جودا وما زالت مصدومه:طارق!!!
لم تصدق فانه طارق صديق جلال الذي يقف
مع نور وهذا المكان هوا الديسكو الذي ذهب جلال اليه من قبل
:جودا معقول يكون جلال شاف نور قبل كده كمان
ثم اقتربت قليل حتي تسمع ماذا يقولون
نور:وحشتني اوي يا حبيبي
طارق:وانتي اوي يا روحي معلش يا حبيبي بئه اتاخرت عليكي
نور:ولا يهمك يا حبيبي يلا ندخل
طارق:يلا
دخلو هما الاثنان وكانت جودا ستدخل ورائهما ولكن توقفت فكيف
ستخون مبادئها وتخدل مكان كهذا المكان الدنئ
رجعت جودا وهيا تتمشي الي المنزل وتبكي
انها لا تحب اختها ولكن هيا بالنهايه اختها وخوفها عليها
امر ليس بيدها
دخلت جودا وسمعت صوت استوقفها
سميه:انتي يا زفته تعالي هنا
جودا بملل:عايزه ايه
سميه:انا عايزه افهم بئه بقالك يجي شهر تقريبن بتخرجي كل يوم بتروحي
فين
جودا بسخريه:بشتغل عشان محتجش للي يسوا والي ميسواش
وقالت كلمة ميسواش وهيا تنظر علي سميه
سميه بعصبيه:ويا ترا بقه بتشتغلي ايه
جودا:وانتي مالك
سميه:لا يا حبيبتي فوقي مهو لو بتشتغلي تصرفي علي نفسك بقه
لكن انتي واكله شاربه نايمه ببلاش ومبتدفعيش حاجه من جيبك
جودا بعصبيه:وابويا الي مرمي في المستشفي مش انا الي بدفع مصاريف علاجه
ومصاريف جمعتي وكتبي مش انا الي بدفعها
سميه:ومن الحظه دي هتدفعي كمان ثمن اكلك وشربك ونومك
:جودا ماشي يا سميه وانا موافقه
ثم ذهبت الي غرفتها لا كاد تتحمل هذه المراه اكثر امنية حياتها ان تخنقها
انصدمت جودا عندما دخلت غرفتها ان غرفتها ليس بها اثاث
اختفي السرير والكرسي والاريكه والمكتب حتي دولابها فقط ملابسها علي الارض
نزلت جودا بسرعه وهيا في قمة عصبيتها
جودا بعصبيه:فين اثاث الاوضه
سميه ببرود:بعته
جودا:ليه
سميه:مش لسه قايله انك هتدفعي مصاريف نومك خلاص اشتريلك اثاث
جودا:وهوا انتي كنتي دفعتي حاجه من جيبك ما بابا هوا الي دفع
سميه:وانا وباباكي واحد وفلوسه هيا فلوسي
جودا:بعتيه لمين
سميه:للنجار ده الي جنبنا
جودا واقتربت من سميه:ايدك تتمد علي باب اوضتي تاني هقطعهالك
وذهبت بسرعه الي النجار دون ان تنتظر منها رد
جودا:ارجوك يا عم عبده رجعلي الاثاث وخد فلوسك
عم عبده:يا بنتي بقالك ساعه بتترجيني وقولتلك لاء
جودا:يا عم عبده انا لو مخدتش الاثاث هنام علي الارض
عم عبده:بشرط
جودا :ايه
عم عبده:تدفعيلي ضعف الي انا دفعته
جودا:وهوا حضرتك دفعت كم
عم عبده:ثلاث الاف
جودا مصدومه:يعني المفروض اديك ست الاف
عم عبده:بالظبط
جودا باحباط:عن اذنك سلام
رجعت جوداالمنزل وهيا تشعر باحباط كبير ووجدت جنا واقفه تنتظرها
جنا: جودا وحشتيني
جودا :وانت كمان
جنا:متزعليش من ماما وتعالي نامي جمبي
جودا:لا يا حبيبتي مينفعش انتي ونور في اوضه واحده ومامتك مش هتوافق انام
