احلام ..
غدير .وسام
فاطمه بعد معرفت انطوت على نفسها فترة وراها رجعت مثل قبل بس متكدر توصل يمي اني مخلصتها اكل ونوم وكل شويه مشتهيه اكله وقصي يجيب الكل جان فرحان بحملي ولمن دخلت بلرابع اكتشفنا اني حامل بتوأم ولد قصي ..فرح وممصدك قصي مبرووك حبيبتي مبرووك الك عيني الله يتمملنا على خير يارب خلود ..فرحان حبيبي ..لج يافرحان طاير وممصدك الله هيج عوض صبري بزوجه مثلج وان شاء الله اطفال حلوين بس اريد اطلب منج طلب .. خلود ...أمر عيني .. حبي اريد تخلين فاطمه تربي واحد من الاطفال كتله شتحجي انته شلون يعني .. كال خطيه نفرحها وانتي متكدرين تهتمين بيهم اثنينهم
كتله مو وكته هل الكلام خلي اولد والله كريم كلش ضجت من حاجاني قصي ماكدر اتنازل عن قطعه مني لاحد بس جنت اعرف قصي ماخذ قرارة واعتراضي ميفيد وصرت اسمع داخل البيت انو واحد من اطفالي لفاطمه جنت احسها مرات فرحانه ومرات منزعجه وهي تكرهني فشلون راح تعامل الطفل وقررت اوجه قصي بمخاوفي .. كال لا انتي ماخذة عنها فكرة غلط هي حنينه بس كل زوجه تتصرف بهالصورة لان صعبه(غدير وسام ) كتله ماكدر مانطي ابني .. قصي تكسرين كلمتي خلود .. اي هذا ابني مو حاجه تنطيها وماعترض جرني من شعري كال انطي الها وغصبن ماعليج كتله لا قصي ضربني راشدي .. كال اكسر راسج ترى والله لو تذبحني مو تكسر راسي ابني مانطي
قصي ..لاتجبريني اتصرف غير تصرف وياج ظليت ابجي اجه كعد يمي .. حبيبتي اني ماريد اقسي عليج بس انتي تجبريني هي هم نحرمت من نعمه الامومه بسببي انتي اذا الله راد تكدرين تحملين بعد بس هي لازم تتركني يله واحنا رافضين الفكرة هي هم بت عمي وماكسرها كتله صعبه والله قصي ماكدر وابجي ... تركني وراح .. ثاني يوم لكيتها تجهز وجايبه سرير للطفل وملابس وتخليهم بغرفتها ..اني نار وشبت بيه كتلها ..فاطمه لاتفرحين نفسج ابني مانطي .. كالت مو كيفج انتي شنو .. خلود ..اني امهم .كالت الحجي لابوهم كتلها لابكيفج ولاكيف ابوهم بيج خير احبلي وخلفي .. فاطمه طلعلج لسان الزعطوطه سويناج مرة بنات الليل انتي وخواتج كتلها انت بت ليل اذا احنا هيج ياحقيرة خواتي لاجيبين طاريهم .فاطمه منو الحقيرة الى اخلي يجي يقتلج مثل ماقتل العاهرة اختج .. (غدير وسام )
خلود منو . شنو تحجين انتي ..
فاطمه اي قصي غسل عار اختج لعد شعبالج اخوج وكف وظل يرجف .. خلود ..انجبي جذابه قصي مقتل اختي لزمتها عمتي وطردتها واني صافنه وفرح تسحب بيه شبيج خلود كتلها صدك فرح قصي قتل احلام .. فرح لا عيني ختولي هاي .. دخلت لغرفتي وظليت صافنه لااحجي ولاابجي .. لليل على كعدتي اجه قصي .. كال اشلونج اليوم باوعتله يمكن محد حاجيله الي صار .. قصي منو قتل احلام ... صار وجه اصفر .. كال اهههههو اني شكايل .. انته قتلتها صدك انته لا كلي جذب الله يخليك كول والطم واضرب بي قصي (غدير وسام )
شبيج تخبلتي اليوم شجاب الطاري اليوم .. كتله انته لو لا ... فاطمه كلتلي انته قتلت احلام كال لا مواني لعد منو احجي .. كال ماكلج وسدي الموضوع .. كتله احجي .. وجريته حيل دفعني وكعت اجه يركض اتاذيتي كتله يهمك بس اطفالك احجي لااموتهم وكمت ادك على بطني لزم اديه وضربني راشدي حتى يصحييني لان تهسترت
