لهيب الحب

الاخيره ج1

قصة لهيب الحب
الحلقه الاخيره الجزء الأول 32
بتمني تعجبكم دايما 😍
بتمنالكم قراءة ممتعه 😍
______________________________________________
في غرفة مخصصه من الفيلا لاسيل لكي تحضر نفسها الي حنتها الليله

وغرفة اخري من الفيلا مخصصة الي سندرا لكي تجهز نفسها ايضا الي الحنه
_____________________________________________
في غرفه اسيل........

اسيل ومعها لميس تقوم بمساعدتها
لميس بابتسامة: ذي القمر يا سيلا

اسيل بضيق: ذي القمر ايه بس، انتي مش شايفه الفستان عامل ازاي

كانت اسيل ترتدي فستان باللون الازرق وعلي شعرها تاج فضي وكان الفستان بحمالات رفيعة جدا ولا يصل الي ركبتيها وشعرها المنسدل علي ظهرها

لميس بضحك: والله قمر يا سيلا انتي مش شايفه نفسك في المرايا
اسيل بضيق: لو حد شافني كده هتبقي مصيبة

لميس بضحك: يا بنتي متنسيش ان محمد عامل ملحق في الفيلا وقال ان هناك هيكون الستات بس علشان الحنه وكمان تقدري تلبسي ذي ما انتي عايزه

اسيل بغيظ: انتي السبب يا لميس، قولتلك بلاش الفساتين القصيرة دي

ثم فتح باب الغرفه فجأه وكانت سندرا ووراءها نيره

وكانت ترتدي فستان احمر كب وفوق ركبتيها وشعرها كان علي جانب واحد وكانت في غاية الروعة

اسيل بخضه: ايه يا سندرا في حد يدخل كدا

سندرا بضيق: انا مش عايزه البس الفستان ده

نيره بنفاذ صبر: يا جماعه انا بقنع فيها من بدري وهي مصممه انها تغير الفستان علشان كب وكمان فوق الركبة

لميس بضحك: ذي صاحبتها بالظبط، يا جماعه الحنه كلها بنات وستات بس، ممكن بقي تنزلوا علشان الناس مستنيانا

اسيل وسندرا باستسلام: ماشي

نزل البنات الاربعه الي الملحق المخصص لليله الحنه
والجميع من النساء انبهر بجمالهم لانهم كانوا كالاميرات

وكان الملحق من الفيلا بعيد عن الكاميرات المراقبة حتي لا ينزعجوا النساء لكن الممر الذي يؤدي الي الملحق كان سري ومحصن بالكامل
______________________________________________
اما في مكان متخفي عن اعين الماره..........

جعفر: ايه يا باشا هنعمل ايه دلوقتي، احنا قلبنا الفيلا كلها علي البنات دول ومش لاقينهم

معتز: مش عارف انا متاكد انهم في الفيلا بس انا لحظت ان في كاميرات كتير علشان كدا مش عارف ادور في كل الغرف

ثم جاءهم صوت احمد: ها يا اسطوات خلصتوا ولا لسه

جعفر بارتباك: اه بصراحة يا بشمهندس معظم المكيفات عايزه شغل