قانون الحب

الحلقة الثانية عشر - حادث

سهر:هنخرج بليل يا حبي

سارة:استني لما اقدم الاجازة الاول

سهر:لا يا فالحه مش هتهربي احنا هنخرج ولما نخلص خروجنا هتكون الساعه سبعه الصبح تروح تقدمي اجازتك

سارة:سهر انتي كدا هتبوظي نظامي اللي ماشيه عليه بقالي سنين

سهر:يا ستي لحد ما ابدأ في البرنامج الجديد هو في حد فيكم في اجازة

يوسف:انا

سهر:حلو اوي تحب تيجي معانا

يوسف:مافيش مانع

سارة كانت ستقتل سهر لكنها امسكت نفسها

سهر:اخبار قاسم ايه صحيح

سارة:كويس

سهر:لسه معفن

سارة:لااااا دا بقا حاجه تانية خالص

سهر:مز

سارة:بالنسبالك انتي اه

سهر:يعني ايه تقصدي ايه

سارة:انتي زوقك غير زوقي في الرجاله الله يرحم فارس

سهر:لا ديه كانت وكسه

سارة:اه مهو باين

فريد:بس حلوة علاقتكم ببعض بقالكم على تواصل طول السنين ديه

سهر:الله اكبر انت هتقر ولا ايه

فريد:لا لا مبقرش ولا حاجه

سهر:مالك يا عم بهرج قوليلي يا سوو ايه الاماكن الموجوده دلوقتي نسهر فيها

سارة:معرفش دوري على النت

سهر:سارة انتي مكنتيش بتخرجي خالص وانا مسافرة

سارة:كنت في الشغل

سهر:قوليلي بقا بتعملي زي ما بشوف في الافلام وتقبضي على مجرمين وكدا وبطارديهم

سارة:تعالي شوفيني من اسبوع كنت واخده رصاصه في دراعي ومطوه في بطني وقبلها سيخ حديد دخل في رجل وانا مخطوفه

سهر:اوبا اتخاطفتي والواد اللي خطفك كان مز ولا لا وحبك وكدا ولا لا هاه هاه ويا سلام لو دخل ولاقي حد من رجالته بيحاول يتعدى عليكي وراح قتله بقا

سارة فتحت عينها بصدمه

سهر:ايه مالك مصدومه كدا ليه يبقا حصل صح طب وهو فين دلوقتي

سارة:وربنا انا ما حكتلها حاجه انتي عرفتي ازاي

سهر:هاه من المسلسلات طبعا احكيلي اللي حصل

سارة:سهر اخرسي بطلي تفاهه

سهر:طب هو فين

سارة(نظرت ليوسف):معرفش

سهر:اوكى يعني محولش بعدها يظهرلك وكدا

سارة:بس بقا ايه لوك لوك لوك اصبري براحه احكيلي انتي بقا على 3 خطوبات اللي باظو