حبي الاناني

الجزء الاول

#حبي_الاناني
البارت الاول
قيل أن الأنانية وحبّ التملك والغيرة من أهم عناصر الحب الصادق !!!!الاهم بالموضوع انو يكون بينهم مودة ورحمة وهذا كلام رب العالمين مو كلامي اني اي شخصين رح يربط بينهم رباط الزواج بمرور الوقت رح يتالفون ويصيرون روح وحدة بس بعض الحالات يكون الموضوع مختلف ماطول عليكم بالموضوع وخليني اعرفكم بنفسي .
اسمي قتيبة عمري ٣٢ عازب كملت دراسة كلية وتعينت فترة وتركت لان جو الالتزام مو مناسبني بالمرة يمكن لهذا لحد هسة ممتزوج. من عاىلة متوسطة الحال اني الولد الوحيد عندي ٣خوات ٢اكبر مني مزوجات ولد خالتي وعيوشة الصغيرة كملت كلية ومقبلت تتعين خفت عليهة طبعا اني حالي حال اغلب الشباب بهالوكت عندي كل شي علاقات واشياء اخرى مااحب اطول عليكم جنت ماخذ الدنيا بعرض الحايط الى ان دخلت بحياتي بنية وقلبت كياني وحياتي والمشكلة مااكللكم خل اخليكم تتعرفون على هاي البنية الي اسمها ودق صح اسمها غريب اني استغربتة هم ودقت قلبي دق بيوم من الايام ركبت وياي بنية صغيرة عمرها ب٢٢سنة حلوة وخدودها جانت حمر من الحر وكاعد تمسح بعرقها والعصير باايدهة نسيت اكللكم اني اشتغل تكسي بسيارتي وبالسيارة اشكال الوان بنات يصعدون وياي وبالسوالف اجيب ارقامهم واسوي علاقات بس هاي البنية حيرتني واول مرة يصير بية هيج .
ودق:السلام عليكم .ممكن توصلني هالعنوان بلا زحمة.
قتيبة :ماشي .كالتلي عالمنطقة بس شكلها متندل وظليت اسالها وهي حايرة شجاوبني طلعت تلفونها وخابرت .الو.امير اني مااندل بيتكم وين بالضبط بدون مقدمات رد عليه امير: ودق اني بالمحاضرة هسة. انسد التلفون ورجعت دكت جان مغلق حسيتها مثل الطفل متيه امه متعرف شون رح تتصرف باوعت عليهة بالمراية وحاولت امتص انزعاجها .كتلها انتي اول مرة تجين هنا كالتلي هواي جاية بس قبل السقوط بس هسة الشوارع كلها صبات وتغير علية المنطقة وهم متحولين جديد انتظر خل اذكر بلكي اندل ظلينا بالساعة نفتر واني طبعا مكيف مااريد تنزل نطب بفرع نطلع من الثاني المهم حسيت توترها زاد .كتلهة زين ماكو احد ثاني ممكن تتواصلين ويا يدلينا .
ودق:للاسف الكل مسافرين بعدهم مرجعو من قبل السقوط سافرنا للاردن وبقينا هناك ومن رجعت كل شي متغير عندي يعني جنتي عايشة برة .حسيتها ضاجت من سوالي .ودق: اخوية دوختك اني احسن شي نزلني هنا وخل انتظر على ميجون واخابر .قتيبة:لاشلون الدنيا ظهر والمحلات كلها مقفلة شون انزلك بالشارع حاولي تتصلين مرة ثانية بلكي تحصلين .ودق:دكيت على امير وظل يدك ومشالة لااكثر من مرة حسيت بالاحراج وهذا الولد انشتل وياي وهو على باب الله .قتيبة:ظمت تلفونها وشكلها ضاجت واخذت سكتة 😥واني صدك ضجت بنية بعمرها متندل اي مكان ودنيا ظهر لازم احد وياها مو هيج عايفيهة وحدهة اقترحت عليها اوديها مكان تندلة ثاني كتلها اذا عندك احد تعرفي ممكن اوصلك .
