“OKAY. See you later.”
Ipinatong ni Celene ang kaniyang cellphone sa table niya pagkatapos ng tawag na iyon mula kay Lemon. Nagyaya kasi itong mag-lunch sa paborito nitong Italian restaurant. At bilang bestfriend nito, hindi naman niya ito matanggihan.
Sumandal siya sa kaniyang swivel chair saka huminga ng malalim. Mag-i-isang lingo na mula ng huling magparamdam sa kaniya si Ches. Mukhang tuluyan na itong nagtampo sa kaniya. Missed na niya tuloy ang kakulitan nito. Ayaw naman niya itong tawagan o padalahan ng mensahe dahil ayaw niyang mag-isip ito ng kakaiba sa kaniya.
Tumingin siya sa kaniyang orasang pambisig. Mag-a-alas-dose na pala. Lunch time asuxual. Inabot niya ang kaniyang shoulder bag mula sa side drawer saka tiningnan ang kaniyang mahahalagang gamit. Kumuha siya ng polbos na ipinahid niya sa kaniyang mukha at lip gloss para sa kaniyang labi. Sinuklay niya ang buhok niya at tiningnan ang sariling repleksiyon sa pocket mirror niya. She’s ready.
Tumayo na siya saka isinakbit ang shoulder bag sa kaniyang balikat. Dire-diretso siyang lumabas ng restaurant pagka-senyas kay Daisy na aalis na siya.
Nang makasakay sa kotse niya ay mabilis din niyang pinaandar ang car engine saka nagsimulang magmaneho.
Habang nagmamaneho ay pilit na namang sumisiksik sa isipan niya ang gwapong mukha ni Ches. Kailan ba ito maaalis sa isip niya? At kailan mawawala ang nararamdaman niyang pagka-missed rito? Magpaparamdam pa kaya ito sa kaniya? Tuluyan na ba itong lumayo sa kaniya? Arggghh! Bakit ko ba siya pino-problema? Kung ayaw niyang magparamdam, e ‘di huwag!
Napalitan ng pagkakunot ang noo niya ng mapansin ang pag-para sa kaniya ng traffic enforcer na naka-destino sa lugar na iyon. Itinigil niya ang sasakyan saka niya ibinaba ang windshield.
“Ma’am may violation po kayong nalabag.” Ani traffic enforcer.
Mas lumalim ang pagka-kunot ng noo niya. “H-Ho? Pero..”
“Pasensiya na po kayo Ma’am. Sumusunod lang po ako sa rules and regulation.”
"Pero wala naman akong ideya na nalabag ko. Ilang taon na ho akong nagmamaneho rito at kailanman ay hindi pa ako nagka-violation." Katwiran niya.
"Pasensiya na po talaga kayo Ma'am. Maaari ho ba kayong bumaba muna diyan sa sasakyan ninyo?"
Walang nang nagawa si Celene kung hindi ang bumaba ng sasakyan niya. Anumang sabihin ng traffic enforcer sa kaniya ay hindi siya matatanggap hangga't hindi nito naipapaliwanag ng ayos kung ano ang nalabag niya.
Isinara niya saglit ang pinto ng sasakyan niya. Nanatili lamang siyang nakatayo habang hinihintay ang sasabihin ng traffic enforcer sa kaniya ngunit biglang may pwersang nanggaling mula sa likod niya na nagtakip ng panyo sa may ilong niya.
Bigla ay nanghina siya saka tuluyang pumikit ang mga mata niya. Tanging palitan ng salita na mga boses lalaki ang huling narinig niya bago siya nawala sa huwisyo.
~
