انــا بـنــت ذلـك الـفـقـــيــر

الــبــارت الــســابـع عــشـر

هيام : خليتها بدفتر الذكريات و گعدت اقرا

سمر : خلصنا محاضرات و طول اليوم بالي ع هيام

: ادري ليش ما اجتيتي صدوك ضعت بالكلية بدونج وينج اني اعلمج باجر

علياء : انتبهتي لغزوان اليوم مو ع بعضه

رنا : والله ماعرف شنو عاجبه بيها

علياء : ولج بنات الفگور حظهن گاعد

رنا : لو اعرف افصلها من الجامعة و اشوف الحظ شلون يگعد وياها

علياء : لا تهتمين انتي اصلا الف واحد يتمناج لحد هسه نص ولد الجامعه صارحوج

رنا : بس گلبي يريد واحد

علياء : اووو الحب عيني

رنا : و انتي معقولة ماعندج منا منا
علياء : ليش عيني ربي وحد اكيد عندي

رنا : هااا طلعتي سكوتية

علياء : يعني مو حب حب بس عاجبني كولش
رنا : و منو هذا
علياء : بارق هيج شخصيته مخبلتني لو عيونه الصفر الوساع رنا اخاف اباوع بعيونه

رنا : بارق اختيار حلو بس مبين عليه ميلين و عندج ميادة وياه وياه

علياء : عادي زميلته ماشوف بيناتهم شي

رنا : صار سنتين لازكتله برائيج هيج في سبيل الله لازكه بي

علياء : اعرف بيها بس هو ماعتقد يحبها مثل مگلتي ميلين لو اكو شي جان ارتبطوا من زمان  والله يا رنا ضيقتي صدري بكلامج

رنا : ماقصد بس حجيت الي اشوفه

هيام : داومت ثاني يوم الجو جان كولش حلو غائم جزئي طبيت كالعادة اول الناس گعدت بمقعدي و بدوا يجون اشوي اشوي

سمر : اول مطبيت متلهفه شفتها ركضت عليها و ضربتها ع جتفها

وجع و سم

هيام بابتسامة : شكو شبيج
سمر : وينج البارحه اشلون تعوفيني ضل بالي تدرين ضعت ضعت حتى ماكلت شي متكولين اشلون اعوفها وحدها هاااا

هيام : انطي مجااال

سمر : احجي

هيام : مطر و مالي خلگ

سمر : و بس
هيام : لاا .. صارلي ضرف بس الحمدلله

سمر : شصار
هيام : وگع سگف الغرفة

سمر : شنوووو اسم الله خوما احد اتاذى

هيام : لا الحمدلله محد .. بس ساعدت امي انطلع الغراض ..فما اجيت للكلية

سمر : ياعمري الحمدلله ع سلامتكم گلبي جان حاس اكو شي لان انتي ممسويتها قبل و غايبة

هيام : الله ستر فاتتني محاضرات مو
سمر : بس اثنين  مفاتج شي لا تبجين بوجه الله
كوليلي شخبار الوردة

هيام : نايمة ابيتنا

سمر : ادري معرفتي منو صاحبها مبين اي نشاط عاطفي حولج

هيام :  اني بالبيت اشمدريني يعني قابل يجيني بالحلم

سمر : هم صدوك اذا ماراقبت كل ولد القاعه الا اطلعه .. هاي اذا ماطلع غزوان الي البارحه من الصبح للظهر هو گالب خلقته و مقهور

هيام : ليش؟

سمر : يعني ليش؟  اكيد لان الحب مالته غايب

هيام : هاي اشلون اذا هو

سمر : و لا لون ننتظر النهاية

هيام : بدت المحاضرات قلقت منه هواي راح يسببلي مشاكل لا الها اول و تالي

استاذ يعرب : طلاب خلال ماتعلمتوا العام الماضي و هذا الكورس اهم شي في المحاماة شخصية المحامي امام القاضي قيافته لباقته دوافعه ثقافته و الجرأة

فـ راح نبدي من باجر نظام عملي تكون محاضرتي بشكل محكمة ع سبيل المثال  بارق ابني تعال گبال زملائك

بارق : طلعت وكفت يم الاستاذ و جتفت ادية ليگدام و اباوع عليهم

الاستاذ : مثلا بارق المحامي و اني القاضي  المطلوب من بارق يدافع عن متهم  واجبكم تقيمون دفوعات بارق كمحامي و شخصيته .. مفهوم طلاب

غزوان : استاذ يعني نجهز قضايا و نترافع

استاذ يعرب : بالضبط

سمر : و اشبي المحامي هيج واگف و عاقد حواجبه

هيام : مركزة وية الاستاذ عجبتني فكرة العملي اتحمست الها
ابتسمت ضبطت حلگي ماريد اضحك ماكو شي متعلق عليه ضربتها بعكسي

سمر : آااي لج دشوفي شلون واگف

هيام : باوعت ع بارق و حلكي مبتسم من ور سمر رأسا انتبه عليه و خلة عينه بعيني
اختفت الابتسامة من وجهي و اني اباوع بعيونه

جمدن عيوني اريد اسحبهن منه ماكدر لا عيوني رمشت و لا عيونه  گلبي گام يدگ سريع لدرجة گامت يوجعني عيونه تلمع

بارق : واگف و الاستاذ يشرح ثبتت نظري ع الولد بالمقاعد الخلفية انتبهت عليها شدتني لا اراديا
غابت الاصوات عن ذهني و الطلاب . عبالك القاعه فارغة بس هي مگدرت اشيح بنظري عنها سيطرت علية

دنگت راسها رجعت باوعت ع الاستاذ دا اثبت ذهني تشتت حاولت اسيطر و اكون ثابت مردت احد ينتبه احس حيلي يرجف خيل ربكتني

هيام : دنگت نفسي ضاق حرارتي صعدت كولشي بيا تخربط ايدي اباوع عليها ترجف و الاصوات حولي ماسمع شي و لا اشوف شي. عقلي تشوش ماسمعت غير صوت سمر

سمر : هيام

هيام : ها

سمر : وايواي  منا و غاد راح نصير مضحكة بهاي المحاضره عيشي و شوفي  سمعتي الحضور اجباري ... هذا الاستاذ ميتفاهم ماسوني

هيام : صدوك شلون حظ

بعد مشلت عيني ابد احس دخلت بغيبوبة لمدة دقيقتين و رجع وعيي
رجع بارق من فات من يمي دمي نشف من خطف من يمي ...