#خجل_فصليه
البارت التاسع بقلمي دنيا العقابي
سارة.اسكتي لونه چيف اخوج دافعي علي واني محد مهتملي.لينار زين فهميني منو هذوله الولد الي بلفيس.سارة شبيج عمامي الي مسافرين بلخارج احجي وياهم كلام جرئء لان بكدي وماكوللهم عمامي.لينار زين حبيبتي اني افهمه ل غالي معليج..سارة عفيه اني احبه مااكدر اتركه فدوة احبه احجي وياه احاول انساه بس مكدر .لينار حبي وله يهمج حروح هسه باي ومن اكمل احجي وياج اوك.سارة اوك باي..لينار خبل انته ولله البنيه شبعانه بجي خلاص فاتح امي بلموظوع واتزوجها وفضو السالفه .غالي مو هسه بعد بس اني همات اموت عليهة احبها وهيه اخاف متحبني.لينار اكولك شلون متحبك وهيه حته اهلهة عاندتهم علمودك خلص اليوم نفتح الموضوع وتنتهي السالفه..لينار قنعت خالتي عله سارة بس هيه مرفضت ابد لان تعرف سارة كل الزين وتعرف اخلاقها وهيه شنو..بديت اداوم ثاني يوم والخجل ماكل وجهي وست سعاد خالتي جاوبته موافقين.واني اخجل منها وشلون تباوع عليه وتضحك ..مرت الايام وخالتي راحت خطبت سارة طبعا بعد ماعطلنا مال الاربعين قبل الامتحانات واهل سرو وافقو طبعا..
بس العرس بعد النتائج .ام نياز ولج لينار كم يوم بعد يجون يقرون الفاتحه فدوة بنيتي وافرح بيهة .لينار رحت الصالون عدلت حواجبي بس ومو هواي مجرد تعديل بسيط .اجوي علينا قرينا الفاتحه بس ويبووو كلبي طالع يجنن حبيبي واني متت خجل يباوع عليه ويغمز..حيدر بعد ماوافقو اني كمت اريدها بس تجي واني ما شفتهة مجرد مرة وحدة وبعد ماشفتها ..رحت بيوم القرايه طالعه تجنن وردايتي اموت عليها.واشوف وجناتها تجنن تفاحات جنهن .قررنا نعقد بعد النتائج.لينار خلال هل فترة كمت اروح اقرة يم ست سعاد عربي وهمات اشوف حياتي بدربي وزين ست سعاد تقدر من تشوفه يجي تروح هيه..حيدر ها ولج تجننين طالعه اخاف عليج..لينار ههه عفيه لا تسوي شي اشو دتتقرب شبيك .حيدر ولج الي يشوف كدامه كيكه تخبل مياكلها بس انطيني بوسه ولله مااسوي شي..لينار لا تخبلت رسمي انته شبيك ترة استحي من سعاد ترة عيب كدامها.حيدر انجبي بدون ثگل وترة مويمنه هسه هيه.لينار اي اخاف تجي وبعدين مبقه شي واصير زوجتك ذاك الوكت اشبع وبكيفك#،خجل_فصليه
البارت العاشر بقلمي(دنيا العقابي)
لينار..يله عيب امشي روح خليني اقرة..حيدر انجبي انته مفتهمه ترة مو علينه ولج لونه..لينار هههه لا ولله يمعود اريد اولي عوفني.حيدر يعني ماكو بوسه.لينار هه لا كتلك من اصير بغرفتك رسمي وكدام العالم وكته اخذ الي تريدة ومحد يمنعك اوك..حيدر ادبسز صعبه انتي..يله ولي خابري امج لو اني اوديج ترة اغار منهم ومن الدنيا عليج حبيبتي.لينار لا حياتي خالتي تجي.ست سعاد هلا بيج اكيد افتهمتي.حيدر ههه شلون متفتهم واني موجود.لينار اني الك شوف شسوي بيك.ست سعاد هههه يخوف تبطلين ولج.لينار هه اي افكر ابطل.حيدر لا ولج تبطلين شنو غير انتحر ههه احبج يوردة ..لينار يله اجاني اخويه يله مع السلامه.حيدر وسعاد الله وياج.لينار رجعت للبيت ومر الايام خلصت امتحانات الحمد لله بس بعد تعب طويل..بقت علاقتي بحيدر احجي وياه بس قليل وهوة يخابرني عله فون ماما وكالي بعد النتائج نحدد الخطبه وبهاي الفترة قرب زواج غالي وسرو ورحنا التهينا بلتحاضير وجهزنا كلشي ويوم العرس لعبت جوله همات عله النتائج وهمات خطوبتي قربت جانت طالعه اغنيه..