في اوضتكم روحي انتي وانا هتصرف
دخلت جودا غرفتها وهيا متعبه القت بنفسها علي الارض ونامت
في الصباح التاني الساعه الرابعه كانت جودا نائمه وسمعت هاتفها يرن
جودا وهيا ترد بتثاقل:الووو
جلال:كل ده نووم
جودا :انت مين
جلال:انا جلال
جودا:جلال مين... اه جلال في ايه بتتصل عليا بدري ليه
جلال:انا عندك تحت في البيت
جودا طيب
ثم انصدمت عندما سمعت ما قاله:بتقول ايه
جلال:الي سمعتيه
جودا:وايه الي جابك عندي
جلال:عايز اروح الشركه ومش لاقي حد يوصلي
جودا وهيا تذهب الي البلكونه وراته وهوا راها:الشركه معادها سته اصل
جلال وهوا ينظر اليها:طب خلاص هروح افطر فا لازم تيجي تحرصيني
جودا وهيا تنظر في الساعه التي ترتديها:الساعه اربعه وانا حراصتي بتبدء خمسه
جلال همممم طب هقولك تعملي حاجه من غير ما تقوليلي ليه
جودا:قول
جلال:خلي عقرب الساعه يجي علي خمسه
استغربت جودا ولكن نفذت كلامه:ماشي عملت كده
جلال:دلؤقتي الساعه خمس دقيقه واحده والاقيكي قدامي
جوداجنات بعصبيه:رخم انا نزلالك اقفلت معه ودخلت
ابتسم جلال على عصبيتها ولبست جودا سالوبيت وعليه جاكت
ولبست سورتيت علي شعرها ونزلت
جودا:اديني جيت اهو
التف جلال وهوا ينظر الي شكلها الطفولي البرئ:ماشي يلا سوقي
:جودااوانت عرفت عنواني ازاي
شوفت الملف بتاعك لما جيتي تقدمي الوظيفه
جودا:اوك
فتحت جودا الباب الخلفي ولكن لم يدخل جلال
جودا ما تدخل
جلال:انا عايز اركب قدام
جودا:اشمعنا
جلال عربيتي وانا حر فيها اركب في المكان الي يعجبني
جود:الهم طولك يا روح
ثم فتحت الباب الامامي:اتفضل
جلال :ولا اقولك غيرت رايي خليني ورا احسن
تعصبت جودا واقفلت الباب بشده
جودا:افتح انت لنفسك الباب انا هركب
لا يدري جلاا لماذا دائمن يحب ان يرا عصبيتها
ركب جلال في الخلف
جودا:تحب نروح فين
جلال:مش عارف
جودا:اومال انا الي هعرف
جلال:خلينا نروح محل الكشري
:جودامش ده هيوجع بطنك
جلال خلينا نروح انا عايز اروح
:جودا ماشي
ذهبت جودا الي محل الكشري الذي يفتح مبكرا
واشتري جلالل طبق واحد
جلال:اقعدي
جودا مينفعش عشان انا بشتغل عندك
جلال:والمفروض برضه تسمعي كلامك
جلست حودا
جلال :يلا كلي
جودا:وانت مش هتاكل
جلال :لاء
جودا:اممم ليه
جلال :حاسس ان نفسي اتسددت فغيرت رايي
جودا:ماشي وبدات جودا بالاكل وبعد دقيقه واحده انهت الطبق
جلال فتح فمه علي اخره:لهفتي الطبق في دقيقه يا مفتريه
جودا وهيا تخمس في وجهه:الله اكبر
جلال :خلينا نروح الشركه دلؤتي
جودا يابنى الساعه خمسه
جلال :طب هنعمل ايه دلؤقتي
جوداجلال انت صحتني ليه طلاما مش عايز تروح في حته
جلال ارتبك:كنت عايز اخرج وخلاص وبعدين مترغيش كتير
جودا ماشي
وقبل ان يخرجا استوقفهما صوت
انسه جودا
التف جلال وجودا
جودا باستغراب:دكتور شريف!!!
