အေဗာ့ကိုပွေ့ချီရင်းပြေးနေရသဖြင့် နိကိုလပ်စ်မှာ အသက်ထွက်မတတ်မောပန်းနေပြီဖြစ်သည်။ ခြေလှမ်းတွေကလည်း တဖြေးဖြေးနှင့် နှေးကွေးလာပြီဖြစ်သည်။
ပြီးတော့ တောနက်ကြီးထဲတွင် အလွန်မြင့်မားသော ထင်းရူးပင်တွေမှအပ ပုန်းခိုစရာ ဂူပေါက်များ ခြုံပုတ်များလည်းမရှိပေ။
ဒီအတိုင်းဆက်ပြေးနေလို့ကတော့ နှစ်ယောက်လုံးကို ဖမ်းမိတော့မှာဖြစ်သည်။ ဒါကြောင့် ကလေးလေးနှင့် အေဗာတို့ ဘေးကင်းစေရန် နိကိုလပ်စ်တစ်ယောက် အာရုံလွှဲရတော့မည်ဆိုတာကို နားလည်လိုက်သည်။
ကံကောင်းထောက်မစွာပင် စီတန်းပေါက်ရောက်နေသော ထင်းရှူးပင်များကို ကျော်လွန်ပြီးနောက် ကြီးမားလှသော ညောင်ပင်ကြီးများရှိသော ချိုင့်ဝှမ်းလေးတစ်ခုကိုတွေ့လိုက်ရလေတော့သည်။
ညောင်ပင်ကြီးများမှာ ကြီးမားလွန်းလှပြီး ကြီးမားလှသော သစ်ကိုင်းများနှင့် အရွက်များမှာလည်း အုပ်ဖြာနေသဖြင့် လူတစ်ယောက်ကို ကောင်းကောင်းကာကွယ်ထားနိုင်လေသည်။
ဒါကြောင့် နိကိုလပ်စ်သည် အေဗာကို ပွေ့ချီထားရင်းကပင် အကြီးမားဆုံးသော ညောင်ပင်ကြီးအောက်ကိုသွားလိုက်သည်။
ထို့နောက် အေဗာ့ကို ခဏချထားလိုက်ပြီး ညောင်ပင်ကို မော့ကြည့်ကာ ပါးစပ်က တစ်စုံတစ်ခုကိုရွတ်ဆိုလိုက်သောအခါ ညောင်ပင်ပေါ်မှ အရွက်များစွာ အုပ်ဆိုင်းလျက်ရှိပြီး ကြီးမားလှသော သစ်ကိုင်းကြီးတစ်ကိုင်းက မြေအောက်ကို ရှည်ထွက်ဆင်းသက်လာလေတော့သည်။
ပြီးတော့ မတ်တပ်ရပ်နေသော အေဗာ့ရှေ့တွင်လာရပ်လေသည်။
"နစ်ခ် ဘာလုပ်တာလဲ.."
အေဗာက အထိတ်တလန့်မေးလေသောအခါ နိကိုလပ်စ်သည် အေဗာကို ပြုံးပြလိုက်ပြီး အေဗာမျက်နှာပေါ်ရှိ ချွေးစလေးများကို ယုယစွာသုတ်ပေးလိုက်သည်။ ထို့နောက် ကြောက်လန့်စိတ်ကြောင့် တဆတ်ဆတ်တုန်နေသော အေဗာ့ရဲ့ လက်ဖဝါးလေးနှစ်ဖက်ကို ဆုပ်ကိုင်အားပေးလိုက်ပြီး ပြောလေသည်။
"ကိုယ် မားကပ်စ်တို့ကို အာရုံလွှဲပြီး တစ်ခြားနေရာကိုပြေးမှဖြစ်မယ်... ညောင်ပင်ပေါ်မှာစောင့်နေလိုက်နော်... မင်းကိုသူတို့မမြင်နိုင်အောင် ကိုယ်လုပ်ထားလိုက်မယ်..."
YOU ARE READING
Star Love (I)
FantasyYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
Chapter (2)
Start from the beginning