#اللقاء الأول

اللقاء الأول. .الجزء الخامس

اللقاء الأول
بقلمي شمعة امل
الجزء الخامس اللقاء الأول
بقلمي شمعة امل
الجزء الخامس

اسمعيني زين ...
شنو انتي شكلولج ماعندي غيره اخلي مره غريبه  تطلع بهالليل وبوحدهه
حوراء حشاك شيخ بس اني كان قصدي

فارس ...قاطعتهه. شوفي بينت الناس هسه الساعه صارت بال 12 ونص وانتي مبينه تعبانه روحي نامي بهذيج الغرفه
واريد عنوان بيت جدج الي ابغداد وعنوان بيت عمج الي تكلين كنتي عايشه يمهم

حوراء ..شيخ انت بعدك ممصدكني
فارس ..ليش اكذب عليج يكلك الفرق بين الكذب والحقيقه اربعة أصابع مو
حوراء ...سكتت شويه وبعدين شلت راسي وخليت عيني بعينه
نطيته عنوان بيت جدو ابغداد وعنوان بيت عمي عامر وابن عمي اسمه سعد هو شفته بهت
كلي عمج عنده سعد ورعد مو
اني استغربت كتله تعرفهم
فارس.. شلون مااعرفهم عمج خوش زلمه ورعد جان كلش صديقي من كنا بالابتدائيه بس ماكان يحب الدراسه. حيل كمل متوسطه وترك  وهو خوش ولد
بس سعد كان نقيضه تماما مدلل امه وشالع كَلب ابوه وكل سنتين بصف وتالي ابوه بطله
من المدرسه

