اعد لي فرحتي

11

#اعد_لي_فرحتي
بقلمي ام ابنات
بارت11
بعد مرور3اشهر
علي.....صار عندي قمت السعاده من اداوم واشوف فرحه روحي صارت بيها ومرات اخذ ابني واروح يمهم يروحي يلعب وي مريومه
فرحه.....قوت علاقتي ب علي وصرنه اصدقاء بس احتاج شي الكي يمي كمت ما اخاف من شي احس هو موجود يمي محد يكدر ياذيني تعلمت عليه وكام من يجي عادي ادخل يمهم اقدم واحجي وياهم واطلع كمت احس براحه اكثر القيود الي بينه تلاشت شويه شويه ابنه يجنن يجي وياه يلعب وي مريومه والحمد الله كدرت اسيطر على دراستي ودراسة مريومه من اتعب لو ما الحك كرار يساعدني بيها سمره مالي علاقه بيها بس عمتي ام فرقد اداريها ابويه ماله علاقه بكلشي كرار بده يبني بكاعه يكول نعيش بيها اني وياج وايه بعدها مقربه مني حياتي تغيرت هواي كمت اطلع ويه ايه واطلع مريومه حسيت بحريه اكثر علي صار شخص مهم بحياتي بس الى اي درجه ما ادري
علي.....صار لازم اعترف لفرحه اني احبها اريد اتقدم الها قابل ابقه اباوع عليها واتحصر....
بس لازم احجي وي كرار اول ....
كرار.....ها ولك احس عندك حجي مهم من وجهك
علي.....اي والله ياريت تسمعني
كرار.....اي كول
علي......كرار اني مو صغير وتعرفني وتعرف وضعي كوله وانت اخويه لاعندي سوالف مو زينه ولا شرب ولا صاحب مشاكل
كرار.....اطلعلي بنضيف شنو ورا هاي المقدمه
علي.......انت خويي واني رايدك بطلب لاتردني ولايروح فكرك لبعيد تدري بيه صريح لا اجذب ولا اضم
كرار.....اني الي اعرفك زين لو عندي اخ مو مثلك كول شعندك
علي........اني رايد اخطب فرحه منك ثنينه مرينه بتجربه فاشله
كرار......انت مريت بتجربه فاشله بس فرحه كل حياتها جانت دمار خسرت هواي صحتها وعافيتها وابنها وضيعت من عمرها كل هذا مرة بس وهيه طفله تعتقد تتحمل تجربه جديده
علي.......اني مراح اكولك راح اعيشها بجنه ونعيم وسعاده تامه بس اني احاول اسعدها شكد ما اكدر احاول اكون الها صديق واخ واب
كرار......اني عن نفسي تدري بيه احبك ولوبيدي هسه اكولك اخذها الك بس تدري الي مرت بي مو شويه وهذا الشي راجع الها اني امن بيها بس وياك واثق راح تسعدها
علي......يعني؟
كرار.......يعني خليني احجي وياها واحاول اقنعها
علي........ان شاءالله تقتنع....اني اروح ورايه كعده الصبح باي
كرار......روح خلي اني هم اروح احش براسها
علي.......ههههههههههه تصبح على خير........هففف شويه واكوله اني احبها من اول يوم شفتها بي همزين لزمت لساني جان خربت الاول والتالي
كرار.....فروحه وينج
فرحه......اي جيت
كرار.......امشينه للغرفتي نسولف شويه جيبي وياج من الكرزات الجبتهم
فرحه......اي جيت.....
كرار......فروحه احجي وياج بشغله اريدج للاخير اسمعيني
فرحه.....كول
كرار.....اليوم اجو عليج خطابه
فرحه.....انت تعرف رإيي
كرار......سمعيني للاخير ....الولد مينرفض واني ما امن بيج ال وياه
فرحه......منو هذا
كرار.....علي صديقي
فرحه......الولد ميتعيب وانت تدري بيه اني رفضي للزواج كله مو لشخص معين
كرار......سمعيني واخذيها مني راح ينسيج كل الي شفتي اني معاشره واعرفه كولش زين لاعبالج كل زواج نفس الي مريتي بي صدكيني راح ترتاحين وياه ويسعدج
فرحه......الله يخليك ابوس ايدك سد موضوع الزواج لو ما اعرفك جان كلت يريد يخلص مني
كرار....لو اريد اخلص منج جان انطيتج للرادوج قبله بس اني اعرف علي حياتج كلها متنسعدين وي غيره مثقف واعي وفاهم وراكز......فكري بالموضوع هسه لاترفضين انطي روحج مجال
فرحه.... ولو اعرف الجواب بس ميخالف.....حروح انام
ثاني يوم

