نوافذ الشعر الشعبي مجموعة قصايد من شعراء العراق

احمد عاشور ( عباس وديتلك بيد الفراشات اعتاب)

الشاعر احمد عاشور

وديتلك بيد الفراش تراب
من يوصل اتذكر الوجه العفته..
كالولي تقريبا نساج ورديت.
اي ينسه روحه جفوفه مو ينسه اخته..
عباس خلصت النجم وين انت..
اني ادري ترجع ماتظل بس يمته...
وكالولي طاح وكلت بس مو عالكاع..
الندى يطيح على الورد شايفته..
عاتبته بس مو من صدك ردته يكوم..
لامن قلب ولسان ما عاتبته...
يا احلى شاب بديرتي وابسط شاب..
التربه و شفايف علي مطرزته...
نوم العوافي يلوكلك يامن جان..
طيفك يمرني وكاعد بصفة انته..
من تمشي يتباهه السحاب الفوكاك..
من توكف تراضي التراب الدسته...
عباس مشتاقتلك بكد عباس..
بكد حيرتي و ليل البرودة الضكته..
اتغطه بس شيفيد اعرفك بردان..
قلبك بكد السما بس حافظته..