هنا شويه فاصل خلي نتكلم عن سعد .....
سعد هذا الكارثه مال بيت اهله مواصفاته طويل طوله 168 وزنه 96 يعني مربرب هههههه اسمر ملامحه صح زينه بس موكلش حلو ومن النوع الي ايدور مشاكل وحتى مشروب يشرب
وشالع كَلب ابوه وامه كلش امدللته واتكله انت تشبهني مومثل اخوك رعد يشبه ابوك
ابوه ماقبل ايزوجه يكول خطيه بنت العالم شنو ذنبهه تتزوج هيج واحد طايحظه
امه رادت اتزوجه بنت عمه حوراء طمع بالثروه الي صارت الله بعد مااتوفوا اهلهه وكلتله اتزوجهه فتره  وخلي اتسويلك وكاله باملاكهه ومن تاخذ كل املاكهه
طلكهه وازوجك تاج راسهه
المهم كل محاولات الام فشلت حتى اتقنع حوراء انه تتزوج سعد إلى أن بيوم عرفت انه زوجهه عامر رايح لبغداد وهو عنده شغل ويه جماعه واحتمال ايبات لان الجو مطر وممتوازي يجي بنفس اليوم
وهيه راح اتروح يم اختهه وتتاخر حتى يخلى الجو لابنهه سعد
وكالتله .....
يمه سعد ماكو غير طريقه وحده بعد أنه لازم تكسر البنيه وبعدهه راح تجيك هيه مثل الجلب تتوسل بيك حتى تتزوجهه
سعد ...يمه انتي صدك تحجين هاي بنت عمي شلون تردين اكسرهه حتى اتزوجهه
هاي اشبيك يمه سعد ادري انت موراح تتزوجهه بعدين وين المشكله يعني بكل الاحوال هيه مقسومتلك اتصير مرتك
سعد ...والله يوم مااعرف شاكلج
زين وابويه شراح تكليله
الام ...انت معليك انه اكله ماكان بوعيه وكان شارب
وصار الي صار وخلي انزوجهم ونستر على البنيه
سعد ...والله شلون داهيه انتي
ولك شنو داهي ...
يوم هاي شبيج يعني ذكيه وتفتهمين
الام ..اي شعبالك لعد صح ممكمله غير  متوسطه بس هاي الدنيه علمتني هوايه
ماشي يوم راح اسوي الي ترديه
سعد ...الليل كله ماكدرت انام افكره بالمصيبه الي راح اسويهه وشلون بعدهه راح اتزوج حوراء واحصل كل املاكهه واطلع اشتري بيت ابغداد أو أي مكان بعيد عن سيطرت ابويه
احنه صح عدنه خير من الله بس هو ماكان يخليني الزم شغله اله ولا ينطيني فلوس اتصرف بيهن
وافتح بيهن فد مشروع
وعجبتني فكرة انه اتزوج حوراء بنت عمي هيه هم كانت حلوه وعاجبتني بس خشمهه يابس وينرادله
كسر
سعد ...طلعت من الصبح رحت افتر بس اريد اضيع وكت خابرت ولد صديقي دااما يجيب مشروب ابيته وعلى طول مشاكل ويه زوجته بسبب الشرب وتطلع زعلانه يم اهلهه
خابرته ورحت يمه وضليت كاعد واتغديت يمه صح بعدهه شربت اشويه بس ماسكرت تمام ظليت بوعيي حتى اكدر اسوي الي اتفقت عليه اني وامي
بعدين طلعت من يمه حتى مااعرف شكد صارت الساعه هلكد مافكرت بهاي الشغله اتصلت بأمي عرفت بعدهه يم بيت خالتي ورحت للبيت ادري حوراء بوحدهه حتى اسوي الي اتفقنه عليه اني وامي
حاولت احاجيهه بهدوء بس هيه كانت اول ماشوفني تنفر مني
ردت افتهم منهه ليش على طول هيه رافضتني
نرفزتني من غلطت عليه وصدتني المشروب لعب براسي ركعتهه راشدي طاحت بالكاع
اني شفتهه امدده بالكاع وشويه انرفعت دشداشتهه وشفت رجليهه بيضه وهيه حلوه رشيقه  شكلهه يجذب مدري اشصار بيه محسيت إلا واني بديت امزق ملابسهه وابوس بيهه وفجأه ضربه قويه على راسي وبعد محسيت بشي
بعد فتره مدري شكد حسيت امي يمي واخوي رعد واشوف المضمد ابو عباس يكلهم الحمد لله الجرح سطحي مو حيل غميج وخيطتلهياه هسه
وهاي كبسول ودهن خاف ايصير عنده التهاب
وطلعوني ورحت للبيت وشفت مكان الدم بالكاع واتذكرت الي صار ويايه ...
سالني رعد شنو صار ووين حوراء كذبت عليه كتله مااعرف مدري اشلون اجتني فكره كتله طبيت للبيت
ولكيت واحد هنا وياها واتعاركت وياه ومدري بيش ضربني على راسي وبعد ماحسيت
رعد ...سعد انت شدتحجي ولك هاي حوراء بنت عمك ..هيه الك مكانت تنطيك مجال النوب تتهمهه جايبه واحد للبيت
الام ..انت اتكذب اخوك الله أعلم هاي اشيطلع بعد عدهه من سوالف هاي بنت بغداد منين تعرف شنو عيب وحرام قابل مثلنه حتى تربيتهه غير شكل
رعد يوم انتي شدتحجين
الام ...بس بعد مااسمع ولا كلمه أهم شي اخوك مصار بي شي لو لاكيه مكتول هم جان ضليت اتدافع عن بنت عمك وعشيكهه
امشي ارجع لبيتك يلله هسه مريتك دتنتظرك...
رعد .................... وطلع من البيت وهو ممصدك الي صار والي سمعه
سعد يمه اشصار سولفلي ....
يوم .....وسولفلهه كلشي صار بالتفصيل
الام ....يا ولك شلون هسه هاي وين شردت
سعد ...يوم عفيه متسكتين كله من وراج اي جلبتي اتزوجهه واخذ افلوسسه اي دعوفيهه
ولك واني اشمدريني هيج ايصير حسبالي استفاد منهه ومن افلوسهه
....سعد اي وشفتي هسه كلشي محصلنه من وره أفكارج شو دعوفيني خليني ارتاح راسي يوجعني واريد انام
نام يمه نام وألصبح انشوف حل لهاي المصيبه

