Half Blood Academy (School Of Half Bloods)

Chapter 2: Forgiven

"Okay, okay, sorry, pero sabihin mo sa akin kung ano ang bumabagabag sa 'yo dahil hindi mo iyon maiitatago sa akin."

"Gusto ko ng makipag-ayos kay Kill," I admitted. Tumingin ako ng deretso kay Mom, pero hindi siya nagsalita at mukhang hinihintay niya akong ipagpatuloy ang sinasabi ko. "Natatakot ako na lalo pang lumala ang galit niya sa atin. Hindi niya naiintindahan kung bakit tayo nagsinungaling sa kaniya. Kaya gusto ko siyang puntahan at ipaintindi sa kaniya kung bakit natin 'yon nagawa."

"Bakit hindi mo siya kausapin tungkol sa mga bagay na 'yan?"

"Mom, natatakot ako."

"Natatakot saan?"

"Natatakot ako na baka mas lalong niya lang hindi maintindihan kapag nagpaliwanag ako. Na baka lalo lang siyang magalit at barahin niya lang ako." I know my li'l sister very well.

"Zack, hindi mangyayari 'yon. Nagsinungaling tayo sa kapatid mo kaya ang gusto niya ay katotohanan, gusto niyang marinig mula sa atin ang katotohanan. Anak, hindi pa rin naiintindihan ni Kill kung bakit tayo nagsinungaling sa kaniya, basta ang nasa isip niya ay nagsinungaling at sinungaling tayo."

"Tama ka Mom. Paliwanag ang gusto ni Killy, at ako ang kuya niya kaya kalangan kong tatagan ang loob ko at harapin ang kahihinatnan nito. Sigurp naman, magiging maganda ang resulta nito. Right, Mom"

"Tama anak. Always think positive."

Niyakap ko siya. "Thanks Mom, salamat sa pagpapalakas ng loob ko."