حبي الاناني

الجزء الثامن

قتيبة:طلعت بالسيارة وجنت حيل عصبي وضجت ضجت لان اخر مرة شفت بعينها حب بس من حجت وياي هيج حسيت جكد غبي اني وجكد مغفل لان صدكت عيونها واول مرة تلعب علية بنية هاي اللعبة الموضوع هسة خلص صار تحدي وهي خل تتحمل .تتحمل المي وعذابي بحبهة كسرت كلبي .كسرتي كلبي ياودق .على واحد ميستاهل .اه من حبي الج ياودق .اخ .رجعت لجماعتي واتفقت خلص رح ارجع وياهم واسهر وارجع ايام زمان .والسهر والونسة جانت ودق دك كل شوي واخر شي غلقت موبايلي مااريد اشوف حتة اسمهة كرهت ضعفي وعذابي صار اشهر ممقرب للشرب بس بذيج الليلة شربت ردت انسة انسى حبي الهة انسة عيني الي عمت ومكامت تشوف انو هي محبتني ظليت سهران لتالي الليل ورجعت محسيت ع روحي شوكت رجعت ونمت .بس دموعي جانت تنزل حسيت روحي جكد انذليت وكعدت اتحلفلهة الا اندمج ياودق .الا اندمج انتي تفضلين هذا الحقير علية .حقيرة .اني الي احبج انني الي استاهل هالحب مو هو وظليت ابجي ومكدرت اوكف على حيلي.ودق :ورا مذبني قتيبة وراح ظليت مثل الواحد ضربو سيف بقلبة تعبت .تعبت من العالم الي تستغل طيبتي .فتحت الورقة مجنت اعرف شنو هاي الورقة فتحتها.وجانت المفاجاة.هذا عقد زواج بااسم امير ...امير .الجذاب مزوج وتاريخ قبل حتة ماارجع لبغداد .الجذاب ¡الجذاب قشمر علية وطلع مزوج شون بناري اني ويا فضيحتي عشت عمري كلة محافظة ع روحي عمري ممشيت بطريق مو زين وهسة اني شرح اسوي وحتة قتيبة ادك علي ميشيلة مرت ايام وهو ماكو اباوع عالتكسيات ماكو هو. اخر شي سالت صديقة كالي رايح للفلوجة ورا اسبوعين يلة يرجع .بيومها صرت عصبية والوكت بدا يخلص وامير كاعد ولاحجة تعبت اعصابي من التفكير .رحت بيت خالتي لكيتة كاعد ويخابر ويضحك فتت علي وجريت التلفون من ايدة وركعتة بالكاع لك انت شنو شنو انت .انت حياتك عمرك الجذب واني الي صدكتك همك اختك .مستقبل اختك لك شون صدكتك اني شون صدكتك .انت واحد اناني .اناني متحب غير روحك.انت لو رجال طلكني لك طلكني هسة .خلصني عاد .خلصني مخليت شي بالغرفة مكسرتة وهاي اول مرة اصير هيج عصبية هذا ابد مو طبعي .امير : جان لازمني ويريد بس اسكت ودق:ضيعتني.ضيعتني وضيعت حياتي وياك .دخلت خالتي وشافت الهوسة .لج انتي شبيج .شبيج تخبلتي شجابج انتي بعدة مريض ليش ضوجي .ودق :هديت ونزلت للكاع لميت الموبايل فوتت البطارية وشغلتة تفضلي دكي على اخر رقم وسلمي ع جنتج المستقبلية.لميت غراضي ورجعت بيت اهلي .وراهة جتني مسج منة(قتيبة) المهلةقربت تخلص كلت اذكرك ها وحصلت رقمين جديدين رقم منتظر وامير .ودق: ممصدكة الكابوس الي عايشتة حاسة كلبي رح يوكف .دزيتلة رسالة قتيبة رح اموت روحي واخلصك انت وامير مني ارتاح احسن بعيدعنكم مع السلامة.