هسه نرجع لحوراء وفارس
فارس ..مو همه هذوله ....
حوراء ..اي همه صح ...شيخ فارس دخيلك لاترجعني الهم ابوس ايدك
ابوس قندرتك مااريد ارجع لحياة الذل يمهم
اريد ارجع لبيت جدي
فارس ..تحجي ودموعهه  تتكلم قبل لسانهه
لاتخافين انتي بحمايتي راح تبقين هنا يمي إلى أن اكدر اوصلج لبيت جدج واخلصج من هاي السالفه
هسه روحي ارتاحي بالغرفه انتي مبينه تعبتي حيل
حوراء اشكرك متقصر وتصبح على خير
فارس ..وانتي من اهل الخير
وظليت اطالع البنيه بنظري لحد مدخلت للغرفه وسدت الباب وسالفتهه تفتر بدماغي
رجعت للصاله رحت للشباك وخرت الستاره
واشوف شلون الاشجار تتمايل ويه الهوه فرحانه بقطرات المطر وهيه شلون تغسلهه
من التراب الي عليهه
تمنيت اكو هيج مطر يكدر يغسل كَلوبنه من القهر
ورجعت اتذكرت البنيه والقصه الي حجتهه
وكلت بعد مااتحمل اريد اعرف هاي قصتهه
صح لو ملفقه
ورحت اخذت مبايلي وين ماكنت كاعد وطلعت رقم فاضل زوج عفاف اختي
ودكيت ....
فاضل ...الووو
فارس ..شلونك فاضل اسف دكيت هسه بس ردتك بشغله مستعجله
فاضل . خلي اعرفكم بنفسي بالاول ..اني زوج  عفاف اخت فارس اني موبس ابن عمه
لا اني صديقه المقرب وواحد كاتم أسرار الثاني وابد متنفارك خريج اداره واقصاد مثل فارس
شكلي طويل جسمي مربوع اسمر لحيتي خفيفه ابن خير وعيني مليانه
مااخاف من أكبر شارب كنا اني وفارس أكثر من اخوه لااحب ادخن ولا الي بالسوالف العوجه ابويه كان معتمد عليه بكلشي تقريبا لكون اني الابن الجبير
فاضل... ها كول فارس خيرك
فارس ...بالاول خوما عفاف يمك
فاضل ..لحظه ..راح اطلع بره الغرفه ولو اختك نومهه ثكيل بس خاف اتحس

يلله طلع سولف خيرك خوفتني شكو بهالليل
فارس ..لاتخاف ماكو شي بس ردتك بشغله مستعجله بيني وبينك
فاضل ...كول يمعود كَلبي صار أبين رجليه
فارس ..اسمع فاضل راح انطيك عنوان بيت ابغداد اريدك باجر الصبح تروح تسال عليهم
فاضل هاي شغله حيل مهمه ومااكدر اني اروح بعدين افهمك شنو وليش
فاضل... احجي اشصاير يمعود
فارس ..فاضل لتضل تحجي بصوت عالي  يمعود لتروح اتكعد عفاف وانت صوتك مثل واحد وديذيع بنشرت الاخبار
ههههه اشكر ماشي كول وين هذا العنوان
المهم
فارس .. العنوان .......
وأريدك تطلع من الصبح وتروح تسأل عليهم
ماشي اعتمد عليك فضولي
فاضل ..ههههه هسه صرت فضولي عمي صار وتتدلل مااكدر ارفضلك طلب اخو الغاليه
ههههههه
فارس.. اشكرك كفو والله ...يلله اعوفك ترجع اتكمل نومتك ..تصبح على خير
....وانت من اهل الخير
..حوراء ..بعد محجيت ويه الشيخ فارس
حسيت مثل جبل وانزاح من على كَلبي
مااعرف ليش من اتكلمت وياه حسيت بالامان
حسيت وكأنه صار عندي فد سند استند عليه بعد والدي الله يرحمه 
واني بعز افكاري خليت راسي على المخده واتغطيت بفرشه كانت على السرير وبعد ماحسيت بشي ...
فارس ...بعد محجيت ويه فاضل اتذكرت البنيه خطيه حتى نسيت اسالهه اذا كانت جوعانه لو وكلت خلي الحك عليهه قبل لاتنام
وكمت وطلعت دااروح للغرفه الي هيه نايمه بيهه وكانت الباب مسدوده دكيت الباب على كيفي ..بس ماكان اكو رد
ورجعت داادك النوب واسمع صوت داخل الغرفه ..اتصنطت قربت اذني على الباب واسمع صوت البنيه بس ويامن دتتكلم
وكأنه أحد وياها بالغرفه ...وبسرعه رحت جبت سلاحي الي كان بالصاله بس بدون مااطلع صوت واجيت للغرفه وفتحت الباب بسرعه ...وشهرت سلاحي ...