#في صباح اليوم التالي
استيقظت بكل حماس ونشاط من اجل لقائه لبست تنورة باف لونها اسود وفيها ورود حمراء وقميص احمر وجعلت شعري مسندلا جانبيا ووضعت بعض الكحل والايلاينر والماسكارا وبعض احمر الشفاه ولبست الكعب الاسود..
رششت عطري المفضل (كالكسي) ثم خرجت من المنزل متجهة للجامعة ..
____ محمد
استيقظت باكرا لكي اذهب للقاء حب حياتي نور تلك الفتاة التي سلبتني قلبي وعقلي بطفولتها وحنانها وجمالها الرقيق
وها انا في طريقي للجامعة ...
نرجع لنور
بعد وصولي للجامعة دخلت وانتظرته في الكافيتريا مر نصف ساعة ولم يأتي !
اتصلت به واجابني بصوته الذي بت اعشقه
_صباح الورد نورايتي وين انتي هسة حدخل للجامعة
_صباح النور اني كاعدة بالكافتيريا متانيتك
_اوك مسافة الطريق وتلكيني كدامج
_اوك باي
_باي
اغلقت الهاتف وقلبي كان ينبض بسرعة بعد ربع ساعة تقريبا دخل هو بشكله الجذاب والانيق كان جميع الفتيات ينظرن له شعرت بألم كبير في صدري وفرحة في نفس الوقت للقائه تقدم نحوي وجلس امامي
_مرحبا شلونج (قالها بتعجب قليلا )
_مراحب الحمد لله شبيك هيج تباوعلي
_ههه لاماكو شي بس والله اكول هنيالي علة هالجمال
_شكرا (قلتها مبتسمه بخجل )
تكلمنا قليلا وتذوق الكيك الذي اتيت به له
_اممممممم تجنن نور عاشت ايدج مجنت متصور هيج اكلج طيب ههههه
_بالعافيه هههه
_اكول نور اكو شي اريد احاجيج بشغله بس متزعلين وتوعدني مراح تفرقنة (قالها وهو يبعد الطبق اصبح قلبي يخفق بشدة )
_اي تفضلووعد انه مراح ازعل
_صراحة نور اني صارلي اكثر من سنه ونص اعرفج انتي شنو واعرف اخلاقج بس جنت مأجل الشغله علمود تلتهين بدراستج بس هسة اجه الوكت الي اكولج بي احبج نور اني احبج من اول يوم شفتج بي حبيت كلشي بيج ووعد انه راح اسعدج ..
((وتلك الكلمه التي اوقفت العالم كله ))
_بس
_بس شنو اني احبج انتي متحبيني !
_صمت لبرهة واجبته واني همم
_وانتي شنو
_واني همم احبك
_ياروحي انتي شوفي نور اريد اكلج انه لازم تاخذيلي موعد ويه اهلج لان اني ماريد نبقى اكثر من هيج
كاد قلبي اني يتوقف من شدة الفرح اعتدلت بجلستي وقلت له انشاء الله يصير خير
_حبيبتي استعجلي كون اليوم مو باجر هههه
ابتسمت ثم قمنا لنتمشى في الجامعة مسك يدي للمرة الاولى شعرت بأن جيبيني يحترق من شدة الخجل كما انه لاحظ ذلك
وقال لي _ انتي ويايه ماريدج تخجلين او تخافين من شي
هذا خجلي عندما قال لي ذلك اكملنا سيرنا في الجامعة ......
مرحبا للكل من بعد غياب طويل رجعتلكم وهذا الي طلع ويايه لان مكاعد تطلعلي افكار عله هاي القصه وانتظروني بروايه جديدة ,,
ČTEŠ
حب حياتي
Romanceربما عجزت روحي أن تلقاك وعجزت عيني أن تراك ولكن لم يعجز قلبي أن ينساك.. إذا العين لم تراك فالقلب لن ينساك.
