عشقت فصليتي

الجزء السادس ،، عشقت فصليتي

كعدوني بغرفه كلش صغيره جوة ،، طبعا البيت جبير بشكل مو طبيعي مبين عليهم أغنياء كلش مع هذا كعدت بغرفة يمكن مخزن جانت حته شباك مابيها تخنك ،

بقيت كاعده صار الغدة واسمعهم ياكلون مبين عليهم عائلة جبيرة ،
ورة شويه جتني بنيه فلبينيه ملبسيها دشداشه جبيرة حيل وحجاب اميرة ، وجابتلي اكل عافته وطلعت ، بقيت كاعده ابجي بدون صوت اخاف لا احد منهم يسمعني وماكدرت اخلي شي بحلكي من الاكل الي جابته الخدامه ، كاعده ومنتظره المجهول بهذا البيت الجبير

للعصر واجة نفس الرجال فتح الباب حيل ، خفت ماباوعت عليه بقيت مدنكه  ، كالي يلا كومي راح يجي الشيخ يعقد ،
من سمعت حجية تخبلت تمنيت اختفي اتبخر اموت كمت غصباً عليه مدنكه وامشي كعدت ع كرسي انتظر ،،

دخل شاب حلو بشكل اشكر وعيونه صفر ع خضار وطويل وشعره عالي سرح يجنن اول ماشافني كال هاي شنو ،،عبالك اني حشرة مو بشر

ابو مازن .. هاي الفصلية منو يعني

مازن.. يابه انت صدك تحجي جايب بنت الناس ، عبالي البارحة من حجوا  كدام الناس الكاعده ما عبالي صدك عبالي شكليا فصلوا مرة

ابو مازن ..مثل مااخذ اخوها اختك غصب احنه هم اخذنه بتهم غصب

مازن.. ماكدر احجي مبين عليك مقتنع ماادخل بالموضوع احسن

ابو مازن.. بس الموضوع يخصك الك

مازن.. نعم بشنو يخصني ؟

ابو مازن .. انت راح تعقد عليها ، اخوانك كلهم متزوجين وماكو غيرك يعقد عليها

ملك.. كاعده وهمه بدو يحجون هذا الولد معارض وماقابل بوجودي ، وهذا الرجال الجبيرة طلع ابو نهى الحمد لله يعني مو هو الي راح يعقد عليه ، صار صياح بينهم

ابو مازن.. غصب عليك تعقد عليها الشيخ شويه ويوصل شتريد الزلم يكولون عليه ماعندي كلمه ، اعقد عليها واشمرها هنا معليك بيها

مازن.. امري لله شكدر بعد احجي  وياك

ملك.. اجة السيد عقدلنه واني ابجي ، حسيت نفسي حشرة والكل يريد يدوس عليها ، عقد السيد وراح، ومازن ضايج ومعصب وطلع من البيت ، اجتني ام مازن  ،،بيج قصص من حياتنا M&T

ام مازن.. لا مفكرة نفسج عروس صدك وعجبج الوضع يلا كومي حبابه تعالي للمطبخ حته تشوفين شغلج بالبيت شنو انتي وميري

ملك.. كمت مشيت وياها ، واحس نفسي  ضايعه ما اعرف شسوي ،بقلمي ميديا الفهد

يعني اني هسه حالي حال الخدامه العدهم بس افرق عنها بهواي اشياء اول شي محد يجاوز عليها بحجايه وحده
وثاني شي هيه جايه برضاتها مو مغصوبه مثلي وثالث شي هيه معززه وينطوها راتب واني حته هدومي مخلوني اخذهن 😔😢