Oops! This image does not follow our content guidelines. To continue publishing, please remove it or upload a different image.
Medyo manipis ang damit at may kaiklian kumpara sa mga isinusuot niyang damit pero mabuti nalang at bumagay naman sakanya ito kaya medyo nawala ng kaonti ang pagkailang niya.
"Ang ganda niyo po mahal na prinsesa.." Manghang sabi ng dalawa niyang kasama.
"Hindi naman.." Nahihiyang sabi niya sa mga ito.
"Oh.." Sabay na sabi ng dalawa.
"May problema ba?" Takang tanong niya.
"Narito na po ang mahal na prinsipe. Samahan na po namin kayo sa hapagkainan.." Sabay na sabi ulit ng dalawa.
Nangunot ang noo ni Yna dahil sa mga sinabi nito.
Paano naman nila nalaman?
Sumama pa rin siya rito kahit naguguluhan pa rin siya. Medyo nagulat pa siya nang parang bulang nawala ito sa harapan niya. Bukas na ang pintuan at natagpuan niya nalang ang mga ito na nasa labas na ng kwarto.
"Parang ang bilis niyo?" Kunot noong sabi niya riyo nangmakalabas na siya ng kwarto.
"Mapagbiro ka po pala mahal na prinsesa.." Natatawang saad ni Lara.
"Paumanhin po mahal na prinsesa.." Agad naman yumuko at humingi ng tawad si Vanessa sa inasal ni Lara.
"Wala naman sa akin iyon. Sadyang di lang ako sanay. Sadya ba talagang kayo'y mabibilis? Pansin kong maging si Lourd Marcus ay ganyan din.." Sabi ni Yna habang naglalakad na sila papuntang hapag kainan.
Nagkatinginan lang ang dalawa. Si Lara ay pinipigil lang ang tawa habang tahimik naman itong pinapagalitan ni Vanessa.
Nagsimula nalang tumingin tingin sa paligid si Yna dahil mukhang hindi siya nito sasagutin ng may kaayusan. Napansin niyang napakalaki pala talaga ng mansion ng kanyang mapapangasawa. Sobrang taas ng kisame at may ilang magarang ilaw na nakapabitin sa mga ito. Malawak rin ang bahay at malaki ang hagdanan sa gitna. Ngayon niya napagtanto na sobrang layo ito kumpara sa toreng kinalakihan niya.
"Mahal na prinsesa dito po.." Turo ni Vanessa.
"Salamat.." Sabi niya rito.
Pansin niyang kanina pa sila naglalakad. Masama rin pala kapag masyadong malaki ang bahay. Paano na lamang kung ako'y magutom? Ang layo ng komedor mula sa aming silid.
Mga ilang hakbang pa ang ginawa nila bago tumigil ang kanyang dalawang kasama.
"Mahal na prinsesa hanggang dito nalang po kami.." Rinig niyang sabi ni Lara.
"Bakit?" Takang tanong niya rito.
"Ayan na po ang hapag kainan." Turo ni Lara.
"Hindi niyo ba kami sasaluhan na kumain?" Tanong muli ni Yna.
