عند يوسف(بعدما مشينا عند دار عمي أو بالأحرى عند نسابي ههه جاتني فشكل هاد الكلمة كنت گالس تا نزلات رنا كانو تيتسناوها البنات صحاباتها باش يمشيو الحمام يالله بغيت نشوفها جراتني مرت عمي گالت ليك لا فال خيب هاذا أودي أخالتي شتي حنى غير مسوقين هههه الله يهديهم مع هاد التقاليد لهيه فلندن واخا العريس يبقا يبلق فعينيه فعروستوا ما يتسوقو صراحة وخا هكاك تقاليدنا مكينش حسن منهم ...)
توجهت أنا او الواليد او عمي تا حنى الحمام واخا مكنحملوش صراحة ولكن مشينا لتركي سخنا عضامنا كيما سمعت تي قول عمي هاد الناس والله دراوش عايشين فرحانين توحشت الواليدة ولكن هي ديما مشغولة مع الأشغال ديالها الله يسمح ليها او حتى ختي هيام كينا فأمريكا كتقرا هندسة الديكور ...من بعد مكملنا وصلنا عمي لدار او أنا او الواليد توجهنا الأوطيل أو هو فين غايكون العرس مزال تي وجدو الزينة المهم مانقص والو غدا يقادو الأضواء او ليباقي خاص...
أصبحنا وأصبح الملك لله أعلن شروق الشمس على يوم جميل ...ههه أش كنخربق نهار زوين مم ولكن كنحس بقلبي فرحان وخا مكينش لاش أنا ويوسف من داك نهار فاش دوينا مابقا تاصل هناني نيت ..ممم أه ليوما غانكون عروسة هههه عروسة كاذبة بطلة فمسرحية الحب ... فقت ليوما بكري أه أه ماشششي من عوايدي أول حاجة مشيت توضيت صليت دعيت الله يفرحني واخا ماشي فزواج لكن بغيت نكون فرحانة حيت نستاهل ...زولت حويج الدار لبست كسيوة طويلة فصومو هبطت لقيت ماما فالكوزينة مع خوالاتي تي وجدو الفطور صبحت عليهم...أنا:صبااااح الخير الحادگات...ماما:ههه أهيااا بنتي رنا فاقت بكري إوا علامات ساعة هادو...أنا:هه اوا شفتي تابعنا نهار طويل خصوصا ملي زدتو ديك الفكرة ديال الحنة غاتكون فالعرس ياعني خاصني قفطان أخر ممم...ماما:اوا أبنتي راجلك هو لي زربان باش تمشيو كون را ليوم كانت ليلة الحنة ديالك او القفطان خضيضر الله يخلي لينا خالتك فاطمة هاهية منساتكش صوباتو ليك بليدياتها...أنا:(كنظاهر الفرحة)خااالتي حبيبتي شكراااا بزااااف...فاطمة(خالتي):إوا لاواه ههه راك بنتي حتى أنا تستاااهلي كتر...أنا:ربي يخليكم ليا...إوا نخليكم نمشي نوجد راسي ندوش باش نعيط على أمال نمشيو لصالون...أنا:أه متنسايس تعرضي على دار ياسين او عائلتوا ...ماما:راه صيفت ليهم هناء...ماما:لاهلا يخطيك...
#يوسف (فقت فصباح كانت الوجهة ديالي دوش بقيت ساعات طوال تحت الما كنفكر فهاد المسرحية لي قربات تسالي هنا او غادي تبدا لهيه أول حاجة الواليدة هي مرضياش بهاد الزواج هادشي لي فهمت من الغياب ديالها نهار عرسي حسي تاهي باغيا ليا كريستينا مابغاتش شي وحدة مغربية تكون مرتي ...فكرت فكريستينا لي تا أنا كنبغيها ولكن منقدرش نكذب عليها غا نگوليها الحقيقة...بعدما ساليت قاديت شعري بجل لبست سروال جينز بلوماغين او شوميز بيضة صباط بغيون رشيت باغفان توجهت لغرفة الحاج لقيتو سبقني ...شفت ساعة بان ليا باقي الوقت مشيت فطرت من بعد بقيت كنشوف فالتجهيزات لي علاما بان ليا كملوا..)
#يتبع
VOUS LISEZ
مسرحيتنا أصبحت حقيقة
Romanceقصة رمانسية تجمع الحب العذاب التشويق الإثارة ...تبعو معاياثاني قصة من الكتابة ديالي ...مزال كنكتب فيها نتمنى تعجبكم الكاتبة:إيمان بنرامو😍
