قانون الحب

الحلقة الرابعة عشر(54)

غادة:لا لو النظام كدا مافيش مشاكل بس حلبة مصارعة

قاسم:دا علشان انا وسارة لما بنتدرب بصي لفي انتي براحتك وانا هدخل اجهز العشا

غادة:اوكى وايه دوول

قاسم:ديه اوض النوم بقا والحمام والمطبخ وعادى لو دخلتي يعني عن اذنك

غادة تحركت وشاهدت المكان لكنها لم تدخل الغرف وذهبت الى المطبخ وجدت قاسم يسمع اغاني وهو يقوم بإعداد الطعام وهاجمتها ذكرى

فلاش باك

غادة:حبيبي بيعمل ايه في المطبخ وسايبني قعده مع ممتك برا

الشخص:بعمل العشا يا قلبي لان البت سالى لسه مجتش

غادة:مش هي الكبيرة خلاص

الشخص:اااه هتعملي زيها بقا وتقعد تقولي انها الكبيرة والفرق بينا خمس دقايق يعني

غادة:برخم عليك العشا ايه بقا انا جعانة

الشخص(كاد ان يمسك يدها):تعالي شوفي بنفسك

غادة:تؤ احنا قولناا يه

الشخص(ابتسم):ماشي يا ستى

باك

عادت غادة للواقع وجدت قاسم يمسح الدمعة الحارة التى تمردت ونزلت على وجنتها نظرت في عينه وهو كان ينظر في عينها ثم ابعدت وجهها عن يده

قاسم:اسف مقصدش

غادة:مافيش حاجه عادى انت مطول ولا ايه انا جعانة

قاسم:لا يا ستى خلصت تعالى شيلي الاطباق معايا

غادة:كمان ماشي ماشي

حملو الاطبقا سويا وجلسو على طاولة بالخارج

غادة:البيت حلو اوى علي فكرة

قاسم:عملته انا وسارة سوا

غادة:وسهر كانت عايشة معاك هنا بقا لما اتجوزتو

قاسم:اها ايه اللى حصل بقا

غادة:مافيش وبعدين مش هتسبني اكل ولا ايه

قاسم:ماشي يا ستى

تناولو الطعام واتى قاسم بكوبين شاي واشعلت غادة سيجارة

قاسم:الشاى

غادة:تسلم ايدك

قاسم:مش هتحكيلي بقا

غادة(اخذت نفس قوي):مافيش افتركت موقف معاه مش اكتر

قاسم:ايه اللى خلاكى تفتكريه

غادة:لما شوفتك واقف في المطبخ افتكرت لما كنت عندهم في البيت وسابني مع ممته ودخل يعمل العشا قاسم انا مافيش حاجه بتحصل حوليا مش بتفكرنى بيه طيفه حوليا صوته نفسه صورته كل حاجه الحب دامطلعش غير وجع وبس