،،قال لي بتبكي مالك انتي اول مرة تعقمي ليك جرح؟😊 هزيت ليهو راسي بمعنى(لا)قال طيب طيب مالك؟؟😊قولته ليهو الشافع الضربك اخووي😢قال لي والمفروض يبكي فينا منوو انا المجروح ولا اخوك؟😊قولته ليهو بس هو اكيييد م قاصد يضربك لأنو م بعمل كدة قاصد😢قال لي والقال انو ضربني متعمد منوو؟اذا خايفة من فكرة انو انا حأعمل ليهو حاجه او كدة اتطمني والموضوع م محتاج دموع😊طبعا دموعي زاتها متخلفه لانها م كانت عايزة تقيف يمكن علشان هو تحديدا المجروح💔بعد م خلصنا وقامو طالعين تنزيل قالت لي شهد انتي زاتك ارح معانا علشان شويه كدة وحنطلع الجنينه💔اكرام قالت لي كويس لقيتي ناس يوصلوك امشي نحن زاتنا بنقفل بعد شويه💔قولته ليها طيب ❤طلعنا في العربيه هو وصحبو قدام وانا وتنزيل ورا طبعا عربيتهم خطيييرة ياااخ نحن ماشين في الأرض كأنو ماشين أسفنج بالرغم من إنو شوارعنا م بتتمشي كعبه شديد😂💔اول م وصلنا نزلته من العربيه لقيت ابوطالب ود خالي قاعد قدام الباب لما شافني نازله غضب وحمر لي تحميرة 💔دخلته البيت جا لاحقني قال لي اسمعي هنا ي زفت انتي الجابك بالعربيه دي شنوو؟😠قولته ليهو م شايفني جايه مع تنزيل؟قال لي بلا تنزيل بلا زفت معاك الليله اوووعى اسمعك تقولي طايرة الجنينه ولا زفت عشان تحضري الحفله فاهمهه😠سكته م رديت عليهو مشيت قولته لي امي وين ولد البخليهو يتهظر لمن يجرح ود الناس شنو،😠امي قالت لي انا جلدتو لمن نام خلي يبقى راجل تاني يتشاكل بس،حوالي الساعهه 1ونص كدة جاتني فاطمة لقتني راقدة قالت لي نايمة ليها شنوو م ماشة انتي الناس لمن طلعو؟قولته ليها م ماشة والله💔قالت لي الجن ولا النفسيات مالك م ماشه 😠قولته ليها ساااي يس💔قالت لي قومي انقلعي والله شايله معي سكين وملح عشان ناكل منقه خدرة 😍😂قولته ليها ي بت ابوطالب اسي بعمل لي برنامج م ماشه انا م ناقصهه،،،قالت لي دة الحيوان دة قال ليك م تمشي وهو اول واحد تلقيهو في نص الناس 😠قولته ليها امشي انتي وجيبي لي معاك منقه خدرة❤قالت لي اصلا ابوطالب ماف شكلو مشى الحفله اطلعي ارح واصلا انتي حتكوني مغطيه وشك م حيعرفك💔قولته ليها ي بت اسي لو طلعته الشارع بلقاهو وهو لو شافني بعرفني 😪قالت لي خلاص انا اوريك انتي نطي بحيطه ناس حبوبه حليمه انا ومريم بننتظرك في الشارع بهناك وبنراقب ليك لو في زول ولما تجي راجعه ارجعي بنفس الحيطهه😂طبعا انا نفسي امشي الحفله اول مرة يكون عندي فضوول امشي احضر لي حفله مع اني م بحبها قولته ليها سمح❤المهم نفذنا الخطه العبقريه دي ونطيت بالحيطهه ومشيت الحفله لما وصلنا الجنينه لقيناها ملاااانه نفس م فيها المعزوم والمامعزوم جا حضرها😂💔وقفته مع فاطمة كدااا بعدها زهجته من الجوطه قولته ليها عاايني ي فاطمة انا ماشه على اتجاه البحر البعيييد داااك راسي وجعني من الجوطة دي💔قالت لي اصلك منفسنه امشي طيب😒مشيت وبقيت اتمشى في الجنينه ،طبعا الجنينه كبييييرة وواسعة وانا مشيت بعيد شديد من اتجاه الحفله ،بس فجأة ليك في طين وهو والله مكان الطين شكلو كان جااافي بس اول م ختيت رجلي فيهو نزل لي تحت وبقيت كل م احاول اطلع منو انزل لي تحت زيادة ،بس بقيت اكوورك وصرخ واقول:اللحقوني ،لو في زول سامعني يلحقني الطين عايز يبلعني😭😭😭😭😭قعدته اقول لي نفسي معقوله ي شهد دي نهايتك حتموتي كدة واااااي😭وكل م اتخيل نفسي حأموت بالإسلوب دة بكورك زيادة اللحقوووني ي ناس حلفتكم 😭😭😭😭حلقي لمن وجعني من الصراخ والناس بهناك مشغولين مع الحفله والساااون صوتو عااالي وزول جايب خبري ماف،وكل م احاول اطلع من الطمي اغطس لي تحت زيادة ومع كل غطسه اصرخ زيادة طبعا الطين من النوووع اللايووق داك😭فجأة سمعته ليك زول بضحك وبقول :طيب حاااضر عيوني ليك حأصووور ليك البلد كلها م الجنينه بس ي ستي😂🐸❤قعدته اكورك ليهو قولته ليهو ي البتتكلم اللحقني انا بغرق خليك من التصوير حلفتك لو سامعني تعال طلعني من هناات وااااااي😭😭😭قال لي منو البتكلم هنا؟؟؟قولته ليهو انا انا ورا الشجرة دي عاين ورااك😭اتلفت وجاتت وقف قدامي،عاينته ليهو لقيتو باااسل تخيلو 😭😂قال لي انتي الدخلك هنا شنووو😳قولته ليهو اكيد م كنت بلعب دخلته بالغلط ودموعي جاريه وتووبي ملااان طين وحالتي مستشفى😭قال لي طيب حاولي اطلعي😊قولته ليهو انا لو كنت قادرة اطلع م كان ناديتك😭😒كان شايل بيهو كمرة وماسك تلفونو في يدو،علق الكاميرة في الشجرة ودخل تلفونو في جيبو ومدة لي يدو قال لي طيب ناوليني يدك😊قولته ليهو لالا يدك دي مجروحة😢طبعا احمد اخوي جرحو في يدو اليمين💔قال لي يعني عايزة اخليك هنا في مكانك؟😊قولته ليهو لالا😭😢قال لي طيب مدي يدك ،قولته ليهو طيب ويدك المجروحة دي امسك فيها كيف؟؟😢قال لي سيبك منها وامسكي ماليك دخل فيها😒قولته ليهو طيب جيب يدك التانيه😢يااااخي طبعا زهجتو زهج 😂مدة لي يدو الشمال مسكته فيهو وهو بجر فيني وانا يدي ملانه طين وبعد م مسكتو يدو زاتها اتملت طين وبقت تتزلق 💔شغال يقول لي امسكي كويس وحاولي اطلعي ..وانا بقول ليهو طيب ونعلاتي؟نعلاتي م عايزات يطلعو من الطين😭طبعا عندي اهم شي نعلاتي😂قال لي ي بت خلي النعلات اضمني روحك واطلعي إنتي أول😏قولته ليهو لالا نعلاتي ماسكات في الطين م بقدر اخلهم دايرني امشي حفيانه يعني؟😭قال لي طيب بعد م تطلعي انتي نطلع ليك نعلاتك تمام؟قولته ليهو طيب وبقى يجر فيني بي يديهو الاتنين حتى المجروحة ي حليلو😢بعد تعب جراني وانا والاه م سمينه ولا شي بس تقله عضم سااي والطين لايقو😂💔بعد م طلعته طبعا رشيت فيهو الطين تاني رجعته عاينته للحفرة قولته ليهو سفنجاتي طلعهم لي😢قال لي احمدي ربك انك طلعتي😪قولته ليهو يعني م حتطلعهم لي😠قال لي لو دخلته طلعتهم ليك حتقدري تطلعيني لو غطسته؟😊سكته مساافه عاينته لي روحي لقيت نفسي ملاااانهه كلي على بعضي طين ههههه صلحته تووبي وغطيت وشي كويس ،قال لي كلك على بعضك طين يعني حتى لو وشك فاتح م حتتشافي😊قولته ليهو وانت الطين طاير في كل ملابسك،طبعا كان لابس ليهو شورت وفنيله وشبشب بيت عاادي تقول عارف هيحصل كدة😂💔 قال لي انا ارحم منك يمكن ربنا عاقبك عشان م خليتي اختك تشيل القروش😊قولته ليهو قروش شنوو؟؟😒قال لي ايوااان انكري انكري 😊قولته ليهو م نكرته بس م صح تتعود على القروش ،، قال لي وم صح ترجع حاجه ادوها ليها كهديه😊قولته ليهو هديه غير القروش ممكن بس قروش لا😊قال لي الفرق شنوو هههه؟