البارت واحد وثلاثون
#انتقام_عاشق
منار...
طلع احمد من الغرفة واني كاعده عالفراش بين مصدكة وبين مامصدكه ...معقولة ...صدك ماسوالي شي ...خاف ديجذب عليه ...باوعت عالفراش ماكو دم ...يعني اني بعدني بنيه؟...معقولة اني هيج محظوظة؟...كمت بسرعة حتى ابدل وانزل قبل ما يغير رايه؟..نزلت لكيت البنيه الي جانت تتعارك وياه جوه بالصالة ...شافتني ودارت وجهها وكامت تستغفر ....وهو جان واكف بالباب ديخابر ...نزلت ورحت يمه ...اشرلي صعدت بالسيارة ...ركب ووره شويه وصلنا للمستشفى ...اني جنت فرحانه لان راح اشوف ماما ...هو بقه بالسيارة يباوع عليه لحد ما دخلت المستشفى بعدين ...راح ....عبالي راح ينتظرني بس راح ...همزين ...حتى محد يعرف اني جنت وياه ...
دخلت لغرفة ماما شفتها من بعيد ...اكو حاجز بيني وبينها ميصير نتقرب عليها ...كمت ابجي من شفتها اجتي نرمين شافتني ..
عزززه ...لج هاي شصاير بيج؟ ...
هاا...مابيه شي ...هيج ...وكعت من الدرج....
يا درج ولج ...انتي مزوركه عبالك مبسوطة ...
لا لا...شنو مبسوطه ...صدكيني ...وكعت من الدرج وحتى من الوكعة رجلي التوت ورجعت توجعني ...
ظلت نرمين تباوع عليه ...شكلها مصدكتني ...بس اني غلست ...
مر الوقت ببطء ...وصار الوقت متاخر من اليل ...نرمين راحت واني بقيت وحدي ...جان اكو سرير بالغرفة ..اتمددت عليه ونمت ...جنت كلش تعبانه ...حسيت وره شويه بواحد يلعب بشعري ...كمت مفزوعة لما شفته احمد ....
اااحمد ....هااا...ششجابك هنا ؟ عفية خاف تصحى ماما وتشوفك ...شنو راح تاخذني؟
اشششش..اهدي ...اني اجيت حتى اجيبلج شي تاكليه ...ادري بيج من الصبح لحد هسه كلشي مماكله ...
ما اريد ...شكرا مو جوعانه...
مو بكيفج ...اعتقد انتي بعدج زوجتي ومن حقي عليج ان تسمعين كلامي ... يالله كومي ...تره اوكلج بالكوه ...
كامت مروه بس بعدها خايفة ...تباوعلي برعب وقلق ...متكومه على صفحة وطابكه رجليها على صدرها ومحوطتهم بايديها ...جانت تباوع عليه باستغراب ...حقها ...الي سويته بيها مو قليل ...
هاج ..اكلي ...اني ما اعرف شتحبين ...جبتلج سندويجات وجيس بيه نساتل وعصائر ...انتي اختاري الي تحبيه ... اني راح اروح ....اتقربت عليها بست راسها وطلعت ...
منار..
ظليت صافنه ...هذا هو نفسه احمد ؟ شنو الي صار...ليش اتغير؟
باوت عالاكل ...جنت كلش جوعانه..صارلي يومين مماكله ...اكلت كل الي جان جايبه ...
ونمت ...
..كومي ..منار ...
ها...هلو نرمين ...شوكت اجيتي ...هسه اجيت من المعهد ...اكلج ...لازم تشوفين حل ..هاي صار مادتين مدا تمتحنين ...راح ترسبين ...
شسوي ..مو بيدي ..مو كتلج سويلي تاجيل...
لازم تجين وتقدمين عالتاجيل ولازم عندج سبب حتى يوافقون والا راح ترسبين ...تعالي وياي وقابلي رئيس القسم ..
ما اعرف شسوي ...اروح وياج ؟
اي طبعا ...كولي صارلج حادث وانتي اصلا شكلج يساعد ...يالله ...امشي ...
قبل ما اطلع اتذكرت احمد ...شلون اروح قبل ما اكله ... خاف يسويلي مشكلة ...
اكلج نرمين ...اروح للحمام والحكج ...انتي روحي قبلي ...
رحت للحمام وخابرت احمد ...
الو...
الوو...يا هله.....معقولة اشتاقيتيلي ؟
لا ...بس ردت اكلك شي ...
ههههه ...ماشي ..كولي ..
اريد اروح ويه نرمين للمعهد حتى اقدم تاجيل ...
اي ..وبعدين؟.
هاهي..
والمطلوب مني شنو؟
دا ابلغك ..وبس ..
همممممم....عفيه ..عجبتيني ...يعني صرتي تقومين بواجبج كزوجه ...وتاخذين موافقة زوجج...عفيه ...اوكي ..ما عندي مانع ..روحي ...
#بقلمي
زين ...شكرا
