احلام

احلام الجزء الاول

بسم الله الرحمن الرحيم
احلام..
البارت الاول .
غديروسام
نحن لانكتب اقدارنا بايدينا ولانختار  مصيرنا فكل مايحدث مفروض علينا ونحن نطلق عليه قسمه ونصيب .. اسمي خلود تبداء قصتي حين كنت في الاول متوسط  ابلغ من العمر 12عام كانت عائلتي سعيدة انى واخواتي الثلاثه احلام الكبيرة  روان  وريهام  واخي اصغر من احلام  .. احمد وابي وامي  كانت امي مثال للزوجه والام المضحيه  لان ابي تحول بظرف عام الى شخص اخر بسبب  تحسن وضعه االمادي فبداء بلسكر  والمراهنه ومصاحبة فتيات الليل امي كانت تتحمل الضرب والاهانه والبخل من ناحيتنا  وتامن مانحتاج بلعمل بلخياطه ولف الكبه والاعمال الاخرى  الى ان بيوم قام ابي بطردها من المنزل في منصف الليل  وكانت مضطرة لتركنا والذهاب لبيت اهلها وهنا بدأت معاناتنا  .. بداء ابي بضربنا واهانتنا انى واخواتي واخي  لكن احلام واحمد كان من ياخذ الحصه الاكبر بلضرب   ... وفي يوم دخل ابي وبصحبته فتاة صغيرة تقارب احلام بلسن   وقال ...(غدير وسام )
تعالو لكم ولد الكلب هاي زوجتي من اليوم تحترموها  واذا سمعت بيكم مضوجيها او مجاوزين عليها بلكيبل
نحن جميعا .. صار بابات
احمد اني مابقى هنا حروح لبيت جدي
احلام وتتركني وحدي  (غدير وسام )
احمد ماتحمل
وبقى احمد يتردد يروح يم امي ويرجع علينا بعدين تطوع بلجيش وهذا الكلام كان بعهد النظام السابق
وصار الحمل كله على احلام  كنا نتحمل الضرب بليل  وماعدنا ملابس نداوم بيها للمدرسه اني كنت اكتم وماحجي بس جنت شاطرة بلمدرسه واخواتي مثلي احلام كانت داوم معهد معلمات   جانت تنظف وتطبخ وتهتم بينا والدي وحبيبته الي اكتشفنا بعدين هي مو زوجته انما حسب مجنا نسمع من بيبي مستكعدها  وهي جانت مزوجه غيرة ومهزومه ويا  جانو يدخلون للحمام سوة واحنا نباوع ويتحاضنون كدامنا بدون خجل ولاكان هو يفكر ان هذني بنات  هو كان على طول سكران  بدى وضعي بلمدرسه يتراجع وصرت انعزاليه  كانت عندي صديقه وحيدة ابتعدت عنها  وكنت اقضي الدوام وحدي الى ان اجتني صديقتي وكان اسمها   منار  خلودة شبيج متغيرة عليه
خلود ... مبيه شي .
منار لا حيل متغيرة  متحجين ويايه ولانطلع سوة مثل قبل  اني زعلتج بشي (غدير وسام )
خلود لا. وبجت ...منار احجيلي  وحجيت كلشي لمنار لان ماتحمل  .الله يساعدكم وهسا خاله وين
خلود ... خوالي طلكوها من بابا وبعد ميخلوها تجي    جانت منار ملاذي افرغ كل همومي وتسمعني وتنصحني .. ومرت الايام واحلام شايله همنا واحمد يجي اجازة يقسم راتبه بين ماما وبينا رغم هو بسيط بس حتى خطيه جان ميشتري شي لنفسه وبدا من بابا يضربنا يوكفله وميخلي جنا نحس بلامان من يجي احمد اجازة  ونرتاح  ونام بليل لان مجان يسمحلنه نام جان معيشنه برعب اني احلام......
جنت اراقب كلشي واني ساكته تصرفات ابويه وزوجته او حبيبته .. وتعب احلام وكسرة احمد وذلنا اني وخواتي  وبفترة حسيت احلام تغيرت  صار تهتم بشكلها  تتصفن وتضحك  مجنت بوقتها افهم بس بعدين عرفت انو هي حبت بس الي حبته كان  مزوج  ومن تقدم لخطبتها  بابا رفضه وطردة   جنت اشوفها تبجي طول الليل وتتسحب تحجي بلتلفون جان بذاك الوقت الارضي (غدير وسام)   وبيوم  راحت احلام للدوام انتبهتلها تجمع اشياء بجنطتها وتباوع علينا وتبجي  وكالت صيرن سباعيات ولاتخلن احد يتحكم بيجن وكملن دراسه وهاي لاتنطنها وجه  هي جانت متسمحلها توصل يمنا احلام جانت قويه وسميه زوجت ابويه جانت متكدرلها  بيومها احلام مرجعت من المعهد وعرفنا انو هي انهزمت ويا حبيبها او نهبت حسب تعبيرهم اني بهل الفترة صار عمري 14  مرت 3 سنوات  على ترك امي النه واحلام جانت هي الام والاب  والسند احنا بهذا اليوم خسرنا سندنا  اجتمعو عمامي وخوالي وكلمن سلاحه بايدة ويهدد وحتى احمد جان فاير ويبجي ويحلف اذا لزمها محد يقتلها غيرة  وضلو شهر مستفرين ويدورون عليهم الى ان بيوم   لكوهم بعمان  وراحو  عليهم وجابوهم وقتلوهم اثنينهم  قتلو احلام    قتلو احلامي وامي واختي  حاسبوها على حبها ومحاسبو ابويه على الي سوا  محاسبو على فعلته وهو اقترف نفس ذنبها  قتلوها وهي حامل  وجانت مزوجه  يمكن بحكم العشائر والاعراف احلام جانت مذنبه  واحنا بسبب حبها هواي دفعنا اثمان مو ثمن بس بعمري ملمتها ولاتهمتها لان اني  عشت وشفت الظلم الي شافته