كنت بربيك بس بدون مدري حبيتك يا مجنونه كتابه انوثه زاحفه

٢٢

طلعت لاتين وقلبها يدق طبول لبست عباتها وتلثمت احتياط عشان العيال ما يطلعون بوجهها

طلعت من الفله حقت الحريم وشافت رائد واقف ينتظرها 
اللتفت رائد يوم شم ريحة عطرها ناظرها وابتسم :ترا الشباب راحوا ينامون عشان بكرا نمشي بدري يعني ماله دعي تتغطين
لاتين فكة اللثمه : طيب بغيت شي
رائد ناظرها مستغرب :ايه بروح انام وباخذك معي اجل اخليك تمشين بالمزرعه لوحدك
لاتين :ترا البيت بوسط الزرعه قريب من الفله مو بعيد 
رائد مد يده : ولو يله تعالي 
لاتين مدة يدها بارتباك ومسكت يده رائد يوم مسكت يده ضغطها بخفيف
لاتين :رائد 
رائد بهدوء : عيونه
لاتين انحرجة : اممممم اذا معليش اذا رجعنا بكرا بروح مع امك للسوق
اللتفت رائد : خلاص انا بوديكم
لاتين بسرعه : لالا بنروح لوحدنا
رائد وهو رافع حاجب ومنزل الثاني : وليه ان شاء الله
لاتين بارتباك : ااا لا بس بشتري اشياء خصوصيه
رائد : اها امم وما ينفع اشوفها يعني
لاتين هزة راسها بمعنى لا
رائد : اممممم اجل طيب روحي بس لا تطولين 
لاتين ابتسمت : شكرا 
كانت تفكر بداخلها حياتها تغيرت صارت تضحك وتبتسم كثير صارت تمزح وهي من قبل البرود مستحل كل ملامحها 
شافت ناس وعالم ثاني غيروا فكرتها عن حياتها حتى وليد احلامها فيه قلت عن قبل وعت على رائد وهو يوقفها
لاتين مستغربه : وش فيك
رائد وهو يطالعها مستغرب : وجهك
لاتين بخوف وهي تتحسس وجهها :وش فيه
رائد :ارجعي ابتسمي
لاتين مستغربه : ليه
رائد :ابتسمي وبس
لاتين ابتسمت :هاه وش فيه
رائد : اوووووو اول مره الاحظ ان عندك غمازات وواضحه بعد 
لاتين طيرت عيونها : اللحين البنات بالجامعه كانوا يقولون اانها احلى مافيني وانت ما انتبهت
مسكها رائد مع خصرها وقال بصوت هادي : مو بيدي عيونك دماااااااااار شتت انتباهي
لاتين انحرجت وبتصرف : اي صح رائد انتوا ما عندكم بالمزرعه حيوانات يعني حصان او ارنب او بطه
رائد : ههههههههههههههههههههه ياحلوا اللي تصرف يا ناس 
لاتين ابتسمت بفشله

عند شخص طار منعينه النوم (محمد)
محمد بداخله : اجل البنت اللي اليوم جنى
تذكر موقف بعد ماراحت جنى
(محمد بصوت واطي :علي علي تعال 
علي : هلا والله ابو حميد امر تدلل كلي لك
محمد بصوت واطي : ما بيك يا مال الجرب
علي ناظره من فوق لتحت : نعم عد وش قلت
محمد : ما قلت شي اقول علوي حبيبي انت من البنت اللي لابسه وردي 
علي ناظره بخبث : منتب احسن من رعد ومد يده 
محمد عطاه 300:تكفيك
علي :رعد عطاني الف 
محمد طير عيونه :وليه يعطيك الف
علي ارتبك عرف انه لو فتح افمه عن رعد يوم يسأل عن لاتين انه بينذبح : ايه لا بس هو دايم اذا بغى يسأل عن اي احد يعطيني الف
محمد زاده 200 :تبيها ولا انقلع 
علي :لالا خلاص البنت هذي يا طويل العمر جنى بنت نايف 
محمد : اهاا 
وناظر علي :يله انقلع ولا تعلم احد اني سألت
دق علي صدر :ابشر 
وراح بركض )

محمد وهو يفكر بفراشه : يعني تصير اخت خالد والله انها جناان 
سكت شوي وكأنه تذكر شي فز من فراشه وقال بصوت عالي شوي : يعني ذي اللي خطبها رعد
ورمى نفسه بالفراش بقوه :لا ياربي ما تكون هي 
غمض عيونه بقوه : ياربي ماتكون هي اذا كانت هي يلعن ابو الزواج ما راح اتزوج لو ما اخذتها