حسام الرسام(اليوم اجمل يوم بعمري اليوم احلى يوم اليوم اغلى انسان بحظني اليوم احلى يوم بكد الحب البينه وبيني بكد الشوك الساكن عيني كلمه احبك متكفيني والحب يكبر دوم،) ردحت لما الله كالي بس وهمات سرو حبيبتي وياي يوومه تخبؤؤش المهم مر العرس وثاني يوم كعدت خابرت حيدر نص ساعه تقريبا.ورحت بقينا نسولف اني وسارة شويه ومر اليوم وبقيت انتضر النتائج عله احر من الجمر ..مر اسبوعين واني ابد مشايفه حيدر بالي يم النتائج وخاصه جنت ممجاوبه بلفيزياء چيف جانت كولش صعبه وبيوم جنت كاعدة اجا غالي يصيح ولج النتائج طلعن اني كلبي وكف مااحس اله يضربون بوجهي..فقدت الوعي من الخوف كمت ابجي اكوللهم بس طلعوة وسارة كلبه رايح يوكف لما طلعته غمضت عيوني.وغالي عاط كال سارة معدله،88 وكسور..اني لزمتني البجيه اريد بس نتيجتي متطلع لان اني بلشفت الي بعدة غمضت عيوني وانتجيت عله الحايط ماما عاطت وصاحت بيضتي وجهي لونه..رفعت راسي مابيه احجي بس دموعي تنزل يكولولي ولج معدلج 93 وهمات زيادات بي فرحت وكابلت خالتي من الفرحه وبقيت ابجي ورة شويه اجا بابا يركض يكول طلعولي نتيجه لونه معدل عالي وجايب ذبيحه المهم ورة شويه خابرني حيدر وميت ضحك يكولي همزين طلعت خلصنه منج ومن البجي وست سعاد هم تضحك المهم الفرحه ما لمتني بذاك اليوم واخواني وعدوني يسفروني وونسه وطلعات واهم شي حيدر فرح ويايه بلمعدل .بس يا فرحتي الما تمت...لا مرخص ولا مسموح لاي شخص ينشر القصه بدون ذكر اسمي دنيا العقابي#خجل_فصليه
البارت الحادي عشر بقلمي(دنيا العقابي)
لينار..بعد منجحت ب4ايام قررنا نطلع ل بغداد واني اموت عليها اعشقها بس ماروحلها قليل ..رحت اني وسارة وغالي وامي بعد ماقنعت حيدر لان ماقبل .وهناك طول الطريق احنا سوالف وضحك وتحشيش وبنص طريق بغداد من دخلنا عن طريق الخان بني سعد الفاصل بين بغداد وديالى وهناك اصطدمنه بسيارة كولش حديثه وتاذت واجهيته نزل اخويه واحنه كاتلنه الخوف.صاحب السيارة لك شسويت متشوف اعمى..غالي عمي اني اسف ومستعد ادفع المخاسير كلهة واني بلخدمه..صاحب السيارة..اكلك شنهي غير خربته ابن الكلب اعمى ولله .غالي عمي هسه ليش تغلط مواني محترم بعدني لحد الان.لينار بدة الكلام بينهم يتعاله ويتصايحون والناس تهدي بيهم بس ثنينهم وماما متكدر تنزل غالي ميقبل.وغالي كاله اني اعوضك وحاولنا نفهمه الموضوع بس مدري شبي ليش هيج معرف مبين عربي وميتفاهم.المهم اسو هذا ضرب غالي ودفعه عل سيارة.غالي لهنا وكافي كلت رجال جبير واحترمك وبس انته مداتفهمني كتلك اعوضك بس للاسف ..وكمت ضربته اشو هذا وكع كبل بلكاع والناس التمت علي اني عفتهم داصعد معبالي حيصير هيج بس اسمع ولك الرجال مات رحت اركض اخذناه للمستشفى..وبقيت هناك خابرت عله اهلى وكتلهم يجوون وبعدين من الدوخه نسيت امي وزوجتي ولونه تذكرت خابرتهن وكاللي احنه ب بغداد.لينار بعد ما سمعنه الرجال توفى بقينا نرجف بلسيارة منعرف وين نولي.اجانا واحد وكال وين اوصلكم واخذ سويج السيارة ودانه بغداد.لبيت عمتي هناك المهم بعد وفاة الرجال ومرت ايام الفاتحه واتفقو ينجمعون هنا بغداد ويتفقون عله كلشي هاي جنا احنا بعدنا بغداد.المهم اجوي علينا اهل الولد وراحو يتفقون بمضيف زوج عمتي واني وامي بس نبجي عله الي صار وطبعا عمتي قامت بواجبنا ومقصرت ويانا .واني طوال هل فترة حجيت ويا حيدر بس مرة مكدرت وهوة راد يحضر بس مقبلت اني.المهم اتفقو عله الصار...ابو نياز اخويه الي صار قضاء وقدر وانته تريد تسوي الدم بلدم ترة شي مينفع..أبو طلا اني اخو المتوفى رجال ذو مال ونفوذ بعد ماسمعت اخويه كاتله واحد وميت وعدته اخذ بروح چتاله.المهم كتلهم اخذ الدم بلدم الكل حاول يمنعني بس جنت قافل..ابو نياز خويه ترة الكل راح يضرر البيهة والعليهة وقدر الله وان شاء فعل لا اعتراض..ابو طلال خوش ولله واخلي دم اخويه هدر لا ولله اخذة الدم بلدم..دنيا العقابي#خجل_فصليه
