ريم قالت ليها خلاص مناسك بقت مننا 💔 قالت ليها الموضوع بخصوص امجد 😪 ريم طوالي قامت وقالت لي بجيك بعد شويه وقفلت باب الغرفه وراها انا طبعا راسي بقي يودي ويجيب ي ربي الولد ده بكون ساكنو جني💔 ولا بكون عاملين ليه عمل ما خليت ولا تخيل ما اتخيلتو😂💔
تلفوني رنا ولقيتهم قروبي الموقر فتحت ابخط وقبل ما اقول الو نون قالت لي بسرعه احكي لي الولد ده مالو ي مناسك 💔 قلت ليها قولي بسم الله انا زاتي ما عارفه هو مالو واختو هسا كانت عايزه تحكي لي ابوهم ناداهم💔 هبه قالت لي شكلوا عاملين ليه عمل ياخ😪 مسكين والله ايثار قالت ليها هي انتي بلا عمل معاك بلا شي 💔 يمكن يكون عيان بس ما سمعتي قبيل لمن نون سالت ريم قالت ليها عيان 💔 قلت ليه تقريبا كلام هبه صح لانو انا من ما جيت الولد بكون عصبي فجاه بكون هادي 💔 هبه قالت لي ما يكون ده نفسو الطردك😂 قلت ليها بس هو زاتو💔 المهم اتونسنا كتير وونستنا كلها دايره في اطار امجد بس💔😪
قفلت المكالمه ومنتظره ريم تجي تحكي لي لمن شفتها اتاخرت مشيت اتوضيت وجيت صليت العصر ❤ بعد شويه جات وملامح وشها متغيره 💔 قلت ليها خير مالك في شنو قالت لي ما في شي💔 قلت ليها اها كنتي عايزه تقولي شنو💔 قالت لي هاقول ليك بس ما هسا مع الزمن هتعرفي اي حاجه😪 قلت ليها حاضر
نزلنا تحت عشان نتغدا وبقينا بنتغدا فجاه امجد جاء وقعد وكانو ما عمل شي💔 بقينا بنتغدا واي زول بعاين للتاني اتغدينا وهو اول واحد قام من السفره وقال لعمو عثمان انا طالع وما اظن ارجع الا بعد شهرين او شهر ونص💔 ريم نطت قالت ليه ماشي وين😪 حدر ليها وقال ليها مسافر وطلع علي السلم💔 عمتو فاتن قالت لعمو عثمان ما عارف هو مسافر وين😪 عمو عثمان اتلفت عليها وقال ليها لو عارف زاتو ما بوريك 💔 غيتو انا كتمت الضحكه جواي
انتهينا من الغداء وضايرنا المكانشويه كده وامجد جاء شايل شنطو وودع اهلو وطلع 😪 عايزه اطلع غرفتي عمو عثمان قال لي تعالي اقعدي واتونسي معانا قعدته معاهم 💔 وهم بقوا يتونسوا وانا خالص ما معاهم اتزكرته لمن كنت بقعد مع اهلي القعده دي 😪 وبقضيها شكل معا احمد و ايمان😪 ربنا يرحمكم ويجعل مثواكم الجنه😪 عمتو فاتن لاحظت لي وقالت لي ربنا يرحمهم ي بتي قلت ليها امين😪 استاذنت منهم وطلعت علي غرفتي💔 قفلته الباب وبقيت ببكي💔 مشيت اتوضيت ومسكت المصحف وبقيت بقرا قران 💔 سمعته صوت اذان المغرب قفلته المصحف وصليت المغرب وما طلعته من الغرفه خالص💔 ريم جات دقت الباب فتحت ليها الباب قالت لي اراح معانا 💔 قلت ليها وين قالت هم طالعين هي وزحل وسامر يتعشوا💔 قلت ليها ما عندي نفس والله قالت لي عليك الله اراح منها تغيري جو ومنها نخشي البوتيك عايزه لي حاجه قلت ليها ظريف💔
خليتها طلعت ولبست ونزلته ليهم تحت😪 زحل جات وبعد شويه ريم نزلت 💔 تقريبا انتظرنا زي مسافه نص ساعه حتي سامر جاء نازل😪 والريحه دي وصلتنا قبل ما هو يصل😂💔 ريم قالت ليه ما كان تنزل والله😪 قال ليها والله كنت عايز اتاخر بس حنيت عليكم عشان كده استعجلته 💔 قالت ليه الحاله 😪 وده كلو بتعمل في شنو💔 قال ليها ما بهمك ياخ 😣💔 غيتو الضحكه الفيني كتمتها بالعافيه😂💔
طلعنا وركبنا العربيه واتحركنا ويداب لاحظته لوش سامر بمرايه العربيه💔 الولد وجيه ما شاء الله تبارك الله وشو انضف من نيه نون😂 والله ولا حبه حايمه فيها واللحيه دي كيف😻 غيتو نون لو شافت سامر بتجي تسكن معاهم عديل كده💔
وصلنا المطعم ونزلنا سامر مشا يطلب لينا ونحن قاعدين
زحل كانت بتتكلم بالتلفون بعد شويه قالت لريم سوسو قالت جايه ريم قالت ليها جايه وين قالت ليها كيف جايه وين جايه محل نحن ما قاعدين💔 ريم قالت ليها هي عرفت من وين انو نحن هنا💔 قالت ليها هي اساسا مشت البيت ولمن ما لقت زول في البيت اتصلت علي وقالت لي انتو وين قلنا ليها نحن في المطعم الفلاني وقالت جاينا💔 ريم قالت لزحل كان تقولي ليها مشينا اي مكان هسا انا ما ناقصه اشوف خلقتها دي ياخ💔 زحل قالت ليها يخسي عليك خليها تجي تونسنا لي زمن من ونستها😪 ريم لوتها ليهز خشمها وسكت 💔 سامر جاء وبس شغال بتلفونو ريم قالت ليه سوسو جايه😪 الولد قام فوق وقعد قال ليها وجايه لشنو كمان💔 قالت ليه ما عارفه بس قالت جايه 💔 اتلفت علي زحل وقال ليها اكيد قولتي ليها انتي صح😪 ياخ ي زحل وقبل ما يتم كلامو نشوف ليك واحده جات وقفت وراء سامر وغمضته ليه عيونو وقالت سبرايز سامر اتلفت لوراء وقال لي سوسو الجميله 💔 ردت ليه اكيد جميله وغصبن عنك جميله 😪
اتلفت علي ريم وسلمت عليها بالاحضان وسلمت علي زحل بنفس الطريقه مع اضافه سبعه بوسات علي كل خد😂💔 ولمن جات تسلم علي سلمت علي بطرف اصابعينها وقالت لي هاي😂😂👊🏻 قلت ليها هاي وقعدت سوسو بين سامر وزحل😂💔
بقوا يتونسوا هي وزحل وسامر ركب سماعتو 💔 وانا وريم بنعاين بس شويه كدا جابوا لينا العصائر سامر ادا كبايه العصير بتاعتو لسوسو💔قالت ليه شوكرا سموري😂 سامر بس حدر ليها وريم الضحك قتلها💔 سامر بعد شويه تلفونو رنا وقال ليها منتظرنك خلاص 💔 سوسو قالت ليه منتظر منو ان شاء الله💔 قال ليها حذيفه قال جاي 💔 البت دي من سمعت اسم حذيفه زي القالوا ليها جاءك الموت ي تارك الصلاه😂😂👊🏻
يتبع....
