميته جوليا.واستمريت وياه باحلى ايامي..النهايه
متابعه ممتعه....تحياتي دنيا عمار العقابي
