عشقت فصليتي

الجزء العاشر،، عشقت فصليتي

مازن.. احس نار بگلبي وحسرة جبيرة ،، انوب من حجت ملك اتخبلت معقوله منار متحبني ، شلون رضت بغيري راح اتخبل ، ادك عليها ماكو مغلق ، اااه اريد شي يبرد نار گلبي ، نزلت من السيارة وامشي بدون وعي احس روحي نسلبت مني ، ردت اروح البيت خالتي ،، لا ماروح لو تصير روحي بيها هم ما نزل نفسي الها ، خلص مثل ماهي طلعتني من حياتها اني هم اطلعها من حياتي ، امشي واحجي ويه نفسي وبعدها ماحسيت بشي

ملك.. الصراحة جان احلى خبر سمعته بحياتي انو منار انخطبت اتمنيت ادك واركص ، ااف واخيرا راح اخلص منها ، بس كل العاده الفرحة مدوملي بنص الليل سمعت عياط بالبيت ردت انزل وخفت ماكدرت، دكيت ع مازن لان هو اول واحد اجة بالي من سمعت العياط ، ادك مشغول ، نزلت الدرج واني حاطه ايدي ع گلبي ،

ابو مازن.. ولج يا مرة خليني اسمع وافتهم من الرجال اسكتي ،، بصياح

ام مازن.. راح الولد ابني مات منوراك دكيت رجل الا ياخذ هاي الفگر بنت الفگر ، هيه ارتاحيت

ملك.. من سمعت ام مازن هيج حجت رجليه احسهن صارن خيوط مو عظم ولحم ، كعدت ع الدرج ودموعي نزلت ، لا ياربي لاتخلي مازن يموت دخيلك 😭

ابو مازن .. دخيلك بس طمني ابني عايش كلشي ماريد من هل الدنيا بس جاوبني

📞حجي مااعرف كاطع النفس والضربه قويه والله شاهد شفناه مدد بالكاع والي ضربه انهزم ، واني واخويه ماخذي للمستشفى تعال وان شاء الله نتالحك اله

ملك .. ام مازن ادك وتلطم وابوه يرجف واول مرة اشوفه هيج ضعيف ومهزوز ،، بقيت ادعي الله انو مازن يطلع عايش

ام مازن.. ولج منوراج ابني مات منوره كصتج الفگر اليوم اخلص عليها عوفوني

ملك.. كمت ع السريع ودخلت للغرفه ، يارب خلي يرجع سالم حته لو يتزوج منار وعشرة وياها اهم شي ميصير بي شي 😭

مازن.. صحيت لكيت نفسي بالمستشفى وابويه وامي فوك راسي ،، رأسي يوجعني بس اريد احجي ماكدر احس حلكي مربط ومخيطي بحديد

ام مازن.. يمه ابني بعد گلبي يومي قبل يومك امي حبيبي،  بيج قصص من حياتنا M&T

ابو مازن.. الحمد لله ع سلامتك وليدي ولك ردنه نموت من خوفنه عليك

مازن.. اشرت لابويه ، انو ماكدر احجي ليش

ابو مازن.. ابني اندعمت وصار عندك كسور بجسمك ، وفكك انكسر وخلولك تقويم

ملك.. بقيت يوم كامل اني بقلق ومحد يحجي ويطمني الكل ذاب الصوج بيه ، اريد بس خيط امل انو مازن مابي شي ماكو محد يحجي أسأل منو الكل كالبه وجها عليه

مازن .. الي ضربني طلع واحد مراهق ماخذ سيارة ابوه ويسوق بيها ،، كلت لابويه يتنازل عن الشكوه  ،، طبعا ايدي ورجلي اليمين مكسورات ، حلكي كله تقويم ماكدر احجي امي تسويلي شوربة واشربها بالكصبة   بقيت يومين بالمستشفى ، طكت روحي يابة اريد اطلع ، طلعوني ماتحمل