انتقام الحب

4

.
.
بقلمي .. #الاميره الموسويه 👑

ارشد رحت لمكان الحادث.. واذا بي نفس البيت الي شفت البنيه فوك السطح مالته!!!!!!!!!!!

اتوقعت اكون غلطان...
بس البيت قريب على بيتنه ومعروف من شكله الخارجي خصوصا اني حفظته حفظ كل ما اجي اصعد اراقبها...!!
يعني مستحيل اكون غلطان ، والي اكدلي اكثر لما شفتها..............!!

كانت نايمه ع القنفه حسب ما عرفت انو فاقده الوعي بسبب الي صار
ولاحظت اكو طفل صغير لازمها ويبجي .. اتوقعت يكون ابنها.

المهم اجيت عليها اريد اصحيها لانو لازم اخذ اقوالها هي تعتبر شاهد ع الجريمه .. وايضاً ممكن اتكون متهمه الى ان تثبت الادله والتقارير برائتها!!

الحاصل ... اتقربت منها وهي نايمه .. سبحااااااانه الي خلقها مو بشر ملامح ملاك ونايم
يمكن تعتقدون داابالغ بس صدكوني الحسن والجمال الي شايلته هذي المخلوقه مشايفه اني بعمري....؟!!

رغم اني الي عرفتهن والي اعرفهن بالملايين ينعدن ، بس مثلها تبد ما مر عليه
شكلها وهي نايمه يأسر المقابل ، بقيت صافن بوجها ومركز بملامحها .. المنظار مالت القناص هوااااي ظالمها
احجي بيني وبين نفسي..رجعني لوعي صوت الشرطي وهو يكول سيدي اصحيها؟!!

استجمعت نفسي .. وعدلت وكفتي كلتله لاا روح انت كملو جمع الادله واخذو اقوال الجيران واني احقق وياها.

راح الشرطي واني صحيتها .. كعدتها بدون ما المسها بس صحت يم اذنها (اختي ) اصحي دتسمعيني؟!!
بس ماكو اي رد منها اضطريت المسها ... اصلا اني ميت عليها بس اريد احس بأيدي على جسمها .. الشياطين تفتر بعقلي من اول ما لمحتها ، ولو شنو يصير اخذها واطفي رغبتي بيها وبعدها اشمرها ، وهذي احسن فرصه حتى احقق الي اريده!

تفكير حقير؟!!!
اعرف بوقتها فعلا كنت انسان حقير والشيطان يتحكم بيه بكل سهوله بسبب طبيعة حياتي واصدقائي اكيد ..

مديت ايدي وكعدتها حركتها ع كيف ... ماكو اي استجابه!!

الظاهر فعلا فاقده الوعي مدااتمثل!!

بعدين هزيتها من كتفها حيل .. بدت تصحى اشويه وتستعيد وعيها....!

اول ما صحت وفتحت عيونهاااااا 😍
اني انتهيت .. مو اكو جمال لما يوصفو يكولون (قمر 14)؟!!!!!

هي جمالها اتعدى حتى القمر والنجوم والشمس والمجره ....
سبحانه الي صورها .... عيونها عسليات فااااااتح ع صفار خفيف ، وكل عين اشكبرها اتكول عين نسر!!
ووجها مدور ع بالك قمر ، بيضه ، وملامح وجها ناااااعمه من خشمها لحلكها الي يشبه حبات الكرز 😥

كعدت وعيونها صايره حمره يمكن من البجي لانو الي سمعته من الجيران انو هي من شافت اخوها وزوجته بقت تصيح وتبجي الى ان فقدت ..
البجي منطيها جمال فوك جمالها صايره ع بالك اميره من اميرات القصص الخياليه....!!