سم بجرعات لذيذة

السائق الجديد

🌹  Part Three  🌹               

     
زهراء دخلت للغرفة وهي تحجي وية روحها :

إلا اندمك يا حقير ألا اخليك تتمنى ما نخلقت بهالدنيا وما شفتني يا حيوان اني اشوفك انت منو واني منو..........

احمد بغرفتة.....

اني ليش هيج سويت 😥😥
اوووووو هي تجلطني عبالك بس هي انسان والباقي حشرات شكد حجت ام علاوي عليها بس متوقعت لهدرجة شايفة نفسها،،

هو هذا العندة أهل يا أحمد ليش انت وعيت لا اب ولا ام وجد وخوالك همهم الوحيد تجيب فلوس حتى لو تبوك حتى لو تقتل المهم فلوس طبعا هي بأهلها تزامط.............

بس لا  ،،   أهلها ع نفسها وألا اربيها  ،،   لك دكافي لخاطر هالرجال إلي ماقصر وياك بشي خل تولي وعوفها،،،

اي احمد خلي تولي  ...   لا ونوب نخدعت بضحكتها وطفولتها طلعت وحدة.....

اوووووو يا أحمد كافي لف راسك ونام......................

(صار الصبح وأحمد راح لشغلة مثل كل يوم وابو علي وام علي ودعوا زهراء واجة السايق مال أهلها أخذها وراح)

زهراء وصت نهى تجيبلها قصة أحمد كاملة من يوم الي نولد بيه لليوم........ "" """""

ونهى ما قصرت أخذت المعلومات الكاملة عن أحمد من ابوها إلى جان يشتغل أكبر قاضي جنايات عرفت زهراء اصل احمد ومنين جاي وشيتغل وأول خطوة سوتها بأحمد هي بطلتة من الشغل بعد ما هددت المدير العام اليشتغل عندة أحمد أنه يبطلة بس المدير ابد ما وافق إلا أن هددوه بأحالته من منصبه

***********************************

بعد مرور شهر.........................................

احمد يدور ع شغل ومحد يقبل يشغلة أو يشغلوه يوم ولباجر يبطلوه ابو علي احتار من هالشغلة إلي دتصير بأحمد حتى اصدقاء ابو علي شغلوه لأحمد يومين ويبطلوه والسبب مجهول.....

ابو علي وام علي وأحمد كاعدين ودايخين بسالفة احمد...........

ابو علي :
ولك حمودي سالفتك مو خالية بابا انت متحارش بأحد عالي (والعالي الله)

احمد:
ياعمي هو اني مو على ايدك كاعد يمك راح تصير سنة شفت مني شي لو عندي أحزاب لو منتمي لحزب من البيت للشغل ومن الشغل للبيت الله وكيلك.......

((مسطورين الجماعة من هاي السالفة العجيبة وفززهم صوت التليفون مال ابو علي........))

ام علي:
والله فززني هالتليفون هذا

ابو علي:
الو.. هلو زهورة شلونج

((انتفض احمد من مكانة وراح لغرفتة ويحجي وية نفسة.......))