حبي الاناني

الجزء الثالث

#حبي الاناني
البارت الثالث
قتيبة:شغلت سيارتي وضليت افتر وادخن جكاير حتة نسيت اكللهم طالع شلون اطلع هاي البنية من راسي كلها ساعتين ياعالم ساعتين وياي خبلتني .جنت احجي ويا روحي بالسيارة والعالم تكلي الله يساعدك .انتبهت على روحي عزة العالم تباوع علية طاح حظك قتيبة تاليك تخبلت وتحجي ويا روحك يارب شنو الدبرة واني هيج وكعت محسيت الاسيارتي واكفة بفرعهم ومشيت اتاني مااعرف شنو الي انتظر بس وكفت والصفنة تجيب وتودي .ودق:سديت التلفون منا اجة امير وشالك حلكة ها قوقة تالي مندليتي بيتنا شنو يمعودة ظلمتيهة شكو يمعودة متسوة .ودق:باوعت علي وجكد جنت حاقدة علي بهذلتي كلهة بسببة جان وصلني الولد ومتبهذل ولادخت اني .كلي كلهة شارعين ثلاثة عن بيتكم شبساع نسيتي كتلة اولا مجنتو اسبوعين من متحولين هنا وكبل زوجنة وسافرنة ٥سنوات صارلنا والشوارع كلها مسدسدة وصبات ليش من ادك عليك مشيلة لو سدة بوجهي.امير مية مرة كتلج لادكين علية اني بالمحاضرة ودق :دكيت عليك ورا ساعة ب٣يعني خلصانة محاضراتك ليش مرديت.امير :جنت مخلي صامت مسمعت.شنو تحقيق عندك.ودق:خلاني اتعصب لك انت شنو شنو انت مفكرت بية شيصير دنيا ظهر والبلد تايه .امير:هسة شصار هياتج كل شي مابيج يلة تجين رووح.ودق:وين روح؟غير بيتنا لو تعرفين جكد شايل وصخ يحتاج تنظيف .ودق:تعرف مليت من برودك وسفاهتك اني مو رايحة باقية بيت اهلي يلة رووح سمعت صوتة عالممر .اي كولي هيج كولي انتي متعاجزة وحجة تيهت مو علينة صوجي اني صوجي ماما كلتلي هاي مو مال اعتماد جان بقيت هناك لما ترجع امي لا وفوكاهة يوصوج عليه .تلكتة امي :دتعال يااموري ياحبيبي تعال .لك ليش انتو هيج تعال يمي تعال احجي وياك.لا خالتو لا.اني اروح احسن شفتي شون تحجي علية وتصيح اني مااقبل .ودق: على الرغم من شهادة امير والمرحلة وصلها يبقى المدلل مال ماما صار على ٤بنات وحدة منهم مزوجة اخوية منتظر وعدهم ولدين ربي يحفظهم منتظر هو الي رباني تقريبا ويحبني ويعزني لان اني هم صغيرة العاىلة ودلولتها ومنتظر ع صوتة طلع من غرفته ويحجي هاي منو مزعل اموري والله. والله.وغمزلي وكرصني من خدي فديت هالضحكة فوتي حبيبتي فوتي خل اشوف دلوع خالتة شبي.حبيبي منتظر طول عمرة دمة خفيف مع انو شال هموم يابو هموم وتعب بس ويا شدتة حنية ودم خفيف .وجان كل مايشوف امير يجر خدودة لان وجه مليان ويكلة يمة فديت الخدود الزعلانة لك شبيك اموري حبيبي منو زعلك .امير :غير هاي اختك .منتظر:عيب ولك ماربيتك هيج كول غير مرتي زعلتني نزول عليهة.بلا نزول عليهة بيش زعلتك .امير :اكللهة روح للبيت عمود تنظفيه زعلت والله شنو لان مرديت عليهة .وع شنو تيهت بيتنا وظلت تفتر ورجعتبلة يرضيك .جانت امي تغمزلة انو منتظر ميعرف بتاخيرهة وفرتهة لان تيهت .هنا انكلب وجه منتظر وتحول من شخص ضريف شخص شديد :شنو يعني ودق مو انت جبتهة وعايفهة هيج مترد لك انت صدك ماعندك غيرة ولاشرف شون تعوف مرتك شوكت تتحمل المسوولية.منتظر اني عندي دراسة ومحاضرات..من خرب هالمحاضرات الي تخليك تنسى عرضك بالشارع .وبعدين مزوجك خدامة انت تنظفلك البيت تالي العصر تجي وين صايرة والبيت متروك صار خمس سنين يعني هسة اكيد مسكون .امير :منتظر لاتكولها يمعود .منتظر :امير ترة صبرت عليك هواي وكلت صغير يكبر بس هسة عيب عليك صير رجال وتحمل مسوولية.والا حسابك عسير عندي