شريف:اذيك عامله ايه
جودا:انا الحمد الله كويسه وانت اخبارك ايه
شريف:انا الحمد الله كويس بس اظاهر انك اخدتي بنصحتي
جودا:ههه مش عارفه اشكرك ازاي
شريف:طبعا مش ناسيه معادك بعد يومين متتاخريش عليا عشان بقفل بدري
لان مواعيدي مش ثابته
جودا :ان شاء الله حاضر بس مكنتش اعرف انك بتصحي بدري كده وبتيجي هنا
شريف:انا دايما بحب اصحي بدري وافطر كشري
كان جلال يراقب المحادثه وحس بعضبيه
جلال :احنا مش هنمشي بئه ولا ايه
جودا اه طب عن اذنك
شريف:اتفضلي
ذهبت جلال وجودا
جلال :مين الواد ده
جودا:ده دكتور شريف
جلال :وايه النصيحه الي انت اخدتيها منه ومعاد ايه الي بيتكلم عليه
جودا:مش ملاحظ ان دي خصوصياتي
جلال انا بس سالت بدافع الفضول
جودا:ماشي
وبعد ساعه ذهبو الي الشركه
جلال ووقف وسط الموظفين وبجانبه جودا
جلال :جماعه ممكن تسمعوني
انتبه الجميع الي جلاال
جلال ممكن كلكو تتفضلو في مكتبي عشان عايز اوريكم حاجه مهمه
الموظفين:تمام حضرتك
نظر جلال لجودا بابتسامه وغمز لها لم تدري جودا لماذا ولكن قلبها دق بسرعه وتوترت
عندما راته وهوا يغمز لها كان يبدو وسيما حينها دخلو هما الاثنين
وورائهم الموظفين
جلال :حضرتكم انا ناوي اعمل فكرة مشروع جديده نعوض بيها خسارتنا
انا عارف ان الخساره كانت كبيره بس مينفعش ان احنا نستسلم
وبدء جلال بعرض الفكره وظل هذا الاجتماع لساعتين كاملتين
جلال:كفايه كده يلا اتفضلو
وبعد ان ذهبو
جلال :تفتكري هيحصل
جودا:مش خسرانين حاجه وادينا بنجرب
رن هاتف جلال
وكانت هايدي المتصله
جلال الووو ايوه يا هايدي اذيك
هايدي بتمثيل:للدرجاتي هونت عليك حتي مصلحتنيش
جلال ولم يستطع سماعها:الووو استني هفتح السبيكر اظاهر في مشكله في الصوت
وفتح علجلال السبيكر:كنت بتقولي ايه
هايدي:كنت بقول اني للدرجاتي هونت غليك متصلحنيش
سمعت جودا كلامها وتضايقت لا تدري لماذا فا همت بالخروج حتي لا تكون مصدر ازعاج لهما
وقبل ان تفتح الباب لاخره
جلال جودا استني
وقفل جلال لباب حتي لا تخرج جودا
هايدي بعصبيه:هوا انا كل ما اكلمك الاقي معاك الزفته دي
جلال بحده:متقوليش عليها زفته انتي فاهمه
هايدي:هوا انا للدرجاتي مبقتش فارقه عندك
جلال :هايدي هكلمك بعدين
جودا:انا همشي
جلال :استني رايحه فين
جودا :ممكن اروح الجامعه اخد من صحبتي المحاضرات
جلال :ماشي يا جودا بس تجيلي بعديها
جودا بابتسامه بريئه جعلت قلب جلال يدق بسرعه:ان شاء الله
وذهبت جودا الي الجامعه
:جوداوحشتيني اوي يا هند
هند:وانتي كمان اوي يا حبيبتي
:جوداها جبتيلي المحاضرات
هند:اه اتفضلي
جوداولاحظت علي صديقها شئ غريب:انتي في حاجه عايزه تقوليها
هند:امم بصراحه شريف كلمني انهارده وقالي انكو اتقابلتو وطلب مني اقولك تجيله انهارده
عشان عايز يقولك علي حاجه
جوداباستغراب:وهوا عايز ايه
هند:لما تروحي هتعرفي
جودا:شكلك عارفه ومخبيه قولي هوا قالك عايز مني ايه
هند:معلش اصلو محلفني مقولكيش روحيله دلؤتي وانتي تعرفي
جودا:ماشي:سلام
هند:سلام
ذهبت جود االى العياده
ودخلت عنده
جودا:السلام عليكم
شريف:وعليكم السلام اتفضلي اقعدي
جودا:هند قالتلي انك عايزني وانا هموت واعرف عايزني في ايه
شريف متوتر: بصراحه انا سالت عليكي وعرفت اد ايه من هند انك انسانه محترمه
ومن اول ما شوفتك انشديت ليكي وانشديت ليكي اكتر لما عرفت قصتك مش عارف اقول كده ازاي مكسوف اقول كده لكن
جودا باستغراب:لكن ايه
شريف:تتجوزيني؟؟
