#اعد_لي_فرحتي
بقلمي ام البنات
بارت7
علي.....كرار بيك شي
كرار....اني مابيه بس حاير ب اختي
علي....شبيها
كرار.....خلي نخلص غده واحجيلك سالفتها هم اريد اخذ رأيك بالي اسوي وشلون اصرف
علي.....اي ولك ريحت الدولمه شكت خشمي
كرار.....دضوكها اول ....سمي واكل
علي....ماشاءالله ولك هاي مرت ابوك خوش طباخه
كرار....ههههه لا وين هاي اختي سوتها
علي....فرحه الي جنت تحجيلي عليها
كرار....اي هيه
علي.....ممممممم ال اي مالتك بيها ونه وحصره
كرار....كمل ونسولف خلي نكمل اكل بلا مغثه
علي...تدري بيه ماعندي صبر احجي احنه وناكول
كرار....اسمع قصة فرحه وشور عليه ..........(من نسجنت ........................)هاي سالفتها
علي.....زين هاي شلون عايشه وليش قابله بهذا الوضع
كرار....اني ما اعرف اصرف شلون وياها واخليها تحجي وما اكدر اعوفها بهذا الوضع الحل شنو ما اعرف
علي.....انت اذا تريد اختك اطلكها هذا يجي يوم ياذيها وياذي جهالها
كرار.....هو ياذي بس فرحه والولد الصغيره مياذيها
علي.....يجي يوم وضربته تقوه او يفقد اكثر احتمال تخسر اختك بهيج حاله وتبقه عمرك كله ندمان
كرار.....اني مناوي اسكت لا والله هاي اختي وملزومه مني بس احجيلك اريدك انت تفيدني تساعدني شلون اخليها تحجي
علي.....اسمع مني هيه بنيه وتتاثر بالحجي وجانت تسكت لان تحس ما الها احد اول شي لازم تشتغل عليه تخليها تثق بنفسها حتى تصير قويه وتلح عليها تحجيلك شويه شويه لحد ما توصلون للطلاك وياه
كرار......فرحه شخصيتها كولش حلوه شاطره جانت وقويه رغم صغر عمرها جانت متحمله المسؤليه من امي مريضه ومقصرت بدراستها بس المشكله الي مرت بي اقر عليها هواي
علي....شي اعتيادي ياثر عليها ازوجة طفله وانت تكول شاطره معناتها تكدر تزرع بيها امل انو تحقق حلمها وتشجعها وترجع تدرس
كرار....اني هذا الي ناوي عليه والي اريد
علي....ان شاءالله تكدر واي شي تحتاجه اني موجود
كرار....اكيد ماعندي غيرك
تسريع الاحداث بعد مرور اسبوع
كرار.....علي اذا كملت كوم
علي....ولك بشرفي هذا الكباب اطيب من ارقه مطعم
كرار....اي لعد شعبالك راح ادفع الحساب فضها عاد متشبع
علي.....اي اي افتهمت شسويلك اذا انت شاد محرك من تاكل بسرعه........كرار كرررار
كرار.....شكو شبيك
علي....تلفونك يدك
كرار....شو منو هذا فرقد؟!!
علي....جاوبه شوفه شيريد
كرار....الو ها ابو محمد .....شكو شبيج
فرحه.....كررررار الحكلي الحكلي خويه ابني راح يروح مني الحكلي
كرار....شكو ولج شصاير شبيج .....سكتي جايج بطريق
علي....شكو شصاير
كرار.....اكيد فرقد مسويله دكه هذا الي افتهمت من فرحه محمد ابنها بي شي
علي....سوق على كيفك هدي بالرحمن
كرار....اذا طلع مسوي دكه ناقصه ميخلص مني
علي....راح تكلبنه على كيفك سوق مو هيج
انزل انت اني باقي بالباب
كرار.....فررررحه فررحه
فرحه......الحكلي ابني كرار ابني خويه فدوه رحتلك ابني راح يروح مني
كرار......وج شكو شبيج شصاير
فرحه.....حمودي كرار حمودي دم من راسه دم طلع احجي ميجاوبني
كرار.....على كيفج لاتخافين وين هو
فرحه ....اخذه ابو اخذني وياك ابوس ايدك اخذني
كرار.....وين ترحين اني اروح واكولج
فرحه.....والله اكعد بشارع والله اموت نفسي اذا متاخذني ولك حس بيه ابني هذا
كرار.....كومي لبسي حجابج......علي هاك انت سوق
علي....عرفة بيا مستشفى
كرار.......خابرته يكول بالكندي
علي......ان شاءالله ماكو شي امشو...
فرحه.....يارب سترك يالهي ابني ياربي صابره ومتحمله لخاطرهم دخيلك ياربي استرها ويايه
كرار.....ماكو شي ان شاءالله لا تخافين اذا تبقين هيج ابقيج بسياره بطلي بجي
فرحه......لا والله راح اسكت والله بعد ما احجي
علي.....نزلو هنانه اني اطبك السياره بالكراج واجي
كرار........تعال ......امشي
فرحه.....خويه الزمني راح اوكع
كرار......شبيج
فرحه.....خايفه
كرار.......شيصير اني يمج ومن تعبين اني عكازج امشي ويايه والله كريم
فرحه.......خايفه.....حمودي شلون اذا صار بي شي شسوي
كرار......امشي ربج يكتب الي بي الخير .........فرقد شنو الاخبار
فرقد......انتي شجابج
كرار.......اني جبتها واحنه هسه بياحال
فرقد......الضربه براسه قويه ونزف داخلي ديحاولون يوكفونه
كرار.....سوله اشعه
فرقد......حالته كولش متازمه اخذو كبل للعمليات
فرحه...... ما ابريك الذمه حسبي الله ونعم الوكيل حسبي الله
كرار.......ليش هو شعليه
الدكتور......خلصت العمليه سوينه الي علينه بس النزف كولش قوي وفقد دم هواي وهو بنيته ضعيفه كولش ما اعتقد يتحمل
فرقد.....شنو يعني
دكتور.......يعني توقعو كلش
فرحه......بس اكو امل كو اكو امل
دكتور......ماكو شي بعيد عد ربج ادعوله
فرحه.....ياربي دخيلك هذوله الي طلعت بيهم من الدنيا سترك يارب سترك يا الهي
كرار.....الله هم اني لا اسألك رد القضاء ولكن اسألك الطف فيه
علي....سلام عليكم...طمنونه
كرار.....بيد ربك
فرقد.....انتي روحي اني باقي هنا
فرحه....والله لو اسويني ميت وصله وتكطعني تكطع ما اتحرك منانه اذا مو ويه ابني
فرقد......شلووون
كرار...ابي مد ايدك عليها واني واكف.....خلي تعدي سلامات والي تصرف ثاني وياك
أنت تقرأ
اعد لي فرحتي
Romanceقصة فتاة تقع ضحيت الزواج المبكر وضحيت زوجة الاب ولكن الاخ خير معين ...ويضهر لها حب يعوضها عما فاتها ولكن بعد المعانات وخساره لاتعوض....
