#عشقت_فصليتي
البارت ال 6
بقلمي #ميديا_الفهد
عبدالله.. انطيناج فصلية لاخو نهى
ملك.. 😨 شنو فصلية يعني مافتهمت ، ماما ليش تبجين تره مدا استوعب الي ديصير ، احد يفهمني
ام ملك.. امي حبيبتي والله صعبة عليه انطيج الناس غربة بس اذا مانطيج تصير مشاكل واخوانج كلهم ينكتلون الله مااعرف شسوي اني بين نارين
ملك.. ماما واني ومستقبلي وكليتي شلون ؟ شلون اعيش بيت ناس مااعرفهم فهميني شلون ، مستحيل اهدم كل حياتي بسبب خطأ مالي ذنب بي اني مستحيل اروح وياك عبدالله
عبدالله.. لج بابا تصير مذابح اذا باجر ماوديناج ، غصبا عليج تروحين
ملك.. لك عبدالله هيج اهون عليك مو اني شرفك وعرضك هيج عادي عندك اروح اكعد بيت ناس غربة ،،
عبدالله.. لج بابا افتهمي عليه راح ابنهم يعقد عليج سيد وتصيرين مرته
ملك.. قصدك اصير خدامه ، ومالي اي حقوق ، والله حرام عليكم تضحون بيه ع مود نفسكم
عبدالله.. ولج والله لو ماعندي كومة لحم بركبتي والله افديج بروحي ، ترضين جهالي يتيتمون ، اذا ترضين هسه مستعد اكللهم كتلوني الي وعوفوا اختي
ملك.. من حجه عبدالله هيج كرهت نفسي عفتهم ودخلت للحمام ابجي ماعندي غير البجي الي يهون عليه مصيبتي ،،بقلمي ميديا الفهد
طلعت لكيت امي اتحضر بملابسي وتبجي ، حسيت خلص باجر نهايتي ونهاية مستقبلي ،
بدون وعي لميت كل محاضراتي وملازمي وحركتهن وابجي ،،
يارب ليش هيج يصير بيه فوك ظيم نائل وخيانته وهو هسه عايش حياته وعنده ولد وصار ابو فلان واني الي انظلمت انظلم بعد اكثر ليش شنو إلي سويته بهل الدنيا الكشرة 😭
ثاني يوم الكل اجة وبدوا يودعون بيه ويبجون حسيت رايحة للموت ،، اجة نائل سكران وبده يهدد لزموه عبدالله ووائل وحبسوه بغرفة امي ، اخذني عمي ماجد وعبدالله ،
طول الطريق دموعي ماجفن بس ابجي وخايفه شراح الكه هناك من ناس ،بابا تعال شوف بنتك المدلله من بعد عينك شصار وراح يصير بيها بابا نذليت من بعد عينك ومالي سند بهل الدنيا،
وصلنه ولكيت اثنين زلم بس كبار بالعمر واحد منهم بكد ابويه الله يرحمه وشكله يخوف ضخم وعيونه مخنزرة كمت ارجف بس لا هذا الي راح يعقد عليه ☹
جان يصيح ع عمي كله هاي الجنطه اخذوها وياكم وشال جنطت ملابسي وشمرها بوجه عمي وعبدالله ، واني صافنه بقيت مجلبه بأيد عبدالله ،
عبدالله.. يلا ملك روحي لازيديها عليه
ملك.. 😭 عبدالله الله يخليك لاتعوفني هنا والله اموت ، ماحسيت الا هذا الرجال سحبني من ايدي حيل حسيت ايدي انخلعت ،
عبدالله وعمي ساكتين ومدنكين كلشي ماسوو واني انسحبت من بين اديهم ، واصيح ع عبدالله ولك لاتعوفني ودخلوني وسدوا الباب كمت ابجي بصوت عالي ، وجان هذا الرجال سطرني ع وجهي خله حلكي يجري دم ، من الخوف رأسا سكتت ،
YOU ARE READING
عشقت فصليتي
Romanceقصة حقيقية لفتاة عراقية بين ليله ويوم تصبح فصلية بسبب تهور اخوها ،، بقلمي #ميديا_الفهد
