Stuck in the Moment (Stuck Series Book 1)

Chapter 25

"AHH!---" Tinakpan naman kaagad ni DJ yung bibig ko. Shemay. Para namang big deal yung pagsigaw ko. Si Kuya lang naman ang nandito sa bahay.

"Gabi na, nasigaw ka pa. Ano ba nangyari?" Nagkamot siya ng ulo niya. Oo nga noh! Hehehe (^_^)V

"Ikaw! Nagulat ako sayo! Sumunod ka pala, hindi ko man lang naramdaman. Ang tahi-tahimik mong maglakad"

Tumawa siya dun sa sinabi ko. Para naman kasi talaga siyang multo maglakad.

"Alam mo delikado itong terrace mo"

"Huh? Bakit naman?"

"Tignan mo yan, may puno sa gilid. Pwedeng-pwede umakyat yung mga magnanakaw diyan tapos diretso dito sa terrace mo. Kahit ako, kaya kong kayatin yan"

"Whatever, tara na nga. Baka mainip yung mga yun"

Bumalik na kami sa kwarto. Si DJ kinuha na yung mga bag ko, ilalagay niya na daw sa compartment ng car niya. Tapos ako, nagbihis na ko sa CR ko. Naghilamos na rin ako para matanggal yung make-up sa mukha ko.

Nag-red na spaghetti at white shorts lang ako tapos Vans yung shoes ko pero syempre may dala akong slippers sa bag ko. Simple lang ang sinuot ko dahil pagdating rin naman kasi namin dun, sure ako na matutulog kaagad ako.

"Sige kuya, goodnight. Alis na kami" Sabi ko sa kanya nung nakita ko siyang nakaupo sa sofa.

"Mag-ingat kayo dun" Tapos hinug niya ko. Aww. Ang sweet talaga ng kuya ko. Kahit na lagi akong inaasar niyan, alam ko mahal na mahal niya ko! Nung namatay si papa, hindi niya talaga ako pinabayaan, ganun na rin si mama.

Paglabas namin ng gate, nagsalita ulit si kuya.

"Daniel, alagaan mo si bunso ha" Sabi ni Kuya kay DJ. Si Daniel naman, tumungo lang tapos pumasok na sa kotse niya. 

Sumunod na rin ako sa kanya. Nag-drive na siya kaagad.

"San ba yung resort mo?"

"Sa Batangas" Sagot niya.

"Saan dun?" 

Ang lawak kaya ng Batangas. Malay ko ba kung sa Lipa, Bauan or Mabini. Madami kayang lugar doon! Syempre, ite-text ko pa kay mama at kuya kung saan para hindi sila ganun magalala.

"Sa Anilao" Ahhh. Okay. Dun pala.

Di na kami nagusap pagkatapos nun. Pinakinggan na lang namin yung music.

After ng ilang minutes, Nag-stop over kami sa may gasolinahan saglit tapos akala ko magda-drive na ulit siya pero pinark niya yung kotse sa gilid.

"Kain muna tayo, gutom ka na diba?"