بقلمي....
#الاميره الموسويه👑
اول ما سمعت المره مني هذي الكلمه .... وكعت بالكاع!!
اني اخترعت هاي شبيها .. ركضت نوال عليها بسرعه .. وهي تصحي بيها تكوللها ..
مدام اميره...مدام اميره.. ام ارشد!!!!!!!!!!!!!!
منوووووووووو... عزا العزاج شمس اشسويتي!!
اني هنا كلبي من صدوك حسيته حيوكف .. صاحت بيه نوال بصوت عالي كالت جيبيلي مي بسرعه المره يمكن صار عدها هبوط..
ركضت للمطبخ واني الصدمه شلت عقلي من التفكير
شسوي..واشون بأرشد اذا عرف يمكن يقتلني خلاص ، هو اصلا بلا كولشي كارهني ومطايق يشوفني!!
رحت جبت المي ورجعت كومنا المره اني ونوال خلينها ع التخم!
ونوال غسلتلها وجها .. بدت اشويه تصحصح وشربتها مي!!
المريه كعدت بس وجها اصفر ع بالك ليمونه .. رحت للمطبخ بسرعه سويتلها عصير برتقال واشويه ليمون خليت عليه .. وجبته الها
مقبلت تاخذه مني .. بس نوال اخذته خلته بأيدها ، كالتلها..
مدام اميره انتي يمكن عندج هبوط اشربي يفيدج...
بالكوه شربته .. وهي تباوع عليه من فوك ليجوه مثل الي ممصدكه اني زوجة ابنها .. وحقها المريه مو سهله عليها ابنها الوحيد وفجأة تكتشفه متزوج!
المهم... بقينا ساكتين لحد ما هدئت اشويه.. بعدين كالت النوال عوفينا اشويه لوحدنا!!
اني كلبي وكف من الخوف..!
راحت نوال وبقينا اني وياها بالصاله .. كنت كاعده بعيد عنها صاحتني تعالي اتقربي يمي!
اني كمت بخطوات ثكيله ومدنكه راسي ، بس كلبي يرجف من الخوف
كعدت قريب عليها .. وبقيت مدنكه مرفعت عيني عليها.
ام ارشد .. شنو اسمج انتي؟!!
شمس .. واني مدنكه بصوت خافت .. شمس.
ام ارشد .. من وين تعرفين ارشد؟!!
شمس .. ارشد زوجي.
ام ارشد .. بصوت جامد وصوتها ارتفع اشويه .. شنو زوجي ، اشوكت اتزوجتي ومن وين عرفج؟!!
شمس .. خاله الله يخليج اني مااكدر احجي اي شي لما يجي ارشد اسألي وهو يجاوبج.
ام ارشد .. وليش متكدرين تحجين ، بس كدرتي تتزوجين واحد من دون علم اهله؟!!
شمس .. بقيت ساكته محجيت شي بس كلبي احسه انعصر من كلامها.
ام ارشد .. متحجين شنو القط اكل اللسانج.. بس اريد اعرف انتي اهلج اشون قبلو يزوجون بنتهم لواحد بدون ميعرفون اهله معقوله مسألو عن اصله فصله ، شنو شالوج وشمروج؟!!
شمس .. جرحني حيل كلامها ع اهلي ، واصياحها عليه ، متعرف اشون ابنها جبرني وذلني حتى اتزوجه 💔
مع ذلك بقيت ساكته ومحجيت شي.
ام ارشد .. ولو هالايام الناس صايره اتبيع حتى روحها علمود الفلوس ، مااستبعد اذا باعو شرفهم 😏
YOU ARE READING
انتقام الحب
Romanceبقلمي الاميره الموسويه.. قصة فتاة يتيمه ظلمتها الدنيا واقرب من تحب فتقرر ان تنتقم ولكن عن طريق الحب ?