ودق :جنت تعبانة حيل وضايجة والولد كانو انتشلني من الضياع ليش مااجة بالي بيت اهلي اروح جني تيهت كل شي بسبب امير .جاوبتة للولد اي بدون زحمةعليك وديني لااهلي ودليتة.قتيبة:لمن كلتلي اهلي تفاجات اذا اهلهة بنفس المنطقة شنو يخليها تروح بهالظهرية بيت مابي احد غير هذا الولد الي خابرتة جبرني فضولي اسالها لعد ليش مكلتي من اول روحي لبيتكم احسن ليش البهذلة عليج .ودق:مااعرف راسا حسيت بسوء الظن بعيونة وجاوبتة لان هذا بيت اهل زوجي صار شهر من رجعنا من السفر واليوم اول يوم طلعت ويا وبالرجعة تيهت.
قتيبة :هنا جانت صدمتي جبيرة كانو احد ضربني على راسي وجاوبتهة بتعجب انتي متزوجة!ودق:اي نعم مزوجة وهذا زوجي خابرتة. وصلتهة لبيتهم ومبين عليهم عائلة متمكنة شكرتني وفاتت لبيتهم وسدت الباب ظليت واكف دقايق من الصدمة وبعدين شغلت سيارتي ودا اتحرك ويا فرة السيارة شفت بالمراية الجانبية طلعتلي.حسيت بفرح رجعت عليهة كتلهة خير امري نسيتي شي.
ودق:اني اسفة نسيت انطيك الكروة وشكرا الك تعبتك وياي .حسيت بخيبة امل .بس كتلهة اذا حبيتي اخذي رقمي واذا احتاجيتي توصيلة خابريني .بس مشايلة تلفوني .بعفوية .انت سجل رقمي يمك .حسيت بسعادة من كلتلي .ماشي ردتلي رقم واني بعدني اباوع عليها وعلة خدودهة الوردية ووجهة البري وتفاصيلها حتة صوتهة بي رنة دك بكلبي دك رجعتني سنين سنين .مشيت واني عيني بالمراية وهي داخلة وحسيت شي داخلي تجاها مع انه هي مو الي . ودق:اليوم كان متعب حيل ومحصلت شي غير اني بهذلت هذا الولد وياي الله يخلي لااهلة .اسمي ودق عمري ٢٢سنة خريجة ادارة واقتصاد يمكن زواجي بعمر صغير خلاني محدودة الفكر والحركة اصلا حياتي كلها رسموها الي امي وخالتي من جنت صغيرة وهم يكولون ودق لاامير وامير لودق وكبرت واني مبالي غير هاي الفكرة كبرنا ونفس الشي ماشي بس حماس ابن خالتي جان اقل من حماسي وزواجه مني بس تنفيذ رغبة اهله صار ٥سنين مزوجين ماعدنا اطفال لان ميريد شي يااخرة عن دراستة ورا زواجنا اكتشفت انو شخص مجرد من المشاعر الحياة عندة جد بجد دراسة طلعات بعثات مااكول انو مهتملي هواي وهسة تغير هو هو بس ورا محصل الماجستير كام ينتقد كل شي بية موعاجبة شي بالنسبة الة اني مو ظمن مواصفاتة جنت احس بالتقيد بكل تصرفاتي ولبسي ردت ارضي واصير مثل ميريد بس هو مو عاجبة مو عاجبة اي شي بية كمت حتة مااروح ويا لان طول الوقت يظل ينتقدني وينشغل بااصدقاءة واظل وحدي وهو هم ملح وعجبة هذا الوضع وحياتنا صارت مملة وروتينية مابيها اي طعم ولامعنى بس بالنهاية هذا زوجي وابن خالتي وامي دايما تكلي خليج ويا هسة يلتفت الج رغم شكواي الهة بس هي مجانت تقبل فكرة كوني مطلقة وماكو اسباب فعلية (شنكول للناس ليش طلكت من ابن خالتها البطرانة)وظليت علة هالمنوال وسنة جر سنة واني نفس الحطة .يتبع