انــا بـنــت ذلـك الـفـقـــيــر

الــبــارت الـرابــع عــشــر

هيام : اريد ابجي  سمر لزمتني باوعت عليها

(بهدوء و نبرة حزن ) يستهزئن بية

اجة ابالي ابوية و فرحته بية البارحه منو هذني و هسة يستهزئن بية

سمر : وجهها نشف دمه صار اصفر ..اني من يمي احترك دمي

هياام

هيام : و كمت وكفت فتحت جنطتي فارغه بيها بس 100 دينار خمسين دينار بخمسين  دينار  اخذتهن بيدي و مشيت رحت عليهن گاعدات بدم بارد يباوعن علية و يضحكن ..  احس بداخلي قوة اريد اهدم الكاع جوا رجلي بكل خطوة

رنا : خليتيها بمكانها علو حتى تعرف مقامها و شنو هي ...! تصحى ع روحها

علياء تضحك : شفتي حتى مكدرت تحجي حرف

رنا : شتحجي قابل تنكر حالها و وضعها
اجتج الخاتون
 
هيام : وصلت لمقاعدهن وبيدي ال 100 دينار خليتهن بكل قوة ع مقاعدهن گبالهن بحيث كف ايذي وجعني من الضربة هن بقن صافنات

: هاي مية دينار بصراحة ملكيت غيرهن بالجنطة
كروتي اخذتهن الصبح من ابوية

تعرفن بعد بنت فگر  كولش فگر .. تدرن استحيت الصبح من اخذتهن من ابوية لان جانن اخر مية بجيبه
اشوفهن هواي من اخذهن منه مو قليل تعبه و اجي اخذه حتى اصعد سيارة و هو يروح مشي لشغله
بست ايده من اخذتهن منه
شايفات ايده؟
ما اعتقد شايفات هيج ايد ...؟؟!
امتشگگه من تصليح الثلاجات ضايعة معالم ايده من الجروح و التعب
و ماطلب شفقة بشر  و ماخجل من نفسي و لا استعير من ابوية لان فقير

رفعت صوتي و عيوني دمعن من بديت احجي بابوية

هذني مية دينار فلوس حلال هدن حيل رجال فقير يلله حصلهن .. هاي الفلوس الي يلزمهن يتطهر من كل حقد  .. بيهن عرگ گصة ابوية ..
و اذا اكو احد يستحق الشفقه هنا فهو انتن .. اعتبرن كروتي صدقه مني الجن يمكن تتطهر نفوسجن

عفتهن و مشيت

سمر : بجيت من بدت تحجي و الكل يسمعها و ساكت
هيام الي تستحي توكف گبال الطلاب و تشرح موضوع بسيط تستحي توكف ع سبورة و تكتب حرف
بلحظة وگفت گبالهم كلهم و بقوة افتخرت بالفگر الي يعيروها بي منين متفوت

هيام : وصلت للباب وگفت و درت عليهم كلهم

هاي اني بنت الفگر عرفت من وين جني فلوس ابوية
و انتو ...؟
  تعرفون من وين جتي فلوسكم .؟؟؟؟ عرگ يا گصة و تعب يا ايد بيهن

طلعت امشي بس احس العبرة تريد تاخذ روحي اريد اشلع حنجرتي بقيت امشي بالحديقة و ابجي
اريد اخذ نفس ميجي احس صدري انقبض ... كعدت يم الصفصافه

سمر : اخذت جنطتها و كتبها و طلعت شفتها كاعده بنفس مكانة رحت عليها كعدت يمها
بقيت اباوع بوجهها و هي تمسح بدموعها اجاني شعور احظنها
حظنتها كامت تبجي بهدووء بحظني

: جنتي اقوة من الگاع الي مشيتي عليها قبل اشوي افتخرت لان صديقتي

هيام : بالموت لزمت دموعي كدامهن و احجي كبرت عشرين سنة و اني احاول امنع دموعي سمر

سمر : هاي قوة حقه ابوج يفتخر بيج ارفعي راسج و مسحي دموعج انتي حجيتي بفخر

هيام : گلبي وجعني ع ابوية ما وجعني علية والله 

غزوان : كمت ع رنا و علياء

: هذا التصرف مامقبول

رنا : ليش محجيت شي  صديقتنا و نريد نساعد بيها شي

غزوان : مو هيج و انتن تفهمن قصدي كلش زين

علياء : هذا شي بيناتنا محد يتدخل

غزوان : بصفتي ممثل القاعه اتدخل و هذا تصرف ممقبول بالقاعه اذا يتكرر ارفع بيجن تقرير للعماده

رنا : فور دمي كمت وكفت بوجهه

غزوان لتتخذ مركزك بالقاعه حجه مفهوم و ارفع تقرير و اذا

امشي علياء و اتركي هاي الزباله ع المقعد خلي تجي تاخذهن الممثله البارعة

احمد : هذا المشهد الصار شايفه بالافلام 

بارق : من بدت لحد ما انتهت اني صافن افكر بكلامها من وين اجة غنانا فلوسنا قصورنا سيارتنا
حجت كل الي ابالي اريد احصل فلوس اعرف مصدرها
هي حجت شي داحجي لامي لابوية بس محد يفهم؟

: احمد منو بينا بايس ايد ابو؟

احمد : هاا ؟؟؟

بارق : ماتذكر اني بايس ايد ابوية...
احمد : هو منو بايس ايد ابو هنا .. هاي سوالف ماتلكيها بعالمنا بس عدهم

بارق : كل العدهم حب نقي ينطوا مشاعر صادقة اما احنا نتعامل بس بالفلوس حتى المشاعر نشتريها
احنا جديرين بالاستهزاء

غزوان : احس نص الاذية الي دتواجهها هيام بسببي وصلت بية الحال اكوم اتدخل بس جان ساءت الامور اكثر
لو مو هالفارق الطبقي يا هيام جان مخليت بشر منهم يمسج بحرف بس اي خطوة مني تجاهج اذية الج والي
كل الي اريده انتي .. شصار لو جنتي بنت غني؟؟ 
ضاقت علية اريد فرصه بس  فرصه .. اريد الدنيا تنطيني فرصه 
اخذت فلوسها و خليتهن ع مقعدها

هيام : ماحضر محاضرة اخيره ماكدر اكابر و ادخل القاعه و لا كأنو صاير شي داخلي مهدوم و ماريد اشوف وجه بشر منهم اخذت جنطتي و كتبي منها و گمت

سمر : هاي وين

هيام : للبيت

سمر : بعد محاضرة

هيام : تعبانه اريد اطلع من الجامعة اختنگت

سمر : لا عيني شلون تروحين و انتي بهاي حالتج

هيام : لا تخافين بعد الصار ماكو شي اسوء يصيرلي

سمر : مشيت وياها لبوابة الجامعة و رجعت

هيام : بقيت امشي ماحس بروحي بس وين متروح رجلي اروح  المهم امشي و ماوگف افكر بحالي
تعدي همومي و تگضي مثل ما تگضي هالدنيا