Unicode
**********
The Origin Part 4
"မေမေ.. သားဒီနေ့ မြို့ထဲက မီးထွန်းပွဲတော်သွားချင်တယ်.. သွားလို့ရမလား.."
ဧည့်ခန်းထဲတွင် စာသင်နေတုန်း ရှိုင်းက မိခင်ဖြစ်သူကို ပူဆာလိုက်တာဖြစ်သည်။
အခု အေဗာ နေထိုင်နေသော Avalon City ဆိုတာ စပျစ်သီးတွေထွက်ရှိသော မြို့ဖြစ်သည်။ ထို့နောက် စပျစ်သီးနှင့် ဆက်စပ်လုပ်ငန်းတွေဖြစ်သော စပျစ်သီးJam ၊ စပျစ်ဝိုင် နှင့် စပျစ်သီးခြောက်လုပ်ငန်းတွေလည်းရှှိလေသည်။
ဒါကြောင့် စပျစ်သီးပေါ်ချိန်တွင် မြို့သူမြို့သားတွေက ပျော်ပွဲရွှင်ပွဲတွေ ကျင်းပကြမြဲဖြစ်လေသည်။ မီးထွန်းပွဲတော်ဆိုတာ ထိုပျော်ပွဲရွှင်ပွဲတွေထဲမှ တစ်ခု။
ရှိုင်းသိတတ်စ အရွယ်ကတည်းက မိခင်ဖြစ်သူသည် ရှိုင်းကို အပြင်ကိုတစ်ယောက်တည်း ပေးမထွက်ပေ။ ထွက်ရရင်လည်း မိခင်နှင့်အတူသွားရသည်။
ရှိုင်း ကျောင်းလည်း မတက်ရပါ။ အေဗာက အိမ်မှာပင် ရှိုင်းကိုစာသင်ပေးတာဖြစ်သည်။ များသော အားဖြင့် သင်ပေးတာက စုန်းကဝေတွေ အကြောင်း။
ဒါကြောင့် ရှိုင်းတွင် သူငယ်ချင်းလည်း မရှိ။ မိခင််သည်သာ ရှိုင်းရဲ့ တစ်ဦးတည်းသော သူငယ်ချင်းပင်ဖြစ်သည်။
အပြင်လောကကြီးနှင့် ရှိုင်းကို အဆက်အသွယ်ဖြတ်ထားသည်ဆိုတာထက် အပြင်လောကကြီးက ရှိုင်းအကြောင်းကို သိသွားကြမှာစိုးတာဖြစ်သည်။ ဒါကြောင့် သားဖြစ်သူကို ဘယ်သူနဲ့မှ အေဗာ အတွေ့မခံနိုင်ခဲ့တာဖြစ်သည်။
အခုလည်း မီးထွန်းပွဲတော်သွားချင်သည်ဟု ပူဆာလာသော သားဖြစ်သူကို အေဗာ လိုက်ပို့ပေးချင်သော်လည်း မဖြစ်နိုင်ပါ။ မီးထွန်းပွဲတော်ကိုရောက်ရင် သေချာပေါက်ကို ရှိုင်းက ပျော်နေတော့မှာဖြစ်သည်။ ထိုအခါ ရှိုင်းဆီမှာ အလင်းရောင်တွေ တောက်လာမည်မှာ အသေအချာ။ ပျော်ရွှင်စိတ်ကို မထိန်းချုပ်နိုင်ရင် ဖြစ်ပေါ်လာမည့် အကျိိုးဆက်တို့ဖြစ်သည့် ရှိုင်းရဲ့ ခန္ဓာကိုယ်မှ အရောင်တွေ လင်းလက်လာခြင်းကို မီးထွန်းပွဲတော်လိုနေရာမျိုးတွင် ဘယ်လိုမှ အေဗာ ကာကွယ်ထားလို့ရနိုင်မည်မဟုတ်ပါ။ ကြယ်လေးအရောင်လင်းလက်တာကို Supernatural Creatures တွေနဲ့ စုန်းကဝေတွေမှ အပ သာမန်လူတွေ မျက်လုံးနှင့် မမြင်နိုင်သော်လည်း မတော်တဆ စုန်းကဝေတစ်ယောက်ယောက်များတွေ့သွားခဲ့ရင် မားကပ်စ်တို့ဆီကို ချက်ချင်းသတင်းရောက်သွားမှဖြစ်သည်။
ΔΙΑΒΑΖΕΙΣ
Star Love (I)
ΦαντασίαςYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
