Running Idol (Completed)

Chapter XIV.I

She then tiptoed and brush his lips with hers so lightly. Kaagad din siyang humakbang papalayo dito pagkatapos upang makita ang reaksyon nito.

"Sinisimulan mo ako ah?" nakangiting wika nito. Nagulat pa siya nang hapitin siya nito papalapit at mabilis na sakupin ang labi niya.

Awtomatiko namang ikinawit niya ang mga braso sa leeg nito at hinapit din ito papalapit sa kanya.

Nang mga oras na iyon ay wala  siyang pakielam kung nakikita sila nang mga tao sa bahay.

Hindi niya maipaliwanag pero nakakaramdam siya ng mumunting saya sa puso niya. Dahil ba muli silang nagkabalikan ni Nicholas? Dahil ba mabubuo na ang pamilya nila?

Tama nga ang sabi ng lalaki. Parehas lang silang nagkamali. Ang importante ay natuto sila sa mga pagkakamaling iyon.

**

One month after the marriage

"Bibilang ako ah?" sabi ni Nicholas habang nakatingin sa kamera.

Nasa studio room sila no'n sa kakabili lang niyang bahay sa Taguig. Pagkatapos nang kasal nila ni Sofia ay kaagad siyang bumili nang bahay. May apat na silid iyon. Ang isa ay ginawa nilang study room at ang isang naman ay ginawang dance studio upang pag-ensayuhan nila Steffi at Sofia nang pagsasayaw.

Tuluyan na ngang umalis si Sofia sa grupo nito. Pagkatapos ng formal resignation ay umuwi ito ng Pilipinas upang magfocus sa pagiging ina nito kay Steffi.

Inamin na rin niya kay Steffi na ang ina nito ay si Sofia. Inaasahan niya na di pa iyon maiintindihan ng anak. It turned out na natanggap nito agad ang babae. Siguro ay dahil sa namuong bonding nito. O di kaya ay masyado pa itong bata para makaramdam ng galit. Pero ang importante ngayon ay naisaayos na ang lahat.

"Ready ka na, Steffi," sabi pa ni Sofia sa anak.

Suot ni Steffi ang damit na iniregalo ni Sofia dito. Suot din ni Sofia ang damit nang gaya sa anak.

Binuksan na niya ang speaker at inilipat ang kanta sa isang korean song.

Nang iplay niya ang kanta ay nagsimula nang magsayaw ang mga ito.

Hawak naman niya ang cellphone habang kinukuhanan ang mga ito ng video.

Hindi niya naiwasang mapangiti. Who would have thought that these two can change his life forever? Mali ang itinanim sa kanya nang ama na ang mga babae ay pang kama lamang. Hindi. Higit pa doon ang mga babae. May kakayahan ang mga ito na baguhin ang isang tao -- at isa na siya sa magpapatunay niyon.

**

Muling inactivate ni Sofia ang mga social media accounts niya. Una na niyang in-activate ang Instagram niya.

Binago niya ang description nito. Kung dati ay nakasulat iyon sa korean words ngayon ay inilagay niya iyon sa english.

• Mrs. Cuerdo • Proud Mommy of My Litte Angel: Steffi • Family Goals: Enjoy The Life

Nagsimula siyang magpost ng mga picture at video nila ni Steffi. Minsan naman ay ang  bonding moments nilang tatlo lalo na kapag nagbabakasyon sila out of town.

Binura niya ang mga post niya nang mga panahong nasa Yellow Daisy pa siya. Oras na para mag-move on siya at magsimula nang bagong buhay.

Maraming buwan na rin ang lumipas simula nang pumutok ang issue. Kabi-kabilaang network ang nais siyang kuhanan ng pahayag.

Binasag niya ang katahimikan sa isang sikat na awarding kung saan dumipensa sa kanya si Nicholas. Pagkatapos ang insidente ay  wala na siyang balita sa issue. Kahit pa nang bumalik siya sa GV Entertainment upang pormal na nagpaalam.

Tuluyan na nga niyang natanggap na hindi siya sa pagiging idol nababagay. Kundi sa buhay sa likod ng mga nagkikinangang ilaw at kamera - buhay kung saan kasama niya ang totoong fans niya - ang pamilya niya.

Umani nang mga positibong comments ang mga post niya. Minsan pa nga ay nasasama sa memes ang picture nila ni Steffi na mother and daughter goals daw.

Tila ba nakakabawi na siya mula sa mga pambabash.

Di niya naiwasang mapangiti. Sana ay una pa lamang ay nagpakatotoo na siya. Masarap sa feeling na natatanggap ka ng maraming tao dahil sa kung anong totoong ipinapakita mo. Pero ngayon? Hindi na iyon ang first priority niya. Wala na siyang pakielam kung magustuhan man siya ng mga tao o hindi.

Isinantabi na niya ang cellphone at sumalo na kina Steffi at Nicholas na noon ay abala sa paglalaro ng snake board game.

"O sino na ang titira?" nag-indian seat siya sa tabi nang mga ito.

"It's my turn!" sabi ni Steffi. Kinuha na nito ang dice at itinira.

Labis ang tawa nila nang matapat ito sa numero kung saan nakain ito ng snake.

Nakita niya ang pagsimangot nito.

"My turn," sabi naman ni Nicholas. Ganoon din ang nangyari dito.

Si Steffi naman ang tumawa dito. Napakamot naman sa ulo si Nicholas habang di mapigilan ang ngiti.

Hindi niya naiwasang tahimik na obserbahan ang sitwasyon nila. Lahat sila ay masaya na animo'y walang pinagdaanang problema.

Higit pa sa tilian ng mga fans niya ang tawanan ng dalawang ito sa harapan niya.

Ito na ba ang totoong kasiyahan?

Yes, it is indeed the true happiness..

++

THE END