قلت ليها هو يعني مهندس قالت لي ااي 💔 ريم استاذنت وقالت ماشه تجيب الكيك وجايه نون سالتني قالت لي بس ي مناسك الشخصيه الوصفت لينا البيت شخصيه فظيعه ياخ😻 ياخي حبيت الجلابيه فيه قربته ادخل فيه واسلم ليه بالاحضان 😻 قلت ليه ي نون بطلي قله ادب ي تافهه😂💔 ما معقوله معاك كل ثانيه منبرشه في زول نون قالت لي والله ده مش مفروض ينبرشوا فيه دي المفروض يغنوا ليه عديل كده😻 زلزل لي باكتي والله 😻 هبه قالت ليه والله ده مش بزلزل الباكات ده بيعمل صدمات عديل كده😻 ياخي التقول ما بشر عليه حلات عيون😻 عاينته لايثار وقلت ليه انتي كمان ما انبرشتي زيهم 💔 وقفت فوق وتاني جات واقعه قالت لي اتددشتها واتكسرته حته حته😻 ياخي فيه حلات طول 😻 وحلات صوت😻
قلت ليهم دقيقه دقيقه انتو انتهيتو رسمي لكن 💔من بتين بتنبرشوا للدرجه دي 💔 هبه قالت لي في ناس كده بتجبرك انك تنبرشي فيها وبعدين الخلاناا ننبرش زياده الجلابيه السمنيه اللابساها😻 من هسا انا تاني لوني المفضل بقاا سمني😻
قلت ليهم انتو قاصدين امجد الجابكم البيت💔 نون قالت لي هو ما جابنا لكن هو وصف لينا البيت بس😂 قال لينا امشوا طوالي بعدين اول لفه بتلقاكم علي اتجاه اليمين ادخلوا بيها💔😪
قلت ليهم دقيقه انتو يعني الزول ده ما جابكم للباب قالوا لي لالا ياخ وصف لينا بس ونحن جيناك بالوصف😪 قلت ليهم غريبه هو دخلني انا وريم البيت وقال هيمشي يجيبكم 😪 ايثار قالت لي باين انو كان مستعجل عشان يلحق الخطبه عشان كده وصف لينا😪 قلت ليهم الحكايه ما كده 💔 بتخيل لي انو اساسا ما ماشي الجامع لانو لمن اختو قالت ليه اتاخرته علي الصلاه نهرها😪 واثناء ما بتكلم معاهم كده ريم جات داخله ومعاها زحل شايلين صواني فيها كيك وشاي وفطائر ومكسرات😻 بقينا بنتونس كده ريم قالت لايثار صراحه كده ي ايثار انا مكسره في اسلوبك وطريقه تعاملك مع الناس😻 ايثار قالت ليها تسلمي نون قالت ليها لقيتها وين واتكسرتي فيها هبه قالت ليها يمكن هسا من خلال كلامها معاها اتكسرت💔 قالت ليهم لالا انا بقرل معاكم في نفس الجامعه وكنت بلقاك في حوش الجامعه ومره مره في الكافتريا وكده😻 نون قالت ليها يعني انتي بتقري معانا قالت ليها اااي 😻 وصراحه كده كنت مكسره في قروبكم كلو 😻واتمنيت اني اصاحبكم نون قالت ليها هسا هنتصاحب ي حبيبه 😻 زحل استاذنت مننا ومشت وخشمها ده ما فتحتو معانا بس بتعاين بطرف عينها وبترجع تعاين لتلفونها💔 هبه قالت لريم اختك دي مالها 😪 ايثار لكزتها قالت لايثار ما تلكزيني💔😆 ريم قالت ليها هي طبعها كده ما بتحب تتونس وكلامها كتير هبه قالت ليها ايووه💔
الموهم اتونسنا كتير وزي الساعه 4 كده شلتي قالت ماشه عمتو فاتن جات وحلفت قالت ليهم الا تتغدوا بس قالوا مره تانيه وطلعنا نقدمهم انا وريم💔 واثناء ما نحن طالعين من الباب نسمع ليك صوت كسير 💔 جينا ذاخلين نشوف الحاصل نلقي امجد مكسر تقريبا نص الصفره ومجدع الكراسي وعيونو دي قلبت حمراء💔 وبقي شخصيه تانيه😪😳 نون قالت لريم امسك اخوك ده سامر جاء من غرفتو وبقي ماسكو ويهدي فيهو وامجد بصارع فيه ومره يديهو بونيه ومره يشلتو😪 وسامر ماسكو بكل قوتو وعمو عثمان جاء وبقوا ماسكينو 😪 شويه كده الولد هداا وقعد في الارض وبقي يبكي😪 وبقي يقول انا ما قاصد اني اقتلهاا ما قاصد😪 ما قاصد اني اقتلهااا تاني بقي يضحك😪 سامر مسكوو وطلع بيه فوق ريم جات راجعه ونحن واقفين واي واحده فينا فاتحه خشمها مترين😂 مصدومين صدمه ما بعد صدمه😪 ريم قالت لي اراح نقدمها جينا طالعين نون سالت ريم قالت ليها اخوك ده مالو ي ريم💔 ريم قالت ليها عيان شويه بس😪 انا وهبه وايثار حمرنا ليها حتي البت سكتت😪 قدمنهم للباب ورجعنا لقينا عمتو فاتن وفوزيه بضايرو في البيتضايرنا معاهم البيت عمتو فاتن قالت لفوزيه اعملي ليه عصير وطلعي ليه في غرفتو💔 انا وريم انتهينا من المضايره ومشينا رتبنا الهول الفوق 💔 ريم قالت لي شيلي الصواني دي ووديها المطبخ انا بتم النضافه هنا قلت ليها كويس
شلته الصواني وانا نازله جيت ماره بغرفه لقيتباب واحده من الغرف متاكي وفي صوت قران ❤ في حاجه قالت لي ادخلي دخلته لقيت زول راقد في السرير ونايم جيت طالعه لقيت ريم بره 💔 قلت ليها ما قاصده ادخل بس لقيت الغرفه فاتحه وسامعه صوت قران قلت بس اشوف😪 قالت لي ولا يهمك ودي الصواني دي المطبخ وتعالي احكي ليك 💔 مشيت وديت الصواني وجيت لحقت ريم لقيتها قاعده لي في غرفتي قالت لي اقفلي الباب وتعالي💔 قفلته الباب جات قالت لي انا عارفك مصدومه ومستغربه في تصرفات امجد بس والله هو ما كده 😪 قلت ليها كيف وقبل ما تم لي كلامها زحل جاات داخله وقالت لريم عمو عثمان عايزنا كلنا تحت💔 عايزه انزل قالت لي قال عايز افراد الاسره بس
يتبع....
