اشونكم حبايبي ومتابعيني ♥️ ان شاءلله الكل بخير ..
اعتذر عن التاخير بكتابه القصه رجعتلكم وراح اكملها بس بالهجه العراقيه بدون فصيح حتى لايشتت تفكيركم بالقراءة وياارب تعجبكم
الساعه ١١ باليل
شهد كاعدة لوحدها وتفكر بمصيرها ويه خالد دائما الشك والغيرة موجودة بحياتهم لان تصرفات خالد اتغيرت من سكنو اربيل ضلت ماتفهم عليه ولايسولف وياها وكله طالع ودائما الموبايل بيده وشهد تحبه وتغار عليه وخصوصا هو حلوو والبنات تنجذب اله واربيل انفتاح بس كلما تساله ويه منو تحجي يتعصب عليها وتصير مشاكل وبدا يتغير ويضوج يكعد حتى بالبيت فقررت اتسولف ل كريمه على الي صار وتشوف شنو تنصحها
خالد : شهد اشبيج اليوم صافنه وابنج يبجي ماتنيميه ضوجنه
شهد احجي وياااج !!!؟؟؟
شهد : هلا خالد اعذرني جنت افكر بخالتي كريمه حييل مشتاقتلها جنت من اضوج اسولف وياها وتخفف عني هسه صح اسولف ويه ديمه بس خطيه تعبها الحمل بعد ماوصلت للاشهر الاخيرة ربي يتمم عليها وتولد بالسلامة
خالد : اي والله كلامج صحيح انا هم مشتاق الهم ، شتكولين لو نسافر للبصرة شهر نشوف الوضع ونرجع بلكت احصل شغل ؟؟
شهد : يااريت نفسيتي تعبانه اريد اغير جو
خالد : هالاسبوع نضبط امورنا والله كريم
انتقاله الى سيف وديمه 😘
ديمة : حبيبي سيف شنو نسمي البنوته الي راح تجي 😍، يالله منتظرتها بفارغ الصبر اشون راح تطلع تشبه منو
سيف : اريدها نسخه منج فديتج حبيبتي ربي يفرحنه بيها انا اقترح نسميها (جنى )
ديمه : حلو الاسم حبيته ، اريد عيونها عسلي نفس عيونك وشعرها اسود هم عليك ههههه
سيف : ديمه
ديمه :ها عمري عيون ديمه
سيف : احبج ❤️
ديمه : ياروحي اموووت بيك
ديمه : سيف احس عندي تقلصات ابطني قوية مااعرف معقولة انا نهايه السابع
سيف : ارتاحي حبيبي نامي بلكت هسه اتصيرين احسن
ديمه : سيف انا خايفة وامي مو يمي ومامستعده لكل شي
سيف : انتي بس هدئي ولاتخافين
ديمه : اااااه اااااااه سيف الحك عليه بعد مااتحمل 😣 خلي اروح ع اقرب مستشفى
سيف : اروح اكوول ل شهد تجي ويانه
سيف : شهد شهد تعالي بسرعه ديمه كلش متخربطه ومااعرف اشبيها خلي نوديها مستشفى
شهد : ان شاءلله خير هسه البس عبايتي ونروح خلي اخذ الها غراض خاف كلشي يصير
سيف : يالله راح اخذ ديمه بالسيارة انتظرج
خالد : شكو شهد شنو صاير ليش انخبصتو ؟؟
شهد : ديمة تعبانه راح ناخذها ع المستشفى
خالد : اجي وياكم يالله امشي
شهد : لا ابقى انت يم زيد مااكدر اخذه وياي ياذيني بالمستشفى
خالد : اذا هيج ابقى لعد بس طمنيني على اي شي يصير وياج
شهد : ان شاءلله يالله اروح خطيه ينتظروني بالسيارة
ديمة تتوجع وتصرخ باعلى صوتها 😔 وسيف خطيه مرتبك وخايف عليها حييل واخيرآ وصلو للمستشفى حالة ديمة مستعجلة نقلوها صالة ولادة شافتها الدكتورة كالت عدها توسع 3 اصابع مابقي شي ويصير عدها ولادة 😧 اتفاجأت شهد ، دكتورة بس هي بعدها مو شهرها نهاية السابع
ردت عليها الدكتورة هذا امر الله ادعيلها تولد بالسلامة
ديمة تبجي وينج امي لاتخلين ابحدي والله احتاجج حييل يااااربي
والالم يزيد
ركبولها مغذي والالم لحضة بعد لحضة يزيد الى ان وصل توسع اربع اصابع
اخذتها دكتور غرفة الولادة وبعد معاناة جابت البنوته ولكن بصحة غير جيدة 😞 واخذوها الى غرفة الخدج حتى ديمة ماشافتها
ديمة وعلى وجهها ملامح التعب اريد اشوف بنتي وينها جيبوها
شهد حمدلله ع سلامتج حبيبتي ان شاءلله تشوفيها بس ارتاحي
بقت ساعتين بالمستشفى بعدها سمحولها بالخروج بس تبقى بتها بالخدج لان الرئة غير مكتمله عدها ووضعها حرج تتنفس بالاوكسجين
ديمة تبجي وهي تشوف بتها من بعيد وتتالم عليها اتمنت تاخذها بحضنها لوقت اكثر وتشبع منها بعد ماتعبت بالحمل والولادة
سيف اخذ ديمة للسيارة وهو يبتسم بوجها حتى ترتاح ويمسح على راسها حبيبتي الف الحمدلله ع سلامتج ويارب نفرح بالبنوته ان شاءلله تطلع بالسلامة لاتخافين
كريمة تتصل ع شهد
الو اشونج شهد طمنيني ع بنتي ديمة اشونها وصوتها ماينفهم من البجي
شهد : هلا خالتي الحمدلله ولدت بالسلامة بس البنيه بالخدج
كريمة : يم حبيبتي ديمة هسه اشون حالها ع بتها وانا مو يمها لازم اركب طيارة واكون يمكم
شهد : ان شاءلله خالتي بس لا تاذين نفسج مو زين عليج ربي يطمنج عليها وانا يمها ان شاءلله اهتم بيها ومااقصر وياها
كريمة : ادري بيج وردة ماكو منج ماتقصرين بوسيها الي باجر اكون يمكم ان شاءلله مع السلامة
شهد : مع السلامة خالة
وصلو للبيت شهد وسيف وديمة فتح خالد الباب وعليه ملامح الدهشة والخوف اشونج
اختي حبيبتي الحمدلله ع سلامتج بس البنية وين
ردت ديمة بصوت مبحوح من التعب
بقت بالمستشفى
خالد : يارب يباركلكم بيها وتطلع بالسلامة لاتخافين بس ارتاحي
YOU ARE READING
يوميات عائله عراقية 2
General Fictionالسلام عليكم .... تكلمت روايتي في الجزء الاول عن يوميات عائلة عراقية بسيطه تعيش لحظات فرح ولحظات حزن وحياتهم مستمرة ... ولكن في هذا الجزء سوف اتكلم عن معاناة تغير حياة هذه العائله معاناة ليس لهم ذنب بها عاشوا قصة نزوح مؤلمه لم يتوقعوا بيوم من ال...