😊قولته ليهو فرق شااسع...قال لي يعني مثلا اسي انا لو اديتك قروش كهديه م حتقبليها؟؟قولته ليهو لا طبعا وانت منو زاتك علشان تديني هديه؟والله قولته الكلام دة من غير م احس😂قال لي ركزي انا قولته ليك الكلام دة كضرب مثل م تستعجلي😊حييييي يااخ غاظني غييظ المفتري دة الله لا جاب باقيهو😂😢قام ماشي عايز يشيل كاميرتو قولته ليهو ماشي وين؟؟قال لي استأذن يعني؟😊قولته ليهو لا قصدي ماشي وين بي شكلك دة انتي م شايف نفسك؟😏قال لي في ماسورة هنا طيب؟اتخيلو ماسورة في جنينه😂قولته لي نفسي عان الأهبل دة قال ماسورة قال😳😒قولته ليهو تعال طيب وانا ماشه حفيانه قال لي حتمشي حفيانه كدة كيف؟قولته ليهو افضل حفيانه من امشي وسخانه وملانه طين😏وصلته نهايه الجنينه في باب كدة بفتح في البحر...عايزة افتح الباب كدة طعنتني شوكة😭قولته ليهو انتظر انتظر طعنتني شوكهه...قال لي لو مشينا قدام تاني حتطعنك واحدة افضل نرجع،،،قولته ليهو انا م برجع بالشكل دة انت لو عايز ترجع ارجع وطلعتهه بالباب😂جا طالع وراي قال لي دة البحر😳قولته ليهو اساسا دة البحر بس م اظن في زول عارف انو في باب بطلع البحر ....دخلتع البحر غسلتع يديني وحاولته انضف توبي من الطين الفيهو ،اتلفته عليهو قولته ليهو م داير تغسل؟قال لي اغسل كيف ؟قولته ليهو كيفن تغسل كيف م شوفتني انا بغسل كيف اها داير تغسل ولا نرجع؟طبعا دة بعد م نضفته توبي وانتهيت😂قال لي طيب هاك امسكي لي كاميرتي وجوالي عشان اغسل،،،مسكتهم منو دخل وقعد يغسل في وشو ويديهو فجأة سمعته ليك صووت اولاد داخلين على البحر قولته ليهو تعال سريع في ناس داخلين البحر وجريت دخلته الجنينه💔بعد مساافه جا داخل قال لي ليه خايفه من شنوو؟قولته ليهو انت م بتعرف ناس بلدنا ديل لو شافوني ممكن يعملو لي مصيبهه،،،قال لي كيف وكيف هههه😊قولته ليهو ياخ خلاص هاك حجاتك ديل وامشي انا برجع براي😊قال لي اوكي😊بعد م مشى بي مساااافهه رجعته مكان الحفله لقيتهم بصرخو لواحد من اصحابهم وشغالين يقولو ليهو ارررح اطربنا بالحوووت يلااااا وبصفرو ليهو😂صاحبهم شال المايك من الفنانه واتكلم مع العازفين وبدأ الغنيه بتاع الحوت البتقول :
الكنت قااايلو فاات ﺯﻣﺎﻥ ﺭﺟﻌﺘﻮ ﺑﻰ ﻃﻌﻢ ﺍﻟﻐﻨﺎ ﺍﺣﻼﻡ ﺻﺒﺎﻱ ﻭﺍﻟﺰﻛﺮﻳﺎﺕ ﻫﻮﻣﺖ ﺑﻲ ﺑﺎﻟﺪﻧﺪﻧﺔ ﺍﺗﺎﺭﻯ ﻓﻰ ﺟﻮﺍﻱ ﻧﻐﻢ ....لما بدأ يغني الجنينه كلها اتملت صفافير وصراااخ😂💔
قعدته اتلفت لقيت باسل قاعد في كرسي ومعاهو صحبو الحلبي دااك ومنطربين اخر انطراب لحدي م جا المقطع بتاع:
ﺍﻃﻴﺎﻑ ﻫﻮﺍﻱ ﺍﻟﻠﻴﻠﺔ ﺟﺎااات. . ﺗﺴﺄﻝ ﻋﻠﻲ ﻣﻠﻬﻮﻓﺔ ﻛﻴﻒ... ﺍﺟﻤﻞ ﺻﻮﺭ ﻋﺒﺮ ﺍﻟﺨﻴﺎااال ...ﻣﺮﺳﻮﻣﺔ ﻓﻰ ﺧﻄﻮﻁ ﺍﻟﺤﺮﻭﻑ ...ﻳﺎ اااا ﻭﺟﻌﺔ ﺍﻟﺰﻭﻝ ﺍﻟﻴﺘﻴﻢ... ﻳﺎﺣﺴﺮﺓ ﺍﻟﻘﻠﺐ ﺍﻟﺮﻫﻴﻒ ﻳﺎ ﺣﻠﻴﻠﺔ ﻃﻼﺕ ﺍﻟﺼﺒﺎﺡ ﻃﻰ ﺍﻟﻌﻮﻳﻨﺎﺕ ﺍﻟﺸﻔﻴﻔﺔ....ناس باسل قااامو يصفروو بأعلى اصواتهم وبشاغلو في صاحبهم البغني وبضحكو 😳إنتو عارفين هو بضحك بطريقه عاااديه وبسيطه شديد بس م عارفه انا ليه بحس انو الحياة بتكبر الموضوع وبتضحك معاهو بجد انا دي المرة التانيه اشوفو بضحك بس شوفتو وهو بضحك بتخليني اضحك تلقائيا من غير م احس بلقى روحي بضحك معاهو😂💔وانا واقفه وفي عز سرحتي ديك احس ليك بي زول يضررربني في ضهري طاااااخ....
يتبع.....