البارت الثاني عشر بقلمي(دنيا العقابي)
نياز .بعد ماسمعت كلام الاهل ويردون الدم بلدم حاولت انطي شي ادري راح اتندم واموت وراه بس شسوي همه قافلين عله الدم..نياز اسمحولي ادخل طرف اخر بلموظوع فكلت الهم نهديكم مرة من عدنا هنا الشيخ مالهم كال قرار حكيم تنطونه بتكم فصليه. نياز ابويه هنا وكع وياشر عليه ليش بويه تكسر ضهر اختك طلعنا كابلته وكتله بويه ترة هيه توكف الدم.ابو نياز بويه اخته مقريه فاتحته شلون ودراستهة عوف السالفه عله الله يحلها .نياز يا ابويه مو تشوفهم اله الدم واذا هاذا شي يوكفون الدم انطيها.ابو نياز ولك ماكدر وغالي اذا عرف ينهينا ولك ليش حجيت هيج بويه.ليش شكيت كلبي نصين بكلمتك فصليه.نياز كوم بويه خلي نتفق ويا الجماعه..لينار احنا بعدنا كاعدين بيت عمتي وكالو فضو بدون الدم اهنا اتشكرنا ربي الحمد لله.بس مجنا نعرف شنو الي حيصير بعدة. نياز بعد المناقشة والكلام انقنع ياخذ فصليه مرة ومبلغ مالي .لينار جنت حاضنه خالتي ابجي ورة شويه شفتهم كولهم دخلو للاستقبال واحنه رحنه للصاله والكل يريد يعرف شنو الفصل القبلو بي بابا ساكت ميحجي شي.ونياز يكوله الصار صار بعد منكدر نغير..رحت صعدت اخذت الفون داخابر حيدر بس مجنت ادري شنو الفصل لان المهم فضوها وقبلو...واني داخابر اسمع خالتي تعيط.رحت ركض وكفت عل درج يباوعون عليه بقيت حايرة شكو شنهي السالفه سالتهم محد جاوب وانوب عمتي كالت تعالي بنيتي..لينار ها عمه كولي شبيج ترة القلق نهاني وشبيه خالتي ليش هيج كليلي فدووة وبديت ابجي لا ارادي العمه..شوفي بنيتي أنتي الوحيدة الي توكف دم عشيرين..لينار من كالت توكف دم كمت وكفت عله حيلي ولج بس لا يزفوني فصليه..الكل من شافني بهل منظر كام يبجي عليه بقيت ساكته وابجي خالتي تباوع وتبجي وتضرب براسه بلحايط
نياز.ش.في لينار الي صار قدر الله واحنا هديناج ل ابن المتوفى هديه.لينار هديه فصليه مو خدامه مو اي حقكم دراستي وتعبي وشنين عمري حيدر الي كلشي سويت علمودة.اعوفه مستحيل.ابو نياز بنيتي بلا هل كلام اسكتي وعوفي الموضوع والباقي عله الله
لينار.الله يخليك اسكت تاليتي فصليه عشاير..واذا مرحت اخويه ضلع كلبي ينذبح..ساعه السودة النجحت بيهة ورحنا بغداد..ام نياز يمه فدوة اروحلج لا هيج تسوين عوفي الموضوع الله يحله وانسي الصار.سارة خاله وغالي ياخذو فدوة شلون سوو اي شي بس طلعو بدون دم اروحلكم فدوة..لينار اني صاعدة خابرو حيدر اعتذرو منه ماله نصيب يمنه.. وصعدت ابجي واحرك بنفسي يربي معقوله اني حروح لغير حيدر يربي اموت اذا عفته فدوة حل يربي.لقيت للعصر افكر وابجي ومجان عندي غير اني اقبل بوضعي وادوس عله كلبي وانسه حيدر شلون ماعرف.حيدر.اني بعد معرفت بلحادث الي سواه غالي ردت اروح بغداد بس لينار مقبلت وضل بالي يمهم شنو حيسوون وجنت كاعد خابرتني لينار وكطعته رجعت بقيت اخابرة لكن مترد ضل بالي مشغول الى ان دكت مرة لخ طبعا هيه تخابرني من فون ابوها جانت..الو..نياز.اهلا حيدر شلونك شلون الصحه.حيدر بخير الحمد لله اكولك بس بالي ضل مشغول لونه خابرتني وكطعته وبعد ماكو..نياز اني حفهمك الموضوع .حيدر شسويتو أن شاء الله محلوله بكل خير.