فقدت ومتحملت كتله مابقه يمك اتصلت باخواتي اجوي اخذوني ومخليت احد يعترض وقصي كللهم خلوها ترتاح واخذها بس اني مجنت ناويه ارجع بقيت يم اخواتي كم يوم وشفت نفسي ثكيله وحاولت اتصل بامي واروحلها بس خوالي جانو رافضين اتصالها بينا وبقيت يم اخواتي فترة طوياله قصي وعمي اجو اكثر من مرة ومقبلت ارجع وبيوم كاعدة واجه زوج روان كال اريد احجي وياج ترى قصي يحبج وشاريج ليش تهجمين بيتج اني مثل اخوج الجبير اسمعي مني وارجعي .. كتله اني اعرف ثكلت عليكم كال لاتكملين انتي بت عمي واختي بس اني جنت متردد اكلج هاذا الشي وخليته لااخير لحضه لان هاي وصيت ميت .. ترى مو قصي قتل احلام اخوج احمد الي سواها بس حلفنا اني وقصي منحجي الكم لان كال بعد ميباوعن بوجي وسبب ابتعادة عنكم(غدير وسام ) وهو مستشهد بلحرب لا هو قتل نفسه لان متحمل الذنب صح هي غلطت وجابتلنا كلنه العار بس هو جان يحبكم احنا منعرف بعض زين بس تقربنا بلفترة الي جنا ندور على احلام بيها وهو من وصانا عليكم متعرفون مجان يعرف حنزوكم بس لان بس احنا ال3 دخلنا على احلام والي هربت وياه قصي بقى حافظ الوصيه ويتحسس من السيرة لان احنا كلنا تاذينا مو سهله ينقتل كدامك انسان فياختي بيتج لانهجمي وفكري وشتقررين احنا وياج واريد الحجي بينا ضليت افكر بكلامه ودايخه مو احمد الي قتل احلام وقتل نفسه لا ابويه جنى علينا واحنا اطفال بسبب نزواته بعد اسبوع اجه عمي ورجعت ويا للبيت والكل فرح(غدير وسام ) واني دخلت بلسابع وحملي بدا يكون متعب قصي محاجاني ولاحاجيته وفاطمه بعدها مامله نفسها بلطفل بعد رجوعي للبيت ب3ايام اجه قصي لغرفتي .. وسئلني .. ليش غيرت رائي ورجعت ... خلود .. زوج روان حجالي كلشي ... قصي ها يعني عرفتي الحقيقه ورجعتي الى احد غيري كلج مالي دخل يله صدكتي واني متصدكيني كتله حط نفسك مكاني شتسوي صح انتو تشوفوها غلطانه وعاهر وكلشي .. بس مفكرتو هي ليش هيج سوت انته تعرف ابويه شجان يسوي بينا جان اذا ملكه ثلج للمزة يجلدنا واحنا نايمات بلكيبل ويجوعنا ويحرمنا نومة الليل ولازم من الصبح نكعد نخدمه هو وسميه وهي جانت شايله الحصه الجبيرة عنا وتتحمل بس زهكت وهو تقدملها اكثر من مرة وعمك رفضه شسوي وشلون تخلص مجان عدها حل ثاني لاتلومونها لومو الاب الي دخل وحدة رخيصه على بناته وتصرفاته كلها قبيحه كدامنه ومع ذلك حافضنا على نفسنا وجنا كلشي نكدر نسوي شوف ابن عمي اني غلطت بحقك يوم قصرت بواجباتي .. قصي(غدير وسام ) ...لا ابد .. خلود .. هاي تربية احلام لاتربية امي ولاابويه وانته قيس كال كافي خلود موزين عليج وانتي حامل وياريت موضوع احلام من اليوم ينسد مينفتح لابزين ولاشين كتله مدام فاطمه موجودة ينفتح لان هي الي تفتحه واني ابني الها مانطي كال هذا هو لعد اني طلبت منج طلب رفضتي انتهينا واني ماضغط عليج باسني من راسي وشم ركبتي كال خلودة مشتاقلج والله البيت ظلم بدونج ورجعت اروح لدوامي بلى ريوك وملابس ميتحضرن علمتيني على الدلال وعفتيني اني بغيابج عرفت شكد اني حبيتج وتعلقت بيج واذ صار بينا شي بيتج متركي ابد اني اطلع وسحبني لحضنه وتحسر وخله ايدة على بطني كال كبرانه .. صايرة جنج طوبه خلود .. شنو محلوة يعني قصي لا محلوة ....😰😰صدوك قصي لا حبي تجنين اموت على طوبتي دخلت بشهري وولدت عمليه وجبت عمليه وبعد ولادتي بفترة فاطمه طلبت الطلاق لان تريد اطفال وعشت حياة سعيدة ويا قصي واطفالي وعمي عوضني عن ابويه واخواتي مرتاحات وصار عدهن اطفال وامي بعد محاولات كثيرة من قصي ويا خوالي قبلو نشوفها والحمد لله عايشه مرتاحه واياريت تكون القصه عجبتكم .. ولاتلوموني يمكن تحسون تعاطفت مع احلام مع ان تصرفها اكيد غلط بس اني عايشتها وعايشت الظلم الي مرت بي
أنت تقرأ
احلام
ChickLitقصة فتاة تعاني بسب التفكك الاسري وتعيش الصدمات على مراحل حياتها وهي تجاول اثبات وجودها ودفع الظلم عنها
