خيانة رسمية

* الفصل السابع *

دايما هما الاربعه مع بعض و شروق بقت كل حاجه فى حياة هيثم ... و في يوم .......
موبايل شروق بيرن ....
( روايات بسوم )
شروق:الو .. ايه يا هيثم
هيثم:ايه يا قلب هيثم .. مش بتردى ليه
شروق:مكنتش سامعه معلش
هيثم:ولا يهمك يا حبيبتى .. وحشتينى
شروق:و انت كمان يا حبيبي
هيثم:انتي فين ؟
شروق:ها .. ليه يعنى ؟
هيثم:عادى بسألك
شروق:في البيت
هيثم:طب بصي اجهزى عشان نص ساعه هعدى عليكى اخدك
شروق:لا لا مش هينفع
هيثم:ليه ؟
شروق:ماما مش هترضي و بعدين الساعه 5 المغرب عقبال ما اجهز و كده هيكون الوقت اتاخر
هيثم:لا مش هنتاخر ولا حاجه احنا هنتفسح شويه بس .. انتى وحشتينى
شروق:ما انا عارفه بس ماما مش هتوافق
هيثم:ممم طب بصي انا هكلم رضوى اخليها تجيلك و تقنعها
شروق:ها .. رضوى .. لالا متبعتهاش انا هحاول اقنعها
هيثم:طب ليه ما ابعتهاش ؟
شروق:كده كده .. امى تعبانه و هتضايق .. بص انا هكلمها
هيثم:اوك ع العموم انا نص ساعه و هكون عندك اتصرفي بقى
شروق:اوك يا هيثم
هيثم:سلام يا حبيبتى
شروق:سلام
شروق قفلت و سندت راسها علي الحيطه و اخدت نفس طويل ....
( روايات بسوم )
،،:في ايه ؟
شروق:هيثم بيقولى نص ساعه و هكون عندك عشان نخرج و انا قولتله لا قالى هبعتلك رضوى
،،:يا نهار مش فاايت .. هنعمل ايه ؟
شروق:هى لسه فيها هنعمل ايه قوم البس بسرعه و امشي مفيش وقت و انا هلبس و امرى لله
،،:لا بس انتى وحشانى اوى و عايز اقعد معاكى شويه
شروق:معلش مش وقته عشان خاطرى انزل
،،:حاضر يا قلبي عشان خاطرك بس .. قام لبس و نزل و شروق لبست و ع اخر دقيقه من النص ساعه لقيت موبايلها بيرن ....
( روايات بسوم )
شروق:الو
هيثم:ايه يا حبيبي .. انا تحت
شروق:اوك ثوانى و هكون عندك
هيثم:اقنعتى مامتك ازاى
شروق:عادى اتحايلت عليها شويه وافقت
هيثم:طب الحمدلله .. يالا بقى ما تتأخريش
شروق:اوك حاضر .. ثواني بس
هيثم:اوك يا موزتى .. يالا باى
شروق:باى
..
تحت في العربيه عند هيثم بيتكلم في الموبايل ....
( روايات بسوم )
هيثم:ايه فينك
لؤي:هلبس بسرعه و جاى
هيثم:في اى يا عم مكلمك بقالى ربع ساعه و قايلى رايح البس و اجيب رضوى و نيجى و كل ده ملبستش
لؤي:معلش مش هتأخر .. طول بالك
هيثم:ادينى مطوله .. بس بسرعه بقى متتاخروش
لؤي:حاضر .. يالا سلام عشان متعطلنيش
هيثم:اوك .. سلام
قفل هيثم السكه و بيبص نحيت البيت لقى شروق نزله .. نزل من العربيه و راح وقف قدام الباب اللى جنب السواق مكان ما شروق هتقعد .. و اول ما وصلتله مسك اديها ...
هيثم:وحشتينى يا روح قلبي
شروق:و انت كمان يا حياتى
هيثم:مش يالا بينا بقى ولا عجباكى الوقفه
شروق:اى حاجه معاك عجبانى .. بس يالا بينا
هيثم:بمووت فيكى
شروق بكسوف:و انا كمان
فتحلها هيثم الباب و مدلها ايده عشان تركب ...
ركبت شروق و ركب هيثم و فضلوا يتمشوا ع الكورنيش بالعربيه و بعد كده وصلوا عند كافيه وقف هيثم العربيه و نزلوا .... انجچ هيثم شروق و طلعوا للكافيه فوق (الكافيه علوى) اول ما دخلوا من الباب نور الكافيه اتقطع ...
شروق بخوف:ايييييه ده
هيثم:بسم الله الرحمن الرحيم .. متقلقيش اكيد حصلت قفله ولا حاجه
شروق:طب يالا نمشي
هيثم:انا مش شايف اخاف ارجع تقعى منى او نقع احنا الاتنين على السلالم
شروق:طب و بعدين بقى
هيثم:تعالى نخش جوا شويه نشوف اى ترابيزة نقعد عليها و اكيد النور هيجى علي طول
شروق:لا خايفه
هيثم:يا بنتى ماتخافيش اومال انا معاكى بعمل ايه
شروق:مممممم
هيثم:يالا بقى الا حد يعدى يخبط فينا ولا حاجه
شروق:ماشي امرى لله .. بس انت المسؤل
هيثم:ماشي يا ستى .. امسكى فيا كويس بس
شروق:حاضر
( روايات بسوم )
مسكت شروق في هيثم و مشيوا خطوتين فجأه اتخبطت شروق و صوتت و .....
.........................
#بسمه_ممدوح