30
مروان كان ظاهر عليه الفرح...يوسف:مروان أنا مراضيش بهاد الزواج او راه غير الواليد لي قرر راسو هادشي ...مروان:(تصدم)كيفاش مالك واش ماباغيش نتا هاد الزواح كتبان عليك فرحان ...يوسف (عاود ليه كلشي بزربة)أش بان ليك دابا...مروان:أصاحبي هادشي عندك مخربق او كريستينا مممم ..يوسف: غير سكت اصاحبي راه هادشي فاش كنفكر مهم مروان يالله ندخلوا راه ايبداو يقلبوا يصاحبوني هربت هههه او غدا فصباح راجع لندن ...مروان:ممم اوا واخا او مبروك😜
عند رنا"" لبسوها قفيطين فالخضر دارت الحناء او گاع عائلتها حداها تيباركوا ليها كلشي تي بان حقيقي...مخلاوش مجال لشك ...
عند رنا(وبعدما سالا العرس او كلشي داز كيما بغينا او أحسن گاع ودعت عائلتي بحصرة او كلشي تخلط عليا كنبكي او يوسف كيطبطب عليا قدامهم أنا بصح كنت كن بكي من قلبي معرفتش علاش وحد الحظة بعدتو عليا سلمت على ماما او خواتاتي الصغار او صحبتي أمال مقدراتش تسكت وليت أنا كنسكتها...ماما:ألاه أبنتي سيري الله يفرحك تهلاي فراسك او فراجلك ...أنا: هئ هئ إنشاء الله أماما دعي معايا ...جا بابا عنقني او رضا عليا ...عمي كذلك ودعت كلشي يالله بغيت نطلع عيطات عليا أمال...رنا رنا..أنا:نعام مالكي أ امال (مزال دموعي فعيني )
أمال:شوفي راه نسينا شانطة لي فيها حوايجك من غير لي حطينا ليك..
أنا:أه مشي مشكيل ياعني الاخرة فيها ...
أمال:(مهبطا راسها)لا فيها غير لي شوميز دو نوي ...
أنا:أويلي يالمسخوطة ياك وصيتك او نتييي أش هاد الفعايل مالي مزوجة بيه بصصح تفو عليك...
أمال:راه كوثر (بنت خالت رنا)هي لي دارت ليك هاكا
أنا:سيروا أنا أش بغيت ليكم...قاطعنا يوسف واش غانباتوا هنا...أنا:سيري نتي فحالك حسابي معكم هو الأخر غدا جيبي ليا الفاليز أخرى حيت مزال تالغدا عاد تخرج البطاقة ديال الجواز ديالي...نشوف كي غادي ندير...
عند يوسف (ملي سالا العرس لاحظت رنا متأترة بزاااف او بقات تتبكي حسيت دموعها صادقين معرفتش واخا حنى غير كنبينو ليهم بلي راضيين ولكن أنا كنقرب ليها كنحس بقلي تي ضرب على جهدوا بقيت متكيها عليا حتى بعدات عليا...تودعنا مع كلشي حيت غدا غادين فالعشية حيت جواز د رنا غدا عاد يخرج ليها فصباح...كنا طالعين حتى عيطات ليها أمال بقيت تانتسنا فيها او حاضيهم كنشوف رنا تعصبات او صحبتها حادرة راسها تعطلات عيت ليها باش تجي بمعنى راه بغينا نطلعوا ...تودعات مع أمال او جات بخطوات متسارعة او كتعكل مع القفطان ههه كدير تصرفات طفولية او معصبة كتبان غزالة او عويناتها مع لونهم زرق صافي او باقي حمرين بالبكا كملااات )
#يتبع
VOUS LISEZ
مسرحيتنا أصبحت حقيقة
Romanceقصة رمانسية تجمع الحب العذاب التشويق الإثارة ...تبعو معاياثاني قصة من الكتابة ديالي ...مزال كنكتب فيها نتمنى تعجبكم الكاتبة:إيمان بنرامو😍