قتيبة :جنت حيل دايخ ومسطور كتلهةحتة لو متي اهلج رح يعيشون ويموتون بفضيحة بنتهم انسي تخلصين مني انسي ودق متخلصين حتى لو تموتين اني وراج التكسيات كلهم اصدقاىي وتخيلي جكد ناس يصعدون وياهم .ودق: خلص اني انتهيت ظليت كاعده بغرفتي وحتة واني رايحة للدوام .اخذت اجازة ورجعت بيومهة من رجعت شفت امير ويا بنية مشفت بس شعرهة.كلت سايق التكسي يمشي وراهم لما وصلو لبيت فاتو وسدو نزلت وظليت ادك الباب لحد مطلعتلي هاي المرة وكتها ذكرتها هاي البنية جانت جيرانا بعمان وجانت ع طول تجي عود تستشيرامير بدراستها وجانت ويانا ع نفس الطيارةمن رجعنا واني المغفلة .ودق :صيحي امير .ماموجود ودق :كتلج صيحي هسة اريدة امير وردت افوت ردت اموتة باايدي الجذاب الجبان .طلع امير وتفاجا بية .ودق شسوين هنا.ودق:شسوي هنا لك ناوية اشرب من دمك ودمها كاعد تحب وتتمعشك لك انت عمرك مصير رجال.دفعتني وكلتلي روحي منا لااتصرف وياج مو خوش تصرف الله يساعدك اموري صدك متنجرع هاي  شون جنت متحملها امشي خ نفوت ضربتها جان امير وكتها رفع ايدة وراد يضربني عمرة مسواها لا علمودي ولا من وراية بس هسة كتلتة الحمية علة هاي خليت ايدي ع وجهي .لاتمد ايدك على مرة عيب عليك كدام الناس.امير:وانت شكو شعليك شدخلك هاي مرتي.قتيبة من كال مرتي صعد الدم براسي وضربتة وضليت اضرب بي لك مرتك تتمرجل عليهة لك زنانة الة اموتك محسيت الة ايد ودق ع جتفي ودموعهة تنزل قتيبة الله يخليك عوفة بداعتي عوفة .باوعت ع عيونهة .وجانت دم وذبلانة.اخ منج من جمالك وعيونك بحر غرقت بي يامن يخلص الغركان ساعتها ضربني امير غفل والتمت الناس ووصلنا مركز الشرطة ثنينا مدماين ومحد رفع دعوة اعتبروهة حمية رجال لمرة بالشارع وودق مرفعت دعوة ع امير وطلعو واجة حسام وهمسة وشافت قتيبة مستحيل انسة شكلة من اول يوم مارتاحيتلة .وراها رجعنا للبيت والكل كاعد .امير :منتظر اني صبرت وسكت هواي وكلت بنت خالتي بس هسة الي صار بعد مااكدر اختك جايبة واحد يكتلني مو بعيدة من ورا اني انحرمت من الشهادة .بعد مااكدر اتحمل هذا شرفي وعرضي ودق انتي طالك .وطلع .ودق:شفت بعين منتظر نظرة عمري ماانساها تقدم عليه وكالي ودق هذا الكلام الكالة صدك انتي تربيتي هيج تخزيني لج تعبي وقهري عليج لج ليش هيجي لييييش .ودق:منتظر والله الشغلة مو مثل ماانت متخيل منتظر اسمعني .همسة :شيسمع ودق شيسمع مو هذا السايق نفسة جابج اول يوم.وهو نفسة وصلني وجابج بنفس اليوم بالليل كتلج تعالي اصريتي تبقين وامير كال موصلني منها شي.شتحجين لو بيوم اتاخرتي وانكلبت الدنيا عليج ونزلتي تتمخطرين بكل صلافة اسكتي ودق اخوج راد يطلكني من وراج .وراها محسيت غير راجدي ع وجهي .وكضيت العدة بغرفتي حتة اكل مااكلت مرت ٣اشهر وعشر ايام وراها اندكت الباب وجان قتيبة واكف...
💟💟💟💟