#اعد_لي_فرحتي
بقلمي ام البنات
بارت14
كرار.....فرحه اني حجيت وي ابويه وافق وانتي الموافقه مبينه ...عندج شروط عندج شي تكولينه من هسه كولي
فرحه.....كلشي ما اريد بس اريد اكمل دراستي ومريم تبقه ويايه
كرار.....الي كلتيهن هذني من شروط علي ...تره علي انسان مثقف واعي وفاهم يرديج تعتمدين على نفسج وتنجحين وبنتج يعتبرها مثل بنته يصيرلها نعم الاب
فرحه ......الله يكتب الي بي الخير
كرار....خلي بالج اي شي يصير انتي اختي باي وكت تلكيني يمج عونج وسندج لاتخافين من شي ابد
فرحه.....بطلت اخاف من شي اني تغيرت صح كلبي محترك على ابني بس لازم اقوه لخاطر مريم هيه الي بقتلي بهاي الدنيا
كرار.....هذا الي اريد اسمعه منج
فرحه......لايضل بالك عليه انت رجعتلي ثقتي بنفسي وقوتي خليتني ما اخاف من شي
كرار......انتي قويه اصلا لو وحده غيرج متتحمل الي مريتي بي .....المهم علي مستعجل يريد الخطوبه اسبوع الجاي ويكطع مهر هم
فرحه.....الي اشوفونه بكيفكم
كرار......راح يجون باجر امه واخته ومرت اخو يشوفونه ويتعرفون علينه لان ميعرفون بس اني
فرحه.....هله بيهم
كرار......يالله نامي وراج دوام باجر
فرحه.....لا ما اداوم مالحك عيب يجون الناس لازم احضر ضيافه وانضف واحضر نفسي
كرار......تلحكين لا تخافين خابري ايه
فرحه......اي هسه اخابرها واشوف بلكي تجيني
كرار.....اوكي اني رايح انام
تسريع للاحداث سوم الخطوبه
فرحه.....اجتني ايه من الصبح رتبت شعري ومكياج بسيط ولبست نفنوف ذهبي ربع ردان وكصير للركبه وحذاء ماروني حسيت نفسي صدك عروس حسيٍت بفرحه ما اذكر حسيتها بخطوبتي ويه فرقد
ايه.....لج نزلي جوي العالم
فرحه.....اي بس عينج على مريم لاتوصخ نفسها
ايه.....لج بابا كعدي معليج بيها
فرحه.....جوي الماس كعدو وسولفو بس اني احس بيه رجفه مو طبيعيه
علي.....اريدهم بس يخلصون اريد اشوف فرحتي مصدكت من كال السيد نكطع الهم مهر كمت ممصدك
كرار.....تعاي فرحه يم ال باب
علي....اهوووووو غير يكعدونها يمي شنو وره ال باب.........
فرحه......السيد كطع النه مهر احساس غريب مشاعر حلوه انو اني اختاريت الشخص الي اكمل وياه حياتي
علي.....اكلك كرار هسه مو كطعنه مهر متكلي شنو القصه غير اشوف مرتي
كرار......هههههههههه لا ياناقص
علي......شنو شنو شبيك مرتي كلت شي غلط
كرار......لا عمي وين كلت شي غلط تعال.....تفضل ابو محمد
فرحه......يمه كلبي كام يدك بسرعه حسيت اجه يمي
علي.....اويلي يااابه شطالعه ولح شلون اصبر بعد
فرحه.....عيب علي منانه العالم
علي......لج يا عالم مرتي انتي شعليه بيهم
فرحه......عززه بعينك شبيك يمعود
علي......لج باعي حمودي ومريومه شلون ديلعبون
فرحه.......يمكن الله يعوضها بمكان اخوها
علي......ويعوضج ان شاءالله
فرحه.....تسلم يارب
علي......فرحه هاي هديه الج
فرحه......ليش كلفت نفسك
علي......انتي مرتي حبيبتي وهذا اقل شي اسوي الج شوفيها تعجبج لو ابدلها
فرحه......هههههه تجنن
علي......هاي من قبل لا اجي اخطبج جنت دا امشي وشفت هاي الكلاده بس جانت غير اسماء وصبت عليها وحفرت اسمائنه
فرحه......شنو هيج جنت واثق راح اقبل
علي......واثق من حبي الج واثق اني الج وطن وانتي بغربه
فرحه.......علي لاتتغير بيوم عليه ابقه هيج
علي........اني هيج و مستحيل اكون غير هيج
كرار......علي اهلك راحو كوم روح
علي.....لا باناقص تطردني
كرار.....نجب وكوم يا الله ولي
علي.....ولك حنت لل2بليل يمك هسه ازحلكني بسيطه
اله اشلع كلبك ......حبي سويلي بقلاوه بليل اتعله يمكم
كرار....اكسر رجلك بس تبجي
علي.....رجال سويها
كرار....لاتجي راح انام من وكت
علي......هههههههه هو انت منو مكلبك هاي قبل جنت اجي عليك هسه احي على الحب
كرار......اني الجبتها لروحي اكل تبن وانجب
علي........اااي عفيه بضبط .......يالله باي حب بس يرحون الناس واكمل كم شغله اجيج
فرحه......هله بيك تدلل
كرار......من هسه البقلاوه صارت الك 😢اروح اسمع لا يازمن 😓
علي.......واذا تفكر تنتحر اسوي فضل
كرار......اي انتحر واخليك تلعب براحتك
علي......اني اددري راح تشعل اجداد اجدادي
كرار.....تحمل الي يجيك مني
علي......اني رايح حبي اذا ردتي شي خابريني
كرار......متحتاج شي اني موجود😒
علي......نجب معليك دا احجي ويه مرتي ....يالله باي
فرحه.......الله وياك
كرار......فروحه هسه صدك شفت الفرحه بعينج
فرحه.....الي عدها اخ مثلك متعرف الحزن ولا التعب
كرار.....هذا واجبي تره اني ممسوي عليج فضل
فرحه......الله ينطيك الصحه والعافيه ويخليك الي
YOU ARE READING
اعد لي فرحتي
Romanceقصة فتاة تقع ضحيت الزواج المبكر وضحيت زوجة الاب ولكن الاخ خير معين ...ويضهر لها حب يعوضها عما فاتها ولكن بعد المعانات وخساره لاتعوض....