فرحه...صباح الخير
علي....صباح النور.....شلونج
فرحه.....تمام
علي....شبيج
فرحه.....مابيه
علي......لا بيج شنو اني غشيم عنج
فرحه.....وانت شدعوه هيج مركز ويايه شعليك بيه اذابيه شي او ما بيه
علي.....هووب هوب هوب على كيفج شبيج انفجرتي بيه ....
فرحه......منفجرت دا احجي عادي
علي.....هذا العادي مالتج؟؟ شنو اني ما اعرفج !!!
فرحه.....هففففف تالي راح تبقه تحلل شخصيتي
علي.......الضاهر كرار حاجي وياج بالموضوع
فرحه.....😒
علي......لا والجواب هم واضح.....سمعيني زين اني ما افرض نفسي على احد من اجيتج من الباب لان اعرفج وتعرفيني لا العب ولا جاي اضحك عليج رايدج زوجه وام لا ابني ضرفنه مشابه ما اوعدج بجنه سوالف المزعطه هاي اكولج راح نعيش حالنه حال اي ثنين مزوجين نمر بمشاكل ونحلها سوه نتعب ونمر بضغوط ونصبر وتجينه ايام حلوه الي اكدر عليه اسوي حتى اسعدج بي وانتي بكيفج بعد فكري براحتج هذا قرارج انتي حره بيه ما احب افرض نفسي على بشر حتى لو جان روحي
فرحه.....شنو قصدك
علي......فرحه اني احبج من اول يوم شفتج بي بس ابد محاولت ابينلج لان جنتي ممستعده لهذا الشي وردت اتاكد من مشاعري اتجاهج
فرحه.....شنو تحبني متستحي من كرار مو عيب هيج تفكر بيه
علي....اكولج شنو اني معتدي عليج لو متحارش بيج حتى استحي من كرار اني اجيت من الباب وخطبتج واذا على الحب هذا شي مو بيدنه شي نحسه من نشوف هذا الشخص كلبنه يدك بسرعه من عدنه موعده وياه نكوم من وكت حتى منتاخر ملهوفين لشوفته من ينقهر وينجرح نحس الجرح بداخلنه من يفرح ويبتسم من وحده وجهنه يبتسم لو مرتاح نرتاح ولو تعبان نتعب  لو اختفه من حياتنه نتعب اكثر وننهار ونتاذه ونشتاق شوقنه يوصل حد الوجع وجع نحس بي بين الضلوع ودمعه محصوره ......اخذي القرار الي يريحج اني ما افرض نفسي عليج فكري ورجعي خبر ثنينه واعين وافهمين مو زغار
فرحه....عفيه تاخرت على المحاضره
علي.....عادي نزلي....
فرحه.....مع السلامه........يمه كلبي راح يوكف هاي ليش هيج لا عفيه ماريد احس بشي ماريد ماعندي استعداد للاذيه توني لميت جروحي توني وكفت
(نهاية الدوام)
فرحه....سلام عليكم
علي....وعليكم .....شو مجيتي عليه اليوم
فرحه......احسن
علي.....اوكي...