امير :شفتي خالة اسلوب منتظر هو طلع عينهة
منتظر:اسكت واحترم لك هذولي نسوانا تاج الراس وحدة منهم تدارينا وتحبنا وتخلف النا وتتحمل تعب يابو تعب مو دتسمع مغثة وحجي زايد داري نعمتك لاطير منك بعدين.طلع ضايج .ومنتظر باس راس امي وكاللهة الله يخليج النا يوم بس ماراضي عليج ولاعلى اختج على هاي الزواجة الكشرة .رايح اقري الجهال .ودق:يمة فدوة ربي يحميك حبيبي منتظر دومك ضخري وسندي ورا متوفى ابوية هو رباني وكبرني ومجان راضي ع زواجي بس امي وخالتي اللييسامحهم قنعو وزوجنا داىما امي تحجي علية تكلي لادخلين اخوج بمشاكلك ويا زوجج الي بي مكفي وهمسة هم طول الوقت تضوج من صير اشكالات بينهم.باوعت علي من فوك واستلمتني همسة خو انتي هسة ارتاح كلبج متكولين وين يروح هسة وطلع زعلان كلة منج خبلتي بزعلج .ودق:لاتخافين بيت الاشباح موجود خلي يروح بي.همسة:انتي صدك متستحين .وكفت من شافت منتظر.همسة مو كتلج لاطلعين من غرفتج.يلا روحي جهالج تفضلي .ودق:شايفة الي يدوسلج طرف ادوسة برجليه .انتي مو خدامة عد احد عليج تنظفين مكانج وبس وهن يجن ينظفن مكانهن كاعدات يتونسن وانتي تكربين باجر ادز وياج همسةتنظفون البيت ولاتخافين على اموري يفر بالسيارة ويرجع وين يروح .يلة حبيبتي روحي ارتاحي باسني من راسي باوعت على امي بعد رزالتهة استلمي يلة.فتت ورا شوي جتي امي وبدت تحجيلي لازم والواجب وظلت تنصح بية عاد طكيت وكلت لازم اشكي لاامي بعد مااتحمل:ماما كافي عاد كافي ترة اني بعد مااتحمل عايشة ويا واحد ماحاس بية اني مو يمة ليالي وايام دمعتي مانشفت وهو ولايمة يطلع ويروح ويا اصدقاءة واني محبوسة مو عاجبة اي شي بية لاشكلي ولالبسي ولااسلوبي حتة صوتي يكلي يزعجني لاتحجين تعرفين جكد صارمنايمين سوا اشهر يوم اشهر عايشين مثل الاخوة تعرفين شنو مثل الاخوة.ظليت ابجي امي كلتلي واني كلت تزوجين ابن خالتج عمود لايغثج اووف يابنتي اتحملي الله يسهل ويلتفت الج وصير عدكم جهال وتلتهين بيهم.ودق:ماما رح تخبليني مين يجون من الهوا ماما .يلة حبيبتي ارتاحي ومن يجي يصير خير .ودق ظليت مجطولة بالفراش تعبت من هاي العيشة وتعبت منة يوم عن يوم احس بالندم وشيفيد الندم.قتيبة :ظليت واكف وصافن انتظر شفت ولد احمراني طلع حسيتة رجلهة طلع عصبي ويدردموالة شوي يدعمني وفوكاهة كام يسب. رجعت للبيت بوقت متاخر تلكتني عيوشة :يلة تعال اعترفلي منو هاي ودق محجيت عنها ودق وخري عني لاابتلي بيج ترة ضايج واصلة عندي للستار. عيوش:متفلت اعترف.قتيبة شو وخري خلي اروح للبيت احسن اني غلطان اجيت اصلا .لا لا سكتت والله روح نام خل اجيبلك عصير يهديك .اني رايح سلميلي على امي مع السلامة تصبحين على خير نزعت قميصي احتريت ذبيتة ليورى شفت علبة العصير مالتهة ذبيته ورجعت شلتة وشفت لون الحمرة الوردية عالقصبة وكعدت واخذت نفس واحجي ويا روحي وتالي وياك قتيبة وتالي شوكت تطلع من راسي رجعت غسلت وبدلت ونمت كلت باجر الصبح انساها قتيبة وطلعها من راسك خلص مو اني الي توكعني بنية.