الشاعر عبد الحسين الحلفي
لا تصفن ترة تنزف الصفنات
وجرح الصفنة ما عاش اليضمدة
شوف السدة رغم اتعاند الماي
بس الماي ظل شابگ السدة
امر اعليك رگبة اتمر علي سيف
اوتريد ابلاية دم سيفك احدة
ردت مدة وية غيرك حتى انساك
اكو غيرك شفت بس ماكو مدة
ويا مدة التفيد اوگلبي مشلوع
ورغم مشلوع وانت اتعيش عندة
احبك واجب واكرهك ممنوع
اشوفك مو حلو بس عيد ارسمك
اسولف وية اهلي ابغير موظوع
اهلي اتخبلو لان جبت اسمك
احسك مدري شنهي ابين الظلوع
اگطعت نفسي وعلي تفرض اشمك
اتلوة من سمك حقي موجوع
وما ترظالي اتلوة من سمك
اوتطشرني ابحقد واتگلي اشاقيك
وافرح با الشقة والتم